එම ජන අරගල පිළිබද ලෝක ඉතිහාසයට, මෙරට ආදරයේ අරගලය හෙවත් පුරවැසි අරගලයද පසුගියදා එක්විය. එය තවමත් නිශ්චිතව අවසන් වී නොමැති වුවත්, අරගලයේ මූලික අරමුණ වූ රාජපක්ෂ රාජ්‍ය පාලනය ගෙදර යැවීම ගතවූ දින 100 ක කාලය තුළ ඉටු කරගැනීමට පුරවැසියන්  සමත්විය.

මෙවර TBC අපගේ මාසික ලිපිය වෙන්වන්නේ මෙම ආදරයේ අරගලය පිළිබදවවූ අපේම කතාව ලියා තැබීමට වේ.

ලෝක ඉතිහාසයේ වාර්තාගත වී ඇති වරින්වර ඇතිවූ ජන අරගලවල ආරම්භය වසර 1783  පෙනිසිල්වේනියාවේදී සෙබළුන් විසින් ගෙන ගිය රාජ්‍යයට එරෙහි අරගලයෙන් ආරම්භ වන බව පෙනේ.

මේ පිළිබදව ඉතිහාසය සොයා බැලීමට කැමති ඔබට එලෙස වාර්තාගත වූ සුවිශේෂී වු ජන අරගල ලැයිස්තුවක් පහතින් දක්වා තිබේ. මේ පිළිබදව සවිස්තරාත්මක ලිපියක් ඉදීරියේ බලාපොරොත්තු වන්න.

1. 2021 ඉන්දියානු ගොවියන්ගේ විරෝධය 
2. 2020 ජෝර්ජ් ෆ්ලොයිඩ් සහ කළු සමේ ගැටලුව
3. 2017 කාන්තා පෙළපාළිය
4. 2011 කප්පාදුවට එරෙහි චිලී සිසු සටන්
5. 2003 ඉරාක යුද්ධයට එරෙහි අරගලය
6. 1989 ටියෑන්නෑන්මෙන් චතුරස්‍රයේ විරෝධතාව 
7. 1986 පිලිපීන අරගලය
8. 1973 ග්‍රීසියේ මිලිටර් ජුන්ටාවට එරෙහි සිසු විරෝධතාව
9. 1970 පළමු මිහිතල දින අරගලය
10. 1970 යුද විරෝධී එක්සත් ජනපද සිසු අරගලය
11. 1968 මැයි ප්‍රංශ අරගලය

මිනිසුන් තමන්ට වන ආසාධාරණයන්ට එරෙහිවූ මෙම අවස්ථා සියල්ලෙහිම තම ලෙයින් කදුළෙන් ජිවීතයෙන් වන්දී ගෙවූ මිනිසුන් පිළිබදව ඉතිහාසය සාක්ෂි දරයි.

ඕනෑම අවස්ථාවක තමන්ට එල්ලවන දැඩි පීඩනයට එරෙහිව මිනිසුන්ට නැගි සිටිම සදහා විධානයක් නියෝගයක් අවශ්‍ය නොවන අතර පීඩන ජන සමාජය තුළින් නිතැතින්ම නැගි සිටිම සිදුවේ.එලෙසින්ම ජන අරගලයක් මෙලෙස වියයුතු යැයි කිසි තැනක සදහන් වු රාමුවක් නොමැති අතර එයට නායකයකු අවශ්‍ය  යැයිද නොවේ.සැබවින්ම ජන අරගලයක් පීඩිතයා මුහුණ දෙන පීඩනයේ ස්භාවය එහි තරම මත නිතැතින්ම නැගි සිටිම සිදුවන අතර එම නැගි සිටිමේ ස්භාවයද පීඩනයේ තරම මත තීරණය වේ.

එය ඉතා හොදින් පසුගිය කාලවකවානුව තුළ මෙරට වූ ආදරයේ අරගලයෙන් ඔබට දැනී යන්නට ඇති අපේ විශ්වාසය වන අතර තරුණ ප්‍රජාවෙන් ආරම්භ වී බාල මහළු සියල්ලන් එකාවන් විදී බැසි ආකරයෙන් එය මොනවටත් පැහැදිලි වේ.

ආදරයේ අරගලයට මූලිකවූ හේතු සාධක වන්නේ, පැවති ගෝඨාභය රාජපක්ෂ ජනාධිපති පුමුඛ රජය විසින් ශ්‍රී ලංකා ආර්ථිකය වැරදි ලෙස කළමනාකරණය කිරීම නිසා ඇතිවූ දැඩි උද්ධමනය, දෛනික විදුලිය ඇනහිටීම්, සහ ඉන්ධන, ගෘහස්ථ ගෑස් සහ අනෙකුත් අත්‍යවශ්‍ය භාණ්ඩ හිඟයක් රටපුරා ඇතිවීමයි.

අධික ලෙස මහජන මුදල් සොරකන ලද රාජපක්ෂ පවුල ප්‍රමුඛ රජය ඉල්ලා අස්වන ලෙස බල කිරිම අරගලයේ මුලික අරමුණ විය. එමෙන්ම ජනතාවට ජිවත්වීමට නොහැකි තරම් පීඩනයක් එල්ල කරන ආණ්ඩුව කෙරෙහි පාර්ලිමේන්තුව තුල කිසිදු විරෝධයක් නොදක්වන ව්පක්ෂය කෙරෙහිද ජනතා විරෝධය එලෙසින්ම ඉස්මතු වන්නට විය.

“ගෝඨා ගෙදර යන්න” සහ “රාජපක්‍ෂලා ගෙදර යන්න” වැනි සටන් පාඨ කියමින් ගාලු මුවදොර පිටිය අරගලයේ ස්ථානීය කේන්ද්‍රය බවට පත් කරගන්නා ලදි.මෙම මහජන අරගලයට, හදිසි තත්වයක් ප්‍රකාශ කිරීම, සිවිල් වැසියන් අත්අඩංගුවට ගැනීමට හමුදාවට ඉඩ දීම, ඇඳිරි නීතිය පැනවීම, සමාජ මාධ්‍ය වෙත ප්‍රවේශය සීමා කිරීම සහ විරෝධතාකරුවන්ට, මාධ්‍යවේදීන්ට සහ අන්තර්ජාල ක්‍රියාකාරීන්ට පහර දීම වැනි අත්තනෝමතික ක්‍රියාවලින් රජය පිළිතුරු සැපසුවද, #GoHomeRajapaksas සහ #GoHomeGota ඇතුළු හෑෂ් ටැග් එක්සත් ජනපදය, සිංගප්පූරුව සහ ජර්මනිය වැනි රටවල මෙන්ම ලොවපුරා ජනප්‍රිය වීමත් ලෝක අවධානය මේ පිළිබදව එල්ලවීමත් ආරම්භ විය.ශ්‍රී ලංකා මානව හිමිකම් කොම්සන් සභාවත් , ශ්‍රී ලංකා නිතී සංගමයත් අරගලකරුවන්ට එල්ලවන අසාධාරණයන්ට එරෙහිව කටයුතු කීරිම ප්‍රශංසනීය වේ.

ආරම්භක විරෝධතා මාර්තු මස මුලදී කුඩා ඉටිපන්දම් දැල්වීමෙන් ආරම්භ වූ අතර එය රටපුරා සීඝ්‍රයෙන් ව්‍යාප්ත වන්නය විය. විදුලි බලය කප්පාදු කිරිම දිනකට පැය 08ක කාලයක් දක්වා දීර්ඝ කිරීමත් සමග මේ තත්ත්වය වර්ධනය වන්නට විය.

මාර්තු 31 වැනි බ්‍රහස්පතින්දා, විරෝධතාකරුවන් සිය ගණනක් ජනාධිපතිගේ පෞද්ගලික නිවස පිහිටි මිරිහාන පැඟිරිවත්ත පාරේ උද්ඝෝෂණයක් පැවැත්වීය.මෙම සාමකාමි උද්ඝෝෂණයට පොලිසිය විසින් කඳුළු ගෑස් සහ ජල ප්‍රහාර එල්ල කරන ලදි. මෙහිදි අත්අඩංගුවට ගත් 45 දෙනෙකු වෙනුවෙන් පසුදා නීතීඥයින් 300කට අධික පිරිසක් ස්වේච්ඡාවෙන් මිරිහාන පොලිස් ස්ථානයට පැමිණ සිටියහ. අප්‍රේල් 1 වන දින ජනාධිපති ගෝඨාභය රාජපක්ෂ විසින් රටපුරා මහජන හදිසි අවස්ථාවක් ප්‍රකාශයට පත් කල අතර පැ‍ය 36ක් රටපුරා ඇදීරි නිති තත්ත්වයක් පනවන ලදි.

රටපුරා උද්ඝෝෂණය තත්ත්වයන් මෙන්ම ප්‍රසිද්ධ පුද්ගලයන් පවා විදී බැස රජය කෙරෙහි වූ තම විරෝධය දක්වන්නට විය.මේ කාලය තුල සමාජ  මාධ්‍ය වාරණයන්ට ලක් කිරිමට රජය දැඩි ක්‍රියාමාර්ග ගනු ලැබුවද, #GoHomeGota හැෂ්ටැග් ලොවපුරා ජනප්‍රිය සමග රජය පසුබසින ලදි.

විවේචන එල්ලවූ රාජපක්ෂ පවුලේ නාමල් රාජපක්ෂ ද ඇතුළත්. රාජපක්ෂ පවුලේ අමාත්‍යවරුන් දෙදෙනෙකු වන චමල් රාජපක්ෂ සහ බැසිල් රාජපක්ෂ අප්‍රේල් 03වනදා තම කැබිනට් අමාත්‍ය ධූරයන්ගෙන් ඉල්ලා අස්විය.වැඩෙන මහජන කෝපයේ ප්‍රතිඵලයක් ලෙස ශ්‍රී ලංකා මහ බැංකුවේ අධිපති අජිත් නිවාඩ් කබ්රාල් ද ඉල්ලා අස්විය.මෙරට ඇතිවූ ආර්ථික අවපාතයට දැඩිව වගකිව යුතු පුද්ගලයෙක් ලෙස අරගලයේ දැඩිව ඔහු විවේචනයට ලක්විය.

ඒ අනුව අප්‍රේල් 07 වන දින මහ බැංකුවේ හිටපු නියෝජ්‍ය අධිපති නන්දලාල් වීරසිංහ මහතාශ්‍රී ලංකා මහ බැංකුවේ අධිපති ධූරයේ වැඩ භාරගත් අතර ඔහුගේ සැලැස්ම පිළිබදව තවමත් ජනතාව බලාපොරොත්තු සහගතව සිටියි.

2022 අප්‍රේල් 9 වන දින, විරෝධතාකරුවන් රජයට එරෙහිව ගාලුමුවදොර පිටියේ විශාල පෙළපාලියක් ආරම්භ කල අතර ගාලු මුවදොර අරගලයේ කේන්ද්‍රය බවට පත්විය. එදින ජනාධිපති ලේකම් කාර්යාලය ඉදිරිපිටද විශාල විරෝධයක් ඇතිවිය. දස දහස් ගණන් ජනයා විදී බැස තම විරෝධය විශාල වශයෙන් රජය කෙරෙහි දක්වන ලදි.

සියලු දේශපාලනඥයන් වහාම විගණනය කරන්න”.“මේ අපේ රට ඔබේ ATM යන්ත්‍රය නොවේ”, “රට විකිණීමට ඇත, ගෝඨා අසාර්ථකයි”, “අපේ හොරකම් කළ මුදල් අපට ආපසු දෙන්න”, වැනි සටන් පාඨ සැම තැනම දකින්නට වූ අතර වෙන කවරදාකත් නොවූ අයුරින් ජනතාව මෙම ආණ්ඩුවට එරෙහිව නැගි සිටින්නට විය.තිස් වසරක යුද්ධය නිමාවට පත් කල නායකයා ලෙස මහින්ද රාජපක්ෂ හිටපු ජනාධිපතිටද දැඩිව විරෝධයක් එල්ල වූයේ මහජන මුදල් සොරාකමින් ජනතාවත් රටත් අසීරූ කිරිම සම්බන්ධයෙනි.

අප්‍රෙල් 10 වන දින සාමකාමි අරගලයේ නියුතු ජනතාව පවසන ලද්දේ ජනාධිපති ගෝඨාභය ගෙදර යන තුරු අඛණ්ඩව විරෝධතාවයේ නිරත වන බව සහ ගාලුමුවදොර පිටියේ ගෝඨාගෝගම ලෙසින් ප්‍රදේශයක් විරෝධාතාවයේ නියැලෙන්නට සකස් කරන ලදි.

ගාලුමුවදොර පිටියේ ගෝඨාගෝගමේ විරෝධයට දිනපතා රටේ නන් දෙසින් මිනිසුන් ඇදෙන්නට වූ අතර තම විරෝධය ඉතා සාමකාමි අයුරින් සටන් පාඨ ඇතුලත් පුවරු එල්ලා සිටිමෙන් ගීත ගැයීමෙන් දක්වන ලදි. කුඩා දරුවන් පවා මෙම විරෝධතා සදහා වැඩිහිටියන් විසින් සහභාගි කරවන්නට විය. ලොවපුරා ඉතා සාමකාමි විරෝධතාවයක් ලෙසින් ආදරයේ අරග්ගලය ජනප්‍රිය වන්නට විය.

මැයි 09 වන දින සාමකාමි අරගයේ නියුතු ගාලුමුවදොර ජනතාවට පහරදීමට රජය විසින් ඔවුන්ගේ ආධරකරුවන් සූක්ෂම ලෙස යෙදවූ අතර, පහර කෑමට ලක්වූ අරගලකරුවන්ට සහයෝගය දක්වමින් දිවයිනේ නන් දෙසින් ජනතාව ගාලුමුවදොරට ඇදෙන්නට වූ අතර, ඇදිරි නිතීය යොදන්නටද සිදු විය. මෙම ක්‍රියාව පිටුපස සිටි මහින්ද රාජපක්ෂ තම අගමැති ධූරයෙන් ඉල්ලා අස්වීම එදින ප්‍රකාශයට පත් කරන ලදි.

නොකඩවා ජනාධිපති හා රජයට එල්ලවන විරෝධය හමුවේ ජූනි 9 වැනිදා හිටපු මුදල් අමාත්‍ය බැසිල් රාජපක්ෂ ජාතික ලැයිස්තු මන්ත්‍රී ධුරයෙන් ඉල්ලා අස්විය.කිසිදු සැලැස්මක් නොමැති අදූරදර්ශි ආර්ථිකය හැසිරවීම, මුදල් නෝට්ටු සිතු ලෙස අච්චු ගැසිම, මුදලේ අගය බාල්දු කිරිම සහ විශාල ලෙස කොමිස් ගසම්න් මහජන මුදල් සොරාකැම ඔහුට මහජනතාවගෙන් එල්ල වූ චෝදනා වේ.

ජුලි 9 වැනි දින, ජනාධිපතිවරයා වහාම ඉල්ලා අස්වන ලෙස බලකරමින්, කොළඹ චැතම් වීදියේ, ජනාධිපති මන්දිරය අසලට රැස්ව සිටි විරෝධතාකරුවන් විශාල සංඛ්‍යාවක් පැමිණීමට පෙර, ජනාධිපතිවරයා කොළඹ පිහිටි ඔහුගේ නිල නිවසින් පලා ගියේය. පොලිස් බාධක සහ කඳුළු ගෑස් ප්‍රහාර නොතකා ජනාධිපති මන්දිරයට කඩා වැදීමට විරෝධතාකරුවන්ට හැකි විය. ඉන්ධන නොමැති වුවද මිනිසුන් දිවයිනේ නන් දෙසින් කොළ්ඹට එදින එක්වූයේ ජනාධිපතිට ඉල්ලා අස්වන ලෙසට බල කිරිම උදෙසාය.දිවයිනෙන් පලාගිට ජනාධිපති ගෝඨාභය රාජපක්ෂ තම ඉල්ලා අස්වීමේ ලිපිය කතානායක වෙත භාරදීම දීනෙන් දින කල් යවමින් සිට ජුලි 13 වන  දින නිල වශයෙන් යොමු කරන ලදි.

මාස තුනකට වැඩි කාලයක් අඛණ්ඩව කල සටනින් අනතුරුව අරගලයේ පුමුඛ අරමුණ සාක්ෂාත් කර ගැනිමට මෙරට වැසියන්ට හැකිවිය.ආදරයේ අරගලට නමින් මෙය ලොවපුරා ජනප්‍රිය වුයේ මෙහි මුලික අරමුණ ඉතා සාමකාමි අයුරින් ආදරයෙන් දිනා ගැනිම උදෙසා මෙරට පුරවැසියන් කටයුතු කල නිසයි.

නමුත් අප හමුවේ වූ ප්‍රශ්න විසදී තිබේද? අරගලයේ දෙවන අදියරක් අවශ්‍යද ?

The post 2022 ශ්‍රී ලංකාවේ අදූරදර්ශී රාජ්‍ය පාලනයට එරෙහිව නැගුණු පුරවැසි අරගලය හෙවත් ආදරයේ අරගලය first appeared on Throw Back Ceylon.

The post 2022 ශ්‍රී ලංකාවේ අදූරදර්ශී රාජ්‍ය පාලනයට එරෙහිව නැගුණු පුරවැසි අරගලය හෙවත් ආදරයේ අරගලය appeared first on Throw Back Ceylon.

හවස් යාමයේ මළහිරුත් සමග රා කට්ටක් තොල ගෑම අතීතයේ පටන් අප මුතුන්මිත්තන් පුරුද්දක් ලෙස සිදුකර තිබේ.රා මත්වන පානයක් නිසා සමහරු ප්‍රතික්ෂේප කළද, මිල අධික විස්කි බැන්ඩි මෙහි එන්නට ප්‍රථම මෙරට කාගේත් මත් වෙන්න හොදම පානය වූයේ මෙයයි. එයිනුත් කිතුල් රා සදහා හොදින්ම ඉල්ලුම වැඩිය.පොල් රා, කිතුල් රා හා තල් රා යනුවෙන් රා වර්ග තුනක් මෙරටින් හදුනා ගත හැක.පිළිවෙලින් පොල් ගස,කිතුල් ගස හා තල් ගසේ මල කපා එහි මල් පැණිය මෙලෙස රා ලෙස පානය කරනු ලැබේ.

මුහුදුකරයත් සමග ජීවත්වන පහතරට ඇත්තෝ  පොල් රා සමග සමීප, පොල් ගස මේ පළාත්වල සුලබ හෙයිනි.කිතුල් රා රට මැද වන්නටත්, උතුරුකරයේ තල් රා සඳහාත් ප්‍රචලිත වේ.අපේ රටේ රා කර්මාන්තයට ඇත්තේ දිගු ඉතිහාසයකි. මුහුදුකරය ආශ්‍රිතව සහ පොල් ත්‍රිකෝණය ආශ්‍රිතව රා කර්මාන්තය ජයටම සිදු කර තිබේ.

මේ වනවිට පොල් රා කර්මාන්තය අභාවයට ගොස් තිබුනද කලක් මෙරට ඉතා හොද දේශීය කර්මාන්තයක් ලෙස මෙය පැවතුනි.

වාඩියක රා බීම තරම්, රා පෙරා ගැනීම සුන්දර කටයුත්තක් නොවේ.එය ඇත්තෙන්ම ඉතාම භයානක රස්සාවකි.අතුරෙහි ගොස් රා මදින මිනිසා යළි ගෙදර එනතුරු අවිනිශ්චිත වේ.

මේ සුමිහිරි පානය හා බැදි අන්තරාදායක රැකියාව නිසාවෙන්ම නූතන සමාජයෙන් කෙමෙන් මෙය වියැකෙමින් පවතියි.

මුහුදුකරය ආශ්‍රිතව පදිංචි පිරිමි පුද්ගලයින් එකල සිය කායික වෙහෙස හා පවස නිවාලන්නට රා පානය කළහ. සැබවින්ම පොල් මලෙන් වැස්සෙන තෙලිදිය සිනිවලින් පමණක් නොව පොටැසියම් වැනි ලවන වලින්ද පොහොසත්ය. මුහුද ආශ්‍රිත ලුණු ගතිය මිශ්‍ර කටුක උෂ්ණත්වය නිසා ශරිරයෙන් දහඩිය සමග පිටවන ඛණිජ ද්‍රව්‍ය රා වැනි පානයන් තුලින් නැවත ශරිරයට ලබා දෙයි.

ඉංග්‍රිසි යුගයේ දී අරක්කු හා රා රේන්දය නිසා රජයට නිත්‍ය ආදායමක් හිමි විය. රා රේන්දය නිසා ආදායම් ඉපයු ස්වදේශිකයින් පොල්වගාව ව්‍යාප්ත කිරිමට මුල් වූහ. එකල මුඩුබිම් පනත යටතේ රජය සතු වු ඉඩම් වගාව සඳහා වෙන් කිරිමේ දී එවා අත්පත්කරගත් ස්වදේශික ධනවතුන් පොල් වැවූහ.

එකල අපේ පැරැන්නෝ ගසකින් බාගත් රා පොල්කට්ටක් පානය කිරිමට පුරුදුව සිටියහ. ඒ විතරක් නොව ඇතමුන් දරුවන්ගේ පණුගායට රා හැන්දක් දීමට පුරුදුව සිටියහ. ඇතැම් දේශීය බෙහෙත් වර්ග සඳහාද රා අවශ්‍ය වේ. එකල ආප්ප සැදීමට නම් රා මණ්ඩි නැතිවම බැරිවිය.

පොල් ගස වනාහි තාල වර්ගයට අයත් වන අතර එහි පල ප්‍රයෝජන සීමාවක්නම් නැත. දිවයිනේ පහතරට ප්‍රදේශයන්ට විශේෂයෙන් ආවේණිකවූ, පොල් ගසේ පලෙන් ලබා ගන්නා කදුල හෙවත් රා කර්මාන්තයක් ලෙසින් අවුරුදු 60කට වැඩි කාලයක් මෙරට තිබී ඇත.

පොල් ගසක් සිටුවා වසර ගනනාවක් බලා සිටි පසු එයින් පොල් හෝ පොල් වෙනුවට රා ලබා ගැනීමට ඉඩම් අක්කර ගණන් වශයෙන් හෝ සුළු වශයෙන් භාවිතා කරනු ලැබේ. ඉන්පසු භාරදූරම කර්‍ය වන්නෙ එම ගස් මැදීම හෙවත් රා මදින්නා ලෙස විරිදාවලිය ලත් කෙනෙකු සොයා ගැනීමයි. ඉතිහාසගත කරුණු අනුව මේ සදහා ප්‍රථමයෙන් යොදා ගෙන තිබෙන්නේ ඉන්දියාවෙන් මෙරටට සංක්‍රමණය වූ පිරිසකි.ඔවුන් අන්නේ ලෙස හදුන්වනු ලැබ තිබේ. සැබවින්ම රා මැදිමේ කර්මාන්තයේ නිරත වීම සඳහා හොඳ ජවයක් හා අත්දැකීම් බහුල පෘශ්ට දේහයක්  තිබිය යුතුය. මෙය ඉතා වෙහෙසකර රැකියාවකි. දිනකට දෙවතාවක් පොල්ගසට නැගිය යුතුය. ඉන් අනතුරුව ඒ සදහා අවශ්‍ය ආයුධ කට්ටලය හෙවත් ආම්පන්න ටිකත් සපයා ගත යුතුවේ..ඔහුගේ නිළ ඇදුම ලෙස යොදා ගැනෙන්නේ නිල් පාටින් මසා ගත්ත කුඩා රෙද්දක්.මෙයට කච්ච රෙද්ද යනුවෙන් හදුන්වයි.

රා මැදීමේ දී භාවිතා කරන සුවිශේෂී ආයුධ බහාලීමට ලී වලින් සකස් කරන ලද කුඩා පෙට්ටිය “මදින පෙට්ටිය” නමින් හදුන්වනවා. මල්තැලුම, මදින පිහි කට්ටලය ආදී මල් මැදීමට විශේෂයෙන්ම සකස් කරන ලද ආයුධ ආම්පන්න සියල්ලම මේ මදින පෙට්ටියේ ඇතුළත් වෙනවා.

පොල් රා කර්මාන්තය ගැන කතා කරද්දී ඒත් එක්කම හෙවනැල්ල වගේ එන අනිත් වචනය තමයි “අතුර”. පොල් ගස් මුදුන් යාකරල ශක්තිමත් ලණුවලින් ගස් අතරෙ එහාමෙහා යන්නට හැකි වෙන්න බඳින වියමනකට අතුර කියල කියනවා. රා මදින්නන් ගහෙන් ගහට මාරු වෙන්නෙ මේ අතුර දිගේ. අතුරට නැගීම සදහා එක් පහසු ගසක් තෝරාගෙන එහි නැගීම සදහා මුදුනට පඩි මෙන් බදිනු ලැබේ. මෙම පඩි බදින ගස “හැර” ගහ ලෙස හදුන්වනු ලැබේ.

හැබැයි අතුරෙ යනව කියන එකනම් ලේසි පහසු කටයුත්තක් නෙමෙයි. ඕනෑම පළපුරුදු රා මදින්නෙකුට වුවත් සුළු අතපසු වීමකින් අතුරෙන් බිමට වැටී ජිවිතය නැතුව යා හැකියි. ඒ නිසාම යම් අනතුරුදායක් වැඩක් කරනකොට එය හදුන්වන්න අපේ ජනවහරට ” ඒකත් හරියට අතුරේ යනවා වගේ ” වගේ කියමනක් ඇවිත් තියෙන්නේ.

රා මදින්න තෝරාගත් ගහක මුලින්ම සිදුකල යුතු කාර්යය තමයි මල වෙලීම. මදිද්දී මල පුපුරන එකෙන් වළක්වාගන්න තමයි මෙහෙම කරන්නේ. ඉස්සර මේ සදහා භාවිතා කරල තියෙන්නෙ ගොක්කොළ උනත් අද නම් භාවිතා කරන්නෙ කොහු ලණු.

ගහින් ගහට මාරුවෙවී මල් තලල, මල අගින් සැලකිය යුතු මට්ටමේ කොටසක් ඉවත් කරල, කෙළවරින් පොඩි මුට්ටියක් බඳිනවා. ඒ මුට්ටියට තමයි මලෙන් බේරෙන රා ටික එකතුවෙන්නේ. ඒ විදියට එකතුවෙන රා ඔක්කොම එක්තු කරල ගහෙන් බිමට බාන්නෙ, “රා ලබ්බ” කියල හදුන්වන ලබු කැටයක හැඩයක් ඇති බහාලුමකින්.

සාමාන්‍යයෙන් මේ වගේ රා මැදීමේ කටයුතු සිද්ධ වෙන තැන්වල “වාඩිය” නමින් හදුන්වන ස්ථානයක් තියෙනවා. එතන තමයි රා මදින්නන් එකතු කරගත්ත රා ටික රාජ්‍ය ස්කාගාර සංස්ථාවට සහ විනාකිරි නිෂ්පාදනය වැනි අතුරු නිෂ්පාදන සදහා ලබාදෙන තෙක්  තාවකාලිකව ගබඩා කරල තියන්නෙ. ඒ විතරක් නෙමේ වෙහෙස උනාම පොඩි නින්දක් දාන්න, බඩගිනි උනාම බත් ටිකක් උයා පිහාගෙන බඩ පුරව ගන්න උනත් මේ මිනිස්සුන්ට හෙවන දෙන්නෙ මේ වාඩිය කියන තැන තමයි.

රා කර්මාන්තය ගැන කතා කරනකොට කලින් සදහන් කල පරිදි හොදටම ඉල්ලුම තියෙන රසවත්ම රා තමයි කිතුල් රා.

සාමාන්‍යයෙන් දෙවර්ගයකට අයිති කිතුල් ගස් තියෙනවා. එක වර්ගයක් සිහින්ව උසට වැඩෙන අතර අනෙක් වර්ගය වඩා උස නොයන කඳ මහත වර්ගයක්. මේ උස නොයන වර්ගය රෑන කිතුල් යනුවෙන් හදුන්වනවා මේ ඒකට හේතු වශයෙන් පහසුවෙන් හැර ගැහීමට හැකිවීම හා වැඩි තෙලිජ්ජ ප්‍රමාණයක් ලබා ගැනීමට ඇති හැකියාව නිසා කොට ගස්වල මල් හැදීම සාපේක්ෂව වැඩියි.

හැර ගහලා ගසට නැගීමෙන් අනතුරුව කිතුල් මල තලන්න/කැපීමට සුදුසු ප්‍රමාණයට වැඩිලද කියලා බලනවා. කිතුල් මල ඝනකම් හනසු කීපයකින් ආවරණය වෙලා තිබුනට අග කොටස තරමක් මෘදුයි. එම කොටස තදින් මිරිකනකොට එබෙන්නේ නැතිනම් ඒකට අපි කියනවා අග පිරිලා කියලා. එහෙම නම් ඒ මල කපන්න සුදුසු තත්වෙට වැඩිලා. මේ විදියට කිතුල් මල කපලා, පදම් කරලා වැස්සට නොතෙමෙන්න ආරක්ෂා කරගන්න ඕන.

ඉන්පසුව මලේ අග කොටස කපලා, උදේට දවල්ට හවසට මල කපන්න ඕන.මල කපනවා කිව්වට පිහියෙන් කොටලා කපන්නේ නෑ. බොහොම සියුම් ආකාරයට මල නොහෙල්ලෙන විදිහට මලෙන් තුනී කොටසක් විතරයි කපලා ඉවත් කරන්නේ. තුන් වරුව කපන කොට අපට මල් මූනතට කඳුල පුරනවා බලන්න පුළුවන්.ඒ තමයි තෙලිජ්ජ.දවස් දෙක තුනක් ගතවෙන කොට ගසට මුට්ටියක් එල්ලනවා. උදේ මුට්ටිය එල්ලුව නම් දවල් වනවිට තෙලිජ්ජ එකතු වෙනවා. ක්‍රමයෙන්  කඳුල වැඩි වෙන බවක් පෙනෙන්න තිබේනම්, අදාල මුට්ටියේ ප්‍රමාණය වෙනස් කරනවා. සමහර ගස්වල බෝතල් 25-30 සෑහෙන්න තෙලිජ්ජ තිබෙනවා. ඊට අඩු වැඩි වෙන වෙලාවලුත් නැතිවම නෙමේ.පැණි හෝ හකුරු හදන්න ගන්නවා නම් එලෙසින්ම උණු කරනවා. නමුත් රා හදනකොට දවසක් දෙකක් ගහේම තියෙන්න අරිනවා. එතකොට භාජනේ අඩියේ මන්ඩි වගේ හැදෙනවා සුදු පාටට. එවිට උඩ තියන තෙලිජ්ජ ටික ඉවත් කරලා, අර මන්ඩි ගතියට තියෙන ටික ඉතිරි කරගන්නවා. ඊට පස්සේ ඒ මුට්ටියම ආයේ ගහට එල්ලනවා. ඔන්න ඉතින් හවසට හරි ඊලඟ දවසට හරි යනකොට සුදට සුඉදේ පෙන දාන රාමුට්ටියක් තියෙනවා.පැණි හෝ හකුරු සාදන විට අපි වැඩි වෙලා එකතුවෙන තෙලිජ්ජ ගහේ තියන්නේ නැහැ.. ඒවගේම නිතර නිතර ගහට එල්ලන මුට්ටිත් මාරු කරනවා. එහෙම කරන්නේ තෙලිජ්ජ පැහෙන එක නතර කරන්න. යන්තම් හෝ ඇඹුල් උනොත් ඒ වැඩේ කරන්න බැරි වෙනවා. ගේන තෙලිජ්ජ ගෙනා ගමන්ම පෙරලා උණු කරනවා. මේ පැණි, හකුරු හදන ගෙවල් වල එලියේ මඩුවක හෝ කොහේ හරි නිතරම දැල්වෙන ලිපක ලොකු තාච්චියක් (ඩොංගා තාච්චි) තියලා තියෙනවා. ගහෙන් රැගෙන එන තෙලිජ්ජ  මේ තාච්චියට එකතු කර කර ගින්දර දානවා. පැය 5-6 ක් හින්දනකොට පැණි පදමට එනවා. එතකොට ලිපෙන් බාලා ගත්තොත් කිතුල් පැණි. හකුරු හදන්න ඕනි නම් තවත් හින්දනවා.හැඳිගාන කොට අතට දැනෙනවා පැණි එක ඝනවීගෙන එනවා. එවිට ලිපෙන් බාලා පොල් කටු වත්කරගන්න ඕන. විනාඩි 10න් ලස්සන හකුරු පියන් ගලවන්න පුලුවන්. ගොඩක් අය ආසයි හකුරු බෝල කන්න. ඒවා හදන්නේ හකුරු වත්කරලා ඉවර උනාට පස්සේ පැණි උණුකරපු තාච්චිය හූරලා. දැන් කිතුල් පැණි ටිකක් කන්න ආසාවක් ඔබටත් එන්න ඇති.

අවුරුද්දේ හැමදාම පොල්මල් පීදෙන්නේ නැහැ.එලෙස එන ආවර කාලවලදි පොල් රා මදින අයට ජිවත්වීම සදහා වෙනත් යමක් ජීවනෝපාය ලෙස කිරීමට සිදුවේ.බොහෝ දෙනා පොල් ගස් අතර ඉඩෙහි සුළු බෝග වගාවන්වල මේ කාලයේ නියැලේ.

මෙම රා මැදීමේ ජීවනෝපාය පරම්පරාවෙන් පැවත ආ එකක් මෙන්ම ඒ සදහා හොද ශිල්පීය දැනුමක් තිබිය යුතු වේ.නමුත් නව පරම්පරාව රා මෙන්ම මෙම රැකියාවත් සමාජයේ පිළිගැනීමක් නොමැතිකම නිසා අත් හැර තිබෙන බවක් පෙනී යයි. කෘතිම රා වලට රාජ්‍ය ස්කාගාර සංස්ථාව වැඩි අවධානයක් දීම සහ මේ පාරම්පරික කර්මාන්තය රැකගන්න රජයක් විදියට දක්වන දායකත්වයේ හිඟකම නිසාත් කර්මාන්තයක් ලෙස ආර්ථික වශයෙන් පාඩු ලැබීමත් නූතන පරම්පරාව මේ කර්මාන්තයෙන් ඈත් කර තිබේ.

කෙමෙන් අභාවයට යන ඉතා දුෂ්කර නමුත් රසවත් කර්මාන්තයක සුලමුල ඉතා සැකෙවින් අපි අද කතා කළා.නව තාක්ෂණයත් සමග මෙරට රා කර්මාන්තය අලුත් මුහුණුවරකින් වැඩිදියුණු වේවායි අප අවසානයේ ප්‍රාර්ථනා කරනවා.

The post පැණි රහට මත්වෙන්න, මල තලා බොන රා කට්ට first appeared on Throw Back Ceylon.

The post පැණි රහට මත්වෙන්න, මල තලා බොන රා කට්ට appeared first on Throw Back Ceylon.

පසුගිය ජූලි මාසයේ  ජපානයේ තෝකියො නුවර 2020 ගිම්හාන ඔලිම්පික් උළෙල පැවැත්වුනි.ටෝකියෝ නුවර මීට පෙර 1964 ගිම්හාන ඔලිම්පික් උළෙලටද සත්කාරකත්වය සැපයීය. ඒ අනුව, එක් වතාවකට වඩා ගිම්හාන ඔලිම්පික් උළෙලකට සත්කාරකත්වය සැපයූ 5 වෙනි නගරය (ආසියාවේ පළමු නගරය) බවට ටෝකියෝ නගරය මේ සමග පත්විය.

‘‘හැඟීම් මගින් එක්සත්භාවයට‘‘ යනුවෙන් මෙවර තේමාව රැගත් ලෝක ක්‍රීඩාවේ විශිෂ්ටතම හා අසිරිමත්ම ක්‍රීඩා සැණකෙළිය වන ඔලිම්පික් ක්‍රීඩා උළෙල 32 වැනි වරට සකුරා මල් පිපෙන ජපානයේ ටෝකියෝ ජාතික ක්‍රීඩාංගණය කේන්ද්‍ර කරගනිමින් 2020 ජූලි 24වන දින විචිත්‍රවත් සමාරම්භක උත්සවයක් ද සමගින් ආරම්භ විය.

වසර 04කට වරක් පැවැත්වෙන මෙම ඔලිපික් තරගාවලිය ඉකුත් වසරේ පැවැත්වීමට සැලසුම්කර තිබූවත් ගෝලීය වශයෙන් ලෝකයම වෙලාගත් කොරෝනා වසංගත තත්ත්වය හේතුවෙන් 2020 ඔලිම්පික් උළෙල වසරකින් කල්දැමීමට ඔලිම්පික් බලධාරින්ට සිදුවිය.ආසියාවේ ප්‍රමුඛතම රටක් ලෙසින් දෙවැනි වරටත් ඔලිම්පික් ක්‍රීඩා උළෙලක සත්කාරකත්වය හිමිකරගත් ජපානය,ඉතා සාර්ථක අයුරින් දැඩි සෞඛ්‍ය නීති රීති අනුගමනය කරමින් මෙම ලෝකයාගේම අවධානය යොමු වන ක්‍රීඩාවේ විශාලතම මංගල්‍යය පවත්වන ලදි.2020 ගිම්හාන ඔලිම්පික් උළෙල ප්‍රේක්ෂකයන්ගේ සහභාගිත්වයෙන් තොරව  පැවැත්වූ අතර  දැඩි සෞඛ්‍ය ආරක්ෂිත ක්‍රියාමාර්ගවලට අනුගතවෙමින් ජෛව ආරක්ෂිත බුබළක් යටතේ ලොව පුරා ක්‍රීඩක ක්‍රීඩිකාවන් මේ සදහා සහභාගි විය.

ලෝකයේ රටවල් 200කට අධික සංඛ්‍යාවකින් ක්‍රීඩක ක්‍රීඩිකාවෝ 11,000කට අධික පිරිසක් ක්‍රීඩා 46ක් වෙනුවෙන් තරග ඉසව් 339ක් යටතේ පදක්කම් අරභයා මෙවර 2020 ටෝකියෝ ඔලිම්පික් උළ‍ෙලේ තරග බිමට ඇතුළත්ව වූ අතර කරට කර තරගයක් දෙම්න් ඇමෙරිකානු එක්සත් ජනපදය රන් පදක්කම් 39 හිමි කරමින් පදක්කම් සටහනේ පළමු ස්ථානයටත් චීන මහජන සමූහාආණ්ඩුව රන් පදක්කම් 38 හිමි කර ගනිමින් දෙවන ස්ථානයත් පත් විය.

මෙවර 2020 ටෝකියෝ ඔලිම්පික් උළෙල සදහා සහභාගි  වූ ශ්‍රී ලංකා කණ්ඩායම පිළිබදව මීලගට හදුනා ගනිමු.මෙවර ටෝකියෝ ඔලිම්පික් තරගාවලියේ විවිධ ක්‍රීඩා ඉසව් සඳහා ශ්‍රී ලංකාව නියෝජනය කරමින් ක්‍රීඩක ක්‍රීඩිකාවන් නව දෙනෙකු සුදුසුකම් ලබා තිබුණු අතර ඉන් පස් දෙනෙක් කාන්තාවන් වේ.

01. මිල්කා ද සිල්වා

ඇය මෙවර ඔලිම්පික් කණ්ඩායමේ නායිකාවද වේ.දහ අට වන වියෙහි පසුවන ඇය වසර 2011 සිට ජිම්නාස්ටික් ක්‍රීඩාවේ නිරතවේ.ඇය මේ වනවිට ජිම්නාස්ටික් ජාතික ශූරතාව වසර ගණනාවක් හිමි කරගෙන ඇති අතර, කණිෂ්ඨ පොදු රාජ්‍ය මණ්ඩලයීය තරගාවලිය, යොවුන් ඔලිම්පික් තරගාවලිය, ආසියානු කණිෂ්ඨ ශූරතා තරගාවලිය, ලෝක ශූරතාවලිය වැනි ජාත්‍යන්තර තරග රාශියක් නියෝජනය කළ අත්දැකීම් බහුල ක්‍රීඩිකාවකි.

පිළියන්දල සෝමවීර චන්ද්‍රසිරි විද්‍යාලයෙන් ප්‍රාථමික අධ්‍යාපනය ලැබු ඇය ඉන්පසුව පිළියන්දල මධ්‍ය මහා විද්‍යාලයෙනුත්, කොළඹ මෙතෝදිස්ත විද්‍යාලයෙනුත් සිය අධ්‍යාපන කටයුතු සිදු කර ඇත.ජිම්නාස්ටික් ක්‍රීඩාවෙන් ඔලිම්පික් වරම් ලද ප්‍රථම ශ්‍රී ලාංකික ක්‍රීඩිකාව වන්නේ ඇයයි.

කෙසේ නමුත් මෙවර ටෝකියෝ ඔලිම්පික් තරගාවලියේ පළමු වටයෙන්ම ඇගේ මෙවර ඔලිම්පික් සිහිනය අවසන් කරන්නට ඇයට සිදුවිය.

02. මැතිල්ඩා කාල්සන්

මැතිල්ඩා කාල්සන්  ඉදිරිපත් වන්නේ අශ්වාරෝහක තරග සඳහා වේ. එම ඉසව්ව සඳහා ශ්‍රී ලංකාව නියෝජනය කරන පළමු ක්‍රීඩිකාව ද මැතිල්ඩාය.

වයස මාස තුනක් වන විට මැතිල්ඩාගේ භාරකාරීත්වය ස්වීඩන් ජාතික යුවළකට පවරා තිබිණි. ඇය අශ්වාරෝහකයෙකු ලෙස සිය ක්‍රීඩා ගමන ආරම්භ කර ඇත්තේ ස්වීඩනයේ සිටය.

මැතිල්ඩාට මෙරට පුරවැසිභාවය ලබා දී ඇත්තේ ටෝකියෝ ඔලිම්පික් තරගාවලිය නියෝජනය කිරීමේ අරමුණින්ය. ඇය තරගයට සහභාගී වූයේ ‘චොපින්’ නම් අශ්වයා සමගය.නමුත් පළමු වටයෙන්ම අවාසනාවන්ත අයුරින් තරගයෙන් ඉවත් වීමට මැතිල්ඩාට සිදු විය.

03. ටෙහානි එගොඩවෙල

ශ්‍රී ලංකා නාවික හමුදාවේ සේවයේ නියුතු ටෙහානි එගොඩවෙල ඉලක්කයට වෙඩි තැබීමේ ඔලිම්පික් තරග ඉසව්ව වෙනුවෙන් මෙරට නියෝජනය කරන ලදි.

ඇය ඉදිරිපත් වූ, කාන්තා මීටර් 10 වායු රයිෆල් ඉසව්ව මීට පෙර ශ්‍රී ලංකාව නියෝජනය කරමින් ඔලිම්පික් සදහා සහභාගී වූයේ පුෂ්පමාලි රාමනායකය. ඒ, 2004 වසරේ දී ය.

ටෙහානි එගොඩවෙලගේ ඔලිම්පික් සිහිනයත් ටෝකියෝ ඔලිම්පික් උළෙලේ පළමු වටයෙන්ම නිමා කරන්න ඇයට සිදුවිය.

04. නිමාලි ලියනාරච්චි

නිමාලි ලියනාරච්චි කාන්තා මීටර් 800 ධාවන ඉසව්වෙන් ටෝකියෝ ඔලිම්පික් තරගාවලිය නියෝජනය කරන ලදි.නමුත් ඇයට වැඩි දක්ෂතාවයක් පෙන්වමින් ඉදිරියට යෑමට නොහැකිවූ අතර ඇයට මුලික වටයේ තරගයෙන්ම ඉවත්වීමට සිදුවිය.

2019 ලෝක ආරක්ෂක ක්‍රීඩා තරගාවලියේ දී මීටර් 800 ඉසව්වෙන් රිදී පදක්කමත්, 2016 දකුණු ආසියානු තරගාවලියේ දී එම ඉසව්වේ රන් පදක්කම දිනාගැනීමට ඇය සමත් විය.

2015 ආසියානු මලල ක්‍රීඩා තරගාවලියේ දී මීටර් 800 ඉසව්වෙන් ලෝකඩ පදක්කමත්, 2017 ආසියානු මලල ක්‍රීඩා තරගාවලියේ දී මීටර් 800 ඉසව්වේ රන් පදක්කමත් දිනාගත්තාය. දැනට මෙම ඉසව්වෙන් අපට සිටින අත්දැකීම් බහුල ක්‍රීඩිකාව ඇයයි.

05. අනිකා ගෆූර්

මෙවර ශ්‍රී ලංකාවෙන් ඔලිම්පික් සුදුසුකම් ලබාගත් ළාබාලතම ක්‍රීඩිකාව වන්නේ අනිකා ගෆූර්ය.ඇය මේ වනවිට 17 හැවිරිදි වියේ පසුවෙයි.

සමනල ආර තරග ඉසව්වක් යටතේ ඔලිම්පික් සුදුසුකම් ලද මුල්ම ශ්‍රී ලාංකික පිහිනුම් ක්‍රීඩිකාව වන්නේත් ඇයයි.

ඇය ශ්‍රී ලංකාව නියෝජනය කරමින් 2019 නේපාලයේ කත්මණ්ඩු නුවර පැවති දකුණු ආසියානු තරගාවලියේ දී මීටර් 100 මෙඩ්ලි සහාය සහ මීටර් 100 සමනල ආර පිහිනුම් ඉසව් සඳහා රිදී සහ ලෝකඩ පදක්කම් දිනාගත්තාය.අනිකා වර්තමානයේ තායිලන්තයේ ජීවත් වේ.

06. යුපුන් අබේකෝන්

2021 වසර වනවිට දකුණු ආසියාවේ වේගවත්ම මිනිසා වන්නට වාසනාව ලැබෙන්නේ යුපුන් අබේකෝන්හටයි.

ඇමෙරිකානු එක්සත් ජනපදයේ ජීවත් වෙමින් පුහුණුකිරීම් කරන මෙවර ටෝකියෝ ඔලිම්පික් උළෙලේ මීටර් 100 ධාවන තරගයට සහභාගි වූ ඔහුට අවාසනාවට මූලික වටයේ තරගයෙන් ඔහුගේ හොදම කාලය වාර්තා කරමින් ඉදිරියට යෑමට නොහැකි විය.

1996 ඇට්ලන්ටා ඔලිම්පික් උළෙල නියෝජනය කළ චින්තක ද සොයිසාගෙන් වසර 25 කට පසු, ඔලිම්පික් උළෙල මීටර 100 ඉසව්ව නියෝජනය කරන පළමු ශ්‍රී ලාංකිකයා වන්නේ යුපුන් අබේකෝන්ය.

07. චාමර නුවන් ධර්මවර්ධන

චාමර නුවන් ධර්මවර්ධන සැහැල්ලු බර පන්ති ජූඩෝ ක්‍රීඩාවෙන් ශ්‍රී ලංකාව නියෝජනය කරමින් ටෝකියෝ ඔලිම්පික් තරගාවලියට සහභාගී විය. 28 වන වියේ පසුවන ඔහු ගුවන් හමුදා කෝප්‍රල්වරයෙකු ලෙස සේවය කරයි.

අවුරුදු 15 සිට ශ්‍රී ලංකාව නියෝජනය කරමින් ජාත්‍යන්තර තරගවලට සහභාගී වී පදක්කම් රාශියක් ලබා ගෙන ඇති ඔහු අත්දෑකිම් බහුල ක්‍රීඩකයෙකි.චාමර 2016 වසරේ රියෝ ඔලිම්පික් ක්‍රීඩා උළෙලට ද සහභාගි වූ අතර තම බර පන්තියෙන් 9 වන ස්ථානය දිනා ගැනීමට සමත් විය.

මෙවරද ඉතා හොද තරගයක් ලබාදුන් නමුදු තරගයේ ඉදිරියට යෑමට ඔහුට නොහැකි විය.

08. නීලුක කරුණාරත්න

නිලුක කරුණාරත්න යනු මෙරට සිටින අත්දෑකීම් බහුලම බැඩ්මින්ටන් ක්‍රීඩකයා වෙයි.36 වන වියෙහි පසුවන ඔහු දැනට ඔලිම්පික් තරගාවලි 04ක් සදහා මෙරට නියෝජනය කර තිබේ.නමුත් ඔලිම්පික් පදක්කමක් ලබාගැනිමට ඔහුට මෙතෙක් නොහැකි විය.බැඩ්මින්ටන් ඒකල ඉසව්ව සදහා ඔහු මෙවර සහභාගී වූ අතර මූලික වටයේ තරග දෙකෙන්ම ඔහුට පරාජයට පත්වීමට සිදුවිය.

2012 ලන්ඩන් ඔලිම්පික් තරගාවලියේ බැඩ්මින්ටන් පිරිමි ඒකල ඉසව්වට සහභාගී වුණු නිලූක පළමු වටයේ දී ලෝක බැඩ්මින්ටන් ශ්‍රේණිගත කිරීම්වල අංක 8 ක්‍රීඩකයා වූ ජපානයේ කෙනිචි ටාගෝ තරග වට 2-0ක් ලෙසින් පරාජයට පත් කළේය.2016 ඔලිම්පික් තරගාවලියේ ද ඔහු පළමු වටවල ජයග්‍රහණ ලැබීය.

09. මැතිව් අබේසිංහ

මෙරට පිහිනුම් ශූර මැතිව් අබේසිංහ පිහිනුම් මීටර් 100 ඉසව්ව සදහා ටෝකියෝ ඔලිම්පික් උළෙලට සහභාගි වූ අතර එහි මූලික වටයේ තරගයේදී පළමු මීටර් 50 තුළ ඉදිරියෙන්ම සිටියත් අවසානයේ ඔහුට තරගය ජයග්‍රාහි කර ඊලග වටයට සුදුසුකම් ලබාගැනීමට නොහැකි විය.මේ ඔහුගේ දෙවන ඔලිම්පික් තරගයයි.

2016 සහ 2019 වසරවල දී පැවැත්වුණු දකුණු ආසියානු ක්‍රීඩා තරගාවලිවල දී රන් පදක්කම් 7 බැගින් දිනාගත් ඔහු, දකුණු ආසියානු පිහිනුම් වාර්තා හයකට හිමිකම් කියයි.

මෙම ක්‍රීඩක ක්‍රීඩිකාවන් නවදෙනා මෙවර ටෝකියෝ ඔලිම්පික් උළෙල වෙනුවෙන් ශ්‍රී ලංකාව නියෝජනය කරන ලදි.කිසිදු පදක්කමක් ලබාගැනීමට මෙවරත් අපේ කණ්ඩායමට නොහැකි වූ අතර, ඉතිහාසයේ අප ඔලිම්පික් පදක්කම් දෙකක් පමණක් ලබාගෙන ඇත.ඒ වසර 1948 ඩන්කන් වයිට් මහතා විසින් ලබාගත් රිදී පදක්කම හා වසර 2000දී සුසන්තිකා ජයසිංහ මහත්මිය ලබාගත් රිදී පදක්කමයි.

එදා මෙදා තුර ඔලිම්පික් තරග බිමේ අපේ විවිධාකාර රසවත් මතක සටහන් කිහිපයක් මතක් කර ගනිමු.

ශ්‍රී ලංකාවට ප්‍රථම ඔලිම්පික් පදක්කම ලැබෙන්නේ වසර 1948  ලන්ඩන් ඔලිම්පික් උළෙලේදී. ඒ ඩන්කන් වයිට් මහතා විසින් මීටර් 400 කඩුලු පැනීමේ ඉසව්වෙන් ලබාගත් රිදී පදක්කමයි.

1948 ජූලි 30වන දින උදය වරුවේ එම ඉසව්වේ මුලීක වටයේ තරගයෙන් පහසුවෙන් ප්‍රථම ස්ථානයට පැමිණි වයිට් මහතා එදින සවස අවසන් පූර්ව තරගයෙන් තුන්වැනි ස්ථානය ලබාගෙන අවසන් තරග සදහා සුදුසුකම් ලැබුවා.ජූලි 31වන දින මීටර් 400කඩුලු පැන දිවීමේ අවසන් තරගයෙන් වයිට් මහතා දෙවන ස්ථානය ලැබුවේ හත්වන කඩුල්ල සදහා ඔහුගෙන් සිදුවූ අතපසුවීමකිනි.එහි රන් පදක්කම ලැබු ඇමෙරිකන් ජාතික රෝයි කොච්රන් නව ඔලිම්පික් වාර්තාවක් පිහිටුවන ලදි.කාලය තත්පර 51.8 තුල තරගය නිමකල වයිට් මහතාද පැරණි ඔලිම්පික් වාර්තාව අභිභවා යාමට සමත්විය.මෙම පදක්කමත් සමග එවර රටවල් 59 සහභාහි වූ ඔලිම්පික් උළෙලේ 28 වන ස්ථානය දිනා ගැනීමට අප රටට හැකීවිය.

මෙම සිදුවීම මෙරට ජාතික පුවත්පතක් වන ලංකාදීප පුවත්පත ප්‍රථම වරට ක්‍රීඩා පුවතක් ජාතික පුවතක් ලෙසින් වාර්තා කරන ලදි.

එහි සදහන් වූයේ , “ලංකාව පනිමින් දිවීමේ ඔලිම්පික් තරගයේ දෙවැන්නා වෙයි” යන්නයි.

වසර 1964 ටෝකියෝ ඔලිම්පික් උළෙලට සහභාගි වූ  රණතුංග කරණානන්ද මෙතෙක් ඔලිම්පික් ඉතිහාසයේ විශිෂ්ඨතම පරාජිතයා ලෙසින් ඉතිහාස ගතවී ඇත.

එදා ටෝකියෝ ඔලිම්පික් උළෙලට ශ්‍රී ලංකාව නියෝජනය කරමින් ක්‍රීඩික ක්‍රීඩිකාවන් 6 දෙනෙකු සහභාගි වූ අතර එහිදි රණතුංග කරණානන්ද මීටර් 10000, මීටර් 5000 හා මැරතන් යන තරග ඉසව් සදහා ඉදිරිපත් වීමට නියමිතව තිබුනා.මීටර් 10000 තරගයට පෙර දින ඔහුට උණ වැලදී රෝගාතුර වුවත් ඔහු පසුදා තරගයට ඉදිරිපත් වුනා.මුල් වට ඉතා හොදින් ධාවනයේ යෙදුනත් අසනීප තත්ත්වය නිසා ඔහු කෙමෙන් තරගයේ පසුපසට ඇදුනා.ඇමෙරිකාව, ටියුනීසියාව, ඕස්ට්‍රලියාව පිළිවෙළින් රන්, රිදී, ලෝකඩ පදක්කම් දිනාගත් අතර අනිකුත් තරගකරුවන් සියල්ල්මද තරගය අවසන් කරන ලදි.එහෙත් තවත් තරග වට 03 ඉතිරිව තිබි කරුණානන්ද තරගය අවසන් වන තුරුම ධාවනයේ යෙදෙන ලදි.මුලින් ප්‍රේක්ෂකයින් හූ හඩ දුන්නද පසුව දැඩි නිශ්ශබ්තාවයකින් අනතුරුම අත්පොළසන් දෙමින් ඔහුට ” කරූ සිලෝන් ” යනුවෙන් කෑ ගසමින් දිරිමත් කරන ලදි.

කරුණානන්ද තරගය අවසන් කිරීමෙන් අනතුරුව ලොව පුරා අවධානය මෙම අධිෂ්ඨානශීලි ක්‍රීඩකයා කරා යොමු වන ලදි.

ලෝක යුද්ධයෙන් පීඩා විදි ජපාන ජනතාව නැවත තම රට නගා සිටුවීම සදහා තම රට වැසියන් දීරිමත් කිරීමට කරුණානන්දගේ කතාව ජපාන පෙළපොත් සදහාද ඇතුලත් කරන ලදි.

ඔලිම්පික් පදක්කමක් නොලැබුවද මෙම විශිෂ්ඨ ක්‍රීඩකයා මෙරටට විශාල අහිමානයක් රැගෙන එන ලදි.

1948න් පසුව අප සහභාගි නොවුනු එකම ඔලිම්පික් උළෙල වන්නේ 1976 පැවති මොන්ට්‍රියල් ඔලිම්පික් උළෙලයි.එයට සහභාගි වීමට ඉමහත් බලාපොරොත්තුවෙන් සිටි  මැරතන් ක්‍රීඩක ලූෂන් රෝසාට ඉතා කණගාටුදායක ලෙස අවසාන මොහොතේ තරගයට ඉදිරිපත් විමට හැකියාවක් ලැබෙන්නේ නැහැ,ඒ මෙරට ක්‍රීඩා බළධාරින්ගේ නොසැලිකිලිමත් හා අකාර්යක්ෂමතාවය නිසාවෙන්. එයින් ඔලිම්පික් පදක්කමක් හෝ අවසන් 10 අතරට හෝ පැමිණීමට  බෙහෙවින් හැකියාව තිබු රෝසාගේ මෙන්ම රටේද බලාපොරොත්තු සුන්විය.

ඇමරිකාවේ විස්කොන්සින් ප්‍රාන්තයේ පාක්හීඩ් සරසවියේ දිගු දුර ධාවනය සම්බන්ධව පුහුණුව ලබමින් 1976 ඔලිම්පික් උළෙලට සහභාගි වීමට ඔහු පැමිණෙන ලදි.

ජාත්‍යන්තර තරග කීපයකටම සහභාගී වී මුල් දසදෙනා අතරට පැමිණීමට හැකිවූ රෝසාට මෙම ඔලිම්පික් තරගාවලියේදි අවම වශයෙන් මුල් දසදෙනා අතරට ඒමේ හෝ හැකියාවක් තිබුනි,අවාසනාවන්ත ලෙස රෝසාගේ ඔලිම්පික් ගමන එසේ නිමවන ලදි.

වසර 1996 ඇට්ලන්ටා ඔලිම්පික් තරගාවලියට, මෙරට නියෝජනය කරමින් ඉදිරිපත් වූ සුගත් තිලකරත්න මීටර් 400 තරග ඉසව්ව සදහා ඉදිරිපත් වුනා.

ඔහු  මූලික වටයේ 05වන තරගයට ඉදීරිපත් වූ අතර 8 වන මංතීරුවේ ධාවනයේ යෙදුනා,මෙම තරගයට ඒ වනවිට එම ඉසව්වෙන් ලෝක ශූර ඇමෙරිකානු මයිකල් ජොන්සන්ද ඉදිරිපත්ව සිටියා.සියල්ලන් මවිතයට පත් කරමින් සුගත් තිලකරත්න  තරගය ප්‍රථමයෙන් අවසන් කලේ මයිකල් ජොන්සන්ද අභිහවා යමින්.එය ඒ මොහොතේ විශ්වාස කල නොහැකි දෙයක් ලෙස සියල්ලන්ටම හැගී ගිය අතර කාගේත් අවධානය සුගත් කෙරෙහි යොමුවන ලදි.මයිකල් මේ පිලිබදව කේන්තියෙන් සිටි අතර ඔහු සුගත් සමග ජයාරැපයක් ගැනීමත් ප්‍රතික්ෂේප කරන ලදි.

පසුව  අර්ධ අවසන් පූර්ව වටයේ තෙවන තරගයේ දීමොවුන් දෙදෙනා යළිත් මුණගැසුනු අතර එහිදි සුගත්ට ලබාගත හැකිවූයේ 7වන ස්ථානයයි.

නමුත් මයිකල් ජොන්සන් එම ඉසව්වේ අවසන් තරගය ඔලිම්පික් වාර්තාවක් සමගින් නිම කරමින් රන් පදක්කමක් ලබාගන්නා ලදි.

වසර 1948න් වසර 52ක් වැනි දීර්ඝ කාලයකින් අනතුරුව ඔලිම්පික් පදක්කමක පහස ලබන්නට අප වාසනාවන්ත වන්නේ 2000 වසරේ පැවති සිඩ්නි ඔලිම්පික් උළෙලේදිය.ඒ මෙරටින් බිහිවූ විශිෂ්ඨතම ධාවන ශූරි සුසන්තිකා ජයසින්හ විසින් මීටර් 100 ඉසව්වෙන් රිදී පදක්කමක් හිමි කරගැනීමෙනි.

2000 සැප්තැම්බර් 28 වැනිදා පැවති අවසන් තරගයේ දී අමෙරිකාවේ මේරියන් ජෝන්ස් තත්පර 21.84කින් තරගය නිමා කර පහසුවෙන්ම රන් පදක්කම දිනා ගත්තා. තත්පර 22.27ක කාලයකින් තරගය අවසන් කළ බහාමාස් රාජ්‍යයේ පෝලින් තොම්සන්ට රිදී පදක්කම හිමිවෙද්දී තත්පර 22.28ක කාලයකින් තරගය නිම කළ ශ්‍රී ලංකාවේ සුසන්තිකා ජයසිංහට ලෝකඩ පදක්කම හිමිවුණා. පසු කලෙක මේරියන් ජෝන්ස්ට එල්ල වුණු තහනම් උත්තේජක චෝදනාව යටතේ ඇය වරදකාරිය වුණා. එනිසා ඇයට හිමි ව තිබුණු සියලුම ඔලිම්පික් පදක්කම් අහිමිව ගියා. එහි ප්‍රතිඵලයක් වශයෙන් සුසන්තිකා ජයසිංහට රිදී පදක්කම හිමිවුණා.

එදාමෙදා තුර ඔලිම්පික් ඉතිහාසයේ ශ්‍රී ලංකා නාමය එලෙසින් විවිධ කාලවලදී සනිටුහන් වි ඇතත්, රටක් ලෙස ක්‍රීඩාවෙන් පදක්කම් ලබා ගත නොහැකිව අද වනවිට යම් පසුබැසීමක් දක්නට ලැබේ.ක්‍රිකට්වලට තිබෙන උනන්දුව හා අනුග්‍රහය මලල ක්‍රීඩා සදහා නොමැතිකමද මෙයට හේතු වන්නට පුළුවන.

කෙසේහෝ මීළගට 2024 පැරිස් ඔලිම්පික් උළෙලේ හෝ ඔලිම්පික් පදක්කමක සිහිනය සැබෑ කරගැනීමට අප රටට හැකිවේවා යන්න අපගේ ප්‍රාර්ථනයයි.

The post ඔලිම්පික් ඉතිහාසයේ එදා මෙදා තුර ශ්‍රී ලංකා නාමය first appeared on Throw Back Ceylon.

The post ඔලිම්පික් ඉතිහාසයේ එදා මෙදා තුර ශ්‍රී ලංකා නාමය appeared first on Throw Back Ceylon.

පරිභෝජන සමාජයක ලෝකයේ නිෂ්පාදන හා සේවාවන් වැඩිවත්ම ඒවායේ වෙළද ප්‍රචාරනයද ඉහළ යයි.

මෙවර අපගේ මාතෘකාව වන්නේ අප රටේ ඉතා ජනප්‍රියවූ පැරණි ගුවන්විදුලි හා රෑපවාහිනි වෙළද දැන්වීම් පිළිබදව වේ.මේ කතබහ කාලෝචිතව වැදගත් වන්නේ මේ වනවිට සම්පූර්ණයෙන්ම වාගේ ගුවන්විදුලි වෙළද දැන්වීම් සිදු නොවීමත්, රෑපවාහිනි වෙළද දැන්වීම් කලාවත් තරමක් දුරට මිනිසුන්ගෙන් ඈත්ව යාමට ආරම්භ වී තිබීමත් නිසාවෙනි.අප ජීවත්වන ඩිජිටල් සමාජය නිසා වෙළද දැන්වීම් කලාවද ඩිජිටල් ලෝකය පුමුඛ කරගනිමින් සිදු වීමට පටන් ගෙන තිබේ.

පුවත්පත් දැන්වීම්, ගුවන්විදුලි වෙළද දැන්වීම්, රෑපවාහිනි වෙළද දැන්වීම් අභිභවා Google Ads, Youtube Ads ලෙසින් වෙළද ප්‍රචාරනය නවමු ආකාරයට දැන් වෙනස් වි තිබේ.එයට හේතුව අද බොහෝ දෙනෙකු තම කාලය වැඩිපුරම Google, Youtube, Facebook, Instagram, Twitter ආදි ඩිජිටල් මාධ්‍යන්හි ගත කිරීමයි.බොහෝ දෙනෙකු ස්පර්ශ කල හැකි මාධ්‍ය ලෙසට ඩිජිටල් මාධ්‍ය පත්ව තිබීමයි.

මේ හේතුවෙන් නැවත නිෂ්පාදනය වීමේ සම්භාවිතාවය අඩු හරවත් රසවත් රෑපවාහිනි හා ගුවන්විදුලි වෙළද දැන්වීම් පිළිබද මතක ආවර්ජනය අප කාගේත් ජිවීතයේ එක්තරා යුගයක් පිළිබදව සිහි ගන්වයි.

80-90 දශකවල අතිශයින්ම ජනප්‍රිය වූ  රෑපවාහිනි වෙළද දැන්වීම් බොහොමයක්ම පාහේ සුරක්ෂිතව අදටත් සුරුකිව ඇත.එසේම පත්තරෙන් පමණක් සියල්ලම දැන්වීම්කරණය වූ යුගයේ ප්‍රචාරණය වූ පත්තර දැන්වීම්ද බොහොමයක් අදටත් සංරක්ෂණය වී තිබේ.රෑපවාහිනිය පැමිණෙන්නට ප්‍රථම වෙළද ප්‍රචාරණය වූ ගුවන් විදුලි දැන්වීම් එතරම් සංරක්ෂණය වී නොතිබුනද පැරැන්නන්ට ඒවා මතකය.

මෙලෙස දීර්ඝ කාලයක සිට පැමිණෙන මෙරට වෙළද දැන්වීම් කලාව එක්තරා යුගයක රැපවාහිනිය දැඩි ලෙස ආක්‍රමනය කරගෙන තිබුනි.එය කොයිතරම්ද කියතොත් වෙළද දැන්වීම් රාශියක් අතරේ අතරින් පතර වැඩසටහනක් අපට බලන්නට හැකිය.අද කියාද වෙනසක් නොමැත.නමුත් අද රෑපවාහිනිය බලන පිරිස හා බලන කාලය අද අඩුය.අද මෙම තත්ත්වයම Youtube හරහා දැකගත හැකිය.එතරම් වෙළද දැන්වීම් සදහා මුදලක් කාලයක් අද ලෝකයේ සියළු රටවල් වෙන්කරනු ලබයි.

මෙවර අපගේ අවධානය යොමුවන්නේ මෙරට 80-90 දශකවල ජනප්‍රිය වූ රෑපවාහිනි වෙළද දැන්වීම් සම්බන්ධවයි.ඇත්තෙන්ම එකල සමහර වෙළද දැන්වීම් අද දකින විටත්, ලොකු කුඩා බාල මහළු කාගේත් ජීවිතවල එක්තරා යුගයක් මතකයට පැමිණෙයි.

විවිධාකාර රෑපවාහිනි දැන්වීම් අද දක්නට ලැබුනත්, ඝෝෂාකාරි සංගීතය හා නිර්මාණශිලීත්වයේ මදකම නිසා අද රෑපවාහිනි දැන්වීම් කොතෙකුත් හැදුනත් අපට මතක සිටිනුයේ ඉතාම අල්ප වශයෙනි.නමුත් ඒ දවස්වල දැන්වීම් සැකසුනේ අදට සාපේක්ෂව අඩු වශයෙන් වුවත් එම දැන්වීම් ඉතා හොදින් අප මතකයේ අදටත් ඇත.

අද අපි කතාබහට හසුකර ගත්තේ එලෙස මතකයේ රැදුනු ඒ දවස්වල රෑපවාහිනි වෙළද කිහිපයකි.

මෙම වෙළද දැණ්වීම් නිර්මාණය කරන්න ඒ සදහාම විශේෂිත ආයතන (Advertising agency ) තිබෙනවා.ඔවුන් උත්සාහ කරන්නේ ඉතා නිර්මාණශීලි ලෙස මෙම සන්නාම නාමයන් පාරිභෝගිකයන් අතරට රැගෙන යාමටයි.

පරම්පරා ගණනාවක් ගියත් අදටත් අප මතකයේ රැදෙන ලෙස කරන ලද අපි මේ කතා කරන වෙළද දැන්වීම් නැතිනම් … නිර්මාණශීලිත්වයේ ප්‍රවීණතාවය මනාව විදහා දක්වයි.

01. අපි හැදෙනවා රට හදනවා ඒක ඇත්තමයි

හෙට දවසේ වීරයෝ පුංචි අපි තමයි
හෙට බිහිවන නායකයොත් පුංචි අපි තමයි
අපේ රටේ අනාගතේ පුංචි අපි තමයි
අපි හැදෙනවා රට හදනවා ඒක ඇත්තමයි

මතකද මේ පුංචි පැංචිලගේ හඩින් කියන අදටත් අකුරටම කටපාඩම් මේ ගීත කොටස ඇතුලත් වූ රෑපවාහිනි වෙළද දැන්වීම.සෙලින්කෝ රක්ෂණ සමාගමේ සෙලින්කෝ ප්‍රණාම ශිෂ්‍යත්ව වෙනුවෙන් මෙම දැන්වීම නිර්මාණය වී තිබුනා.

එකල මෙවැනි ගීතමය නිර්මාණයක් අපූරෑ අදහසක් ඇතුලත්ව රෑප රචනය වී දැන්වීම් කලාවට එකතුවීම විශේෂයෙන් ළමයින් වෙනුවෙන් අලුත් අත්දැකීමක් වුනා.එය අවසානයේ ඇසෙන හෙට බිහිවන නායකයින්ට පිදෙන සෙලින්කෝ ප්‍රණාම ශිෂ්‍යත්ව කියන වචන පේළියත් එක්ක මෙම දැන්වීම තාමත් ඔබට මතකයි නම් ඔබට ඇත්තේ ඉමිහිරි ළමා කාලයක්.

මෙය නිර්මාණය වී ඇත්තේ වසර 2001දී.ආපස්සට හැරිලා බලනකොට දැන් මේ දැන්වීමට අවුරුදු 20ක් පරණයි. මේකේ ඉන්න පොඩි දරුවෝ දැන් ලොකුවෙලා තරුණ තරුණියෝ වෙලා ඇත්තටම රටට නායකත්වය දෙන වටින දරුවෝ වෙලා ඇති කියලා අපි විශ්වාස කරමු.

අන්තර්ජාල තොරතුරුවලට අනුව මෙම නිර්මාණය කර තිබෙන්නේ TVT නැමැති වෙළද දැන්වීම් ආයතනයක් විසින්.එහි වෙළද දැන්වීම් අධක්ෂක ලක්ෂ්මන් විජේසේකර මහතා, නිර්මාණ අධක්ෂක ලෙස හරිත් ගුණවර්ධන මහතා බවත් අපට සොයාගන්නට හැකිවුනා.වෙළද දැන්වීමකට එහා ගොස් පරම්පරා ගණනාවක් මතක සිටින මෙම නිර්මාණයට දායක වූ සියල්ලන්ටම අපගේ ස්තූතිය.

එතෙක් මෙතෙක් රෑපවාහිනි වෙළද දැන්වීම් ඉතිහාසයේ ළමුන්ගේ දිරිගැන්වීම වෙනුවෙන් සැකසුනු  මතක සිටිනම අපූරුම නිර්මාණය මෙය බවට කිසිදු සැකයක් නැහැ.

02. ෂ්..ෂ්.. මදුරු කොයිල් එකක් තියෙනවද

බෝඩිමේ රැයක් ලෙසින් ආරම්භවී අපූරු දෙබස් කොටස් ඇතුලත්ව නිර්මාණය වුනු නින්ජා මදුරු කොයිල් ඇඩ් එක ඔබට අමතක වෙන්න නම් කොහෙත්ම විදියක් නැ.

පැය 10කටත් වඩා දැල්වෙන මදුරු කොයිල් එකක් ලෙසට නින්ජා මදුරු කොයිල් එක ජනප්‍රිය වූයේම මේ ඇඩ් එක නිසා කිව්වට කිසිම සැකයක් නැහැ.

හරි අපූරු ලෙස මෙහි දෙබස් සහ රගපෑම් අධක්ෂනය වි තිබුනා.

ඒ දවස්වක කලා ලෝකයට අවතීර්ණ වූ නවක මෙන්ම ජනප්‍රියම නළුවකු වු සනත් විමලසිරි හා කාන්චනා මෙන්ඩිස් නිමන්ති පෝරගේ මෙහි රංගනයෙන් දායක වී තිබුනා.මෙම දැන්වීම විකාශනය වුනේ වසර 1998.මේකටත් දැන් වසර 20කට වැඩි අතීතයක් තියෙනවා.

ඒත් අදටත් ෂ් ෂ් මදුරු කොයිල් එකක් තියෙනවද කියලා ඇහුන ගමන් නින්ජා කොයිල් එක මතක් වෙන්න තරම් මේවා අපේ හිත්වලට ගොඩක් සමීපයි.

මෙම නිර්මාණ අධක්ෂනය පිළිබදව ඔබ දන්නවා නම් ඔබට පුළුවන් හැමෝගෙම දැනගැනීමය පහළින් කොම්න්ට් කරන්න.

මෙම දැන්වීමේ ඊලග කොටස ලෙසින් බෝඩිමේ හබයක් ලෙසට දෙවන රෑපවාහිනි දැන්වීමකුත් සැකසුනා.පැය 10ක් දැල්විලත් තවත් ඉතුරු වන බවට තමයි දෙවන කොටසෙන් පෙන්නුවේ.නමුත් විශාල ජනප්‍රියතාවයක් ලැබුනේ පළමු ඇඩ් එකට තමයි.

03. කැන්ඩොස් මිහිරටයි සිත දිවගියේ

ඔබමයි මා හදවතේ සතුටු සිනාවන් මතුකළේ
එය රසබර හැගුමක් වේ සැමදිනේ..
හැගුමක් වගේ මිහිරක් මැවේ හද ලන්වුනේ
ඔව් කැන්ඩොස් රස රහසයි හැම මුවේ..
කෙළිබිමේ මිතුදම් මැවේ මිහිරටයි සිත දිවගියේ
විදින්න කැන්ඩොස් දැන් සිනා මැවේ…

අදටත් වචන ටික එකලෙසට කටපාඩමින් කියන්න පුළුවන් සුන්දර ළමා කාලයක් සිහිගන්වන මේ කැන්ඩොස් ඇඩ් එක පරණ ටීවී ඇඩ් මතක් කරද්දි උඩින්ම තියන්න පුළුවන්.

වසර 1996 වගේ තමයි කැන්ඩොස් චොක්ලට් වෙනුවෙන් මෙම රෑපවාහිනි වෙළද දැන්වීම විකාශනය වුනේ.ඒ කාලයේ ඔබට මතක නම්, ක්‍රිකට් මැච් විකාශනය වෙනකොට වගේම ජාතික රෑපවාහිනියේ විකාශනය වුනු ජනප්‍රිය කාටූන් වැඩසටහනක් වූ ටිං ටිං විකාශනය අතරතුරත් අනිවාර්යයෙන් මේ ඇඩ් එක වැරදුනේ නැහැ.

මෙහි එන ගීතය මතක හිටින්න ගායනා කලේ , මරියසෙල් ගුණතිලක මහත්මිය.ඇත්තෙන්ම මෙම ගීතයේ මූල් තනුව ජනප්‍රිය ඉංග්‍රීසි ගීතයක් වන Sweet Sweet Smile ගීතයයි.එය ගායනා කරනු ලබන්නේ Karen Capenters. විසිනි.ඔබේ පහසුවට එම ගීතයේ Youtube linkඑකක් මේ සමග ඇති.

මෙම කැන්ඩොස් ඇඩ් එකේ තවත් විශාල වශයෙන් ජනප්‍රිය වූ දෙයක් තමයි, නිල් පාටින් කැප් එකක් දමාගෙන ඉන්න පිරිමි ළමයාගේ රගපෑ ඉරියව්වයි.එය ගොඩක් පාසැල් ළමුන් පසුව අනුකරණය කලා.

කැන්ඩොස් චොක්ලට් වගේම රසවත් මෙම ඇඩ් එකටත් දැන් අවුරුදු 20කටත් වඩා වයසක් ගත වෙලා තියෙනවා.

04. ඇයි කට්ලට් සීයක් විතර කන්න පුළුවන් කිස්ට් සෝස්

කටට රසට කන්න කැමති සැමට KIST Tomato Sauce රෑපවාහිනි වෙළද දැන්වීම නම් කවදාවත්ම අමතකම කරන්න බැරී එකක්.

කුඩා ළමුන් පිරිසක් කෑම මේසයක් වටා කෑම ගන්න ගන්න අතරවාරයේ කිස්ට් සෝස් එක ගැන කියන අදහස් වලින් තමයි ඇඩ් එක හැදිලා තියෙන්නේ.වැඩිහිටියෝ යොදා ගන්නේ නැතුව මෙවැනි භාණ්ඩයක් සදහා ළමුන් යොදාගෙන ඉතා රසවත් ලෙසටත් හරවත් ලෙසටත් සෝස් එක ප්‍රචාරනය කිරිම ඉතා සාර්ථක වගේම ප්‍රතිඵලදායි දෙයක් වුනා.කියන්න ඕන හැමදේමත් සමග හරි අපූරුවට ඒ දෙබස් ටික සකස් කර තිබුනා.වසර1994දි හොදම රැපවාහිනි වෙළද දැන්වීම වූයේත් මෙයයි.

අන්තර්ජාලයෙන් සොයාගත් තොරතුරු අනුව මෙය අධක්ෂණය කර තිබෙන්නේ ස්ටීව් ද ලා සිල්වා මහතායි.උදය තෙන්නකෝන් මහතා නිර්මාණ අධක්ෂනයෙන් හා කැමරා අධක්ෂණයෙන් ලලිත් ප්‍රේමතිලක මහතා සිදු කර තිබෙනවා.නදී කහටපිටිය මුතුමාලයක් කරවට දමා ගත් දැරිය ලෙසිනුත් කණ්ණාඩි දමාගත් පිරිම් දරුවා ලෙසින් තීක්ෂණ මල්වත්ත සම්බන්ධ වී තිබෙනවා.ඔවුන් දැන් වැඩිහිටියන් ලෙසින් සමාජයේ විවිධ තැන්වල. මේ කුඩා දරුවන් තරුණවියට පත්වී මෙම ඇඩ් එකේම දෙවැනි කොටසකුත් කරනවා ඔබට මතක ඇති.වෙළද වටිනාමක් තිබුනත් කොතරම් මිහිරියාවක් තිබෙන මතකයක්ද නේද..

05. මිහිරි මතක හද රැදේ… ඔරේන්ජ් බාර්ලි

රෑපවාහිනි පරණ වෙළද දැන්වීම් මතකයන් ආවර්ජනය කරනකොට කොහොමටවත් අමතකම  කරන්න බැරි තැනක් Elephant House ආයතනයේ  ( ඒ දවස්වල හැදින්වූයේ Ceylon Cold Stores) අලියා ඔරේන්ජ් බාර්ලි වෙනුවෙන් කරපු දැන්වීම් දෙකට ලැබෙනවා.

වසර 1993 වගේ හැදුනු පළවෙනි ඔරේන්ජ් බාර්ලි ඇඩ් එකේ තියෙන්නේ ඉංග්‍රීසි ගීතයක්.ඉතා මනස්කාන්ත පරිසරවල සිත් ඇදගන්නා සුළුවෙන් එම ඇඩ් එක නිර්මාණය කර තිබුනා.

මේ තියෙන්නේ ඒකේ Youtube link එකක් ඔබේ මතකයට.

” ආදරණීය මල්ලි,

ඔයා නිවාඩුවට ගමේ එනවද? මීට ආදරණීය අක්කා “

මතකද මේ වචන ටික.ඇහෙනකොටත් අතීතයට යන අමුතුම හැගීමක් දනවන මේ ආදරණීය වෙළද දැන්වීම කාගේත් ප්‍රියතම එකතුවේ උඩින්ම ඇති.සහෝදරයකුගේත් සහෝදරියකගේත් කුඩා කල සිට ඔවුන් තරුණ වියට පැමිණෙන තෙක් ජීවිතේ විවිධ කාලවල ඔරේන්ජ් බාර්ලි ලග සිටි සුන්දර මතකයක් තමයි මෙහි දිගඇරෙන්නේ.

මෙහි විශේෂත්වය පළමු ඇඩ් එකේ ඇතුලත් වූ  ඉංග්‍රීසි ගීතයේම තනුවට සිංහල ගීතය සකසා තිබීම හා එය ගායනා කර ඇත්තේ ජනප්‍රිය ගායක රජීව් සෙබස්තියන් මහතායි.

Paul Blacker මහතාගේ නිර්මාණශීලි අදහසකට තමයි මෙම ඇඩ් එක නිර්මාණය කර තිබුනේ Elephant House ආයතනෙයේ පළමු තත්ත්පර 60 දැණ්වීම වුනෙත් මේක.මෙරට රෑපවාහිනි වෙළද දැණ්වීම් ඉතිහාසයේ සලකුණක් ලෙසත් මෙය හදුන්වන්න පුළුවන්.මෙහි එන හඩ දායකත්වය දීලිප අබේසේකර මහතාගෙන්.

06. ලන්ඩන්වල ඇල්බට් අන්කල් සෙලාන් බැංකුවේ වෙස්ටන් යුනියන්

ලන්ඩන්වල ඇල්බට් අන්කල් අදත් මේ වචන ටික මේ ඇඩ් එක මේ සේවාව හැමදේම අපේ මතකයේ රදවන්න තරම් නිර්මාණශීලි ලෙස මෙය කරතිබුනා.

මෙම නිර්මාණය කර තිබුනේ වසර 1998. ඒ කාලයේ Online Banking කිසිදෙයක් නොතිබුනු කාලයක මෙම රටකින් රටකට මුදල් යැවීමේ සේවාව පිළිබදව මිනිසුන්ට සරලව හොදින් වටහාදෙන්න මෙයින් හැකිවුනා.සෙලාන් බැංකුවේ වෙස්ටන් යුනියන් සේවාව මෙරට මිනිසුන් අතර මෙය නිසා ඉතා ජනප්‍රිය වුනා.

ඔබට මතක නම් නාලන් මෙන්ඩිස් මහතාගේ ටෙලි නාට්‍යය  සදහා බොහෝ අවස්ථාවල අනුග්‍රහය දැක්වූයේ සෙලාන් බැංකුවයි.සෙනෙහෙවන්තයෝ ටෙලි නාට්‍යය  යන අතරතුර මෙම ඇඩ් එක විශාල වශයෙන් විකාශනය වුනා.

මේ දැන්වීමේ හිටිය තරුණයත් එකරැයින් ජනප්‍රිය වුනා.ඔහු පසුකලෙක රිය අනතුරකින් මියගිය බවට කටකතාවක් පැතුරුනත් එහි ඇත්ත නැත්ත නම් අපිට සොයාගන්න බැරිවුනා.

තමන්ගේ සේවාදායකයට නිර්මාණශිලී ලෙස මෙවැනි ආකාරයේ පරම්පරා ගණනාවක් යනතුරු මතක සිටින දැන්වීමක් කරලා දෙන එක ඇත්තටම අගය කලයුතු කරුණක්.

07. ගම්පෙරළිට නෙමෙයි පෙම්පෙරළිය

මේ වචන ටිකත් එක්කම මතක් වෙනවා පෝලෝ වෙනුවෙන් නිෂ්පාදනය කෙරුනු මෙම වෙළද දැන්වීම.එහි මතක හිටිනම කොටස වුනේ මෙම ගම්පෙරළිය නෙමෙයි පෙම්පෙරළිය කියන කොටස.

ආදරණීය නවකතාවක් වුනු ගම්පෙරළිය නවකතාවේ නම මෙයට යොදාගෙන ලස්සනට මේ වචන ටිකත් එහි නිරූපනයත් නිරුමාණය කර තිබුනා.තරුණ යුවලක් ඉගෙනගන්න ගමන් කමින් සිටි පොලෝ වැටි මහළු කෙනෙකුගේ බුලත් හෙප්පුවට ඔහු ප්‍රබෝදමත් වූ සැටි තමයි මෙහි තිබුනේ.

Lowe Lintas Sri Lana නම්වූ වෙළද දැන්වීම් ආයතනයක් තමයි මෙය නිර්මාණය් කර තිබුනේ.

සිසිල ගලන මින්ට් සිදුර ලෙසින් ජනප්‍රිය මෙම පෝලෝ ඇඩ් එක විකාශනය වුනේ වසර 2001දී.

08. ඕනැම තැනක ඕනැම වේලාවක ඕනැම ගාණකට Dialog Kit ez Reload

ඇත්තෙන්ම රීලෝඩ් ගැන මිනිස්සු අතරට ගියේ මේ ඇඩ් එකෙන් කිව්වොත් හරි. Dialog වෙතින් කෙරුනු මේ දැන්වීම විතරක් නෙමෙයි මේ වෙනුවෙන් ඇඩ්ස් කිහිපයක් නිර්මාණය වුනා.

විශේෂත්වය වුනේ මේ හැම ඇඩ් එකකම සිටියේ අනර්කලි ආකර්ෂා වීම.ඇය මෙරට අතිශයින්ම ජනප්‍රිය වෙන්න මේ Dialog Kit ez Reload ඇඩ් නිසා සමත්වුනා.

සුරෙෂ් අයියා මට රු 50ක රිලෝඩ් එකක් දාන්න කියලා කියන දැන්වීම ඔයාට මතකද..

අද නම් online payment ඒ වගේම bill payment නිසා ඒ රීලෝඩ් කලාව දැන් එතරම් ජනප්‍රිය නැහැ.නමුත් ඒ කාලේ මේ වැඩේ තමයි අපිට තිබ්බ ලේසීම සහ ජනප්‍රියම ක්‍රමය.

මේ වෙළද දැන්වීමට සමගාමීව රටපුරා කඩවල්වල අනර්කලි ඉන්න Dialog Kit ez Reload  පෝස්ටර් දැක ගන්න ලැබුනා.මෙය විකාශනය වුනේ වසර 2004.

09. කොහොඹ අලුත් ගුණ සුවදින්

ස්වදේශී නිෂ්පාදනයක් වන මෙම කොහොඹ සබන් සදහා කවදත් සිත් ඇදගන්නා රැමත් ලලනාවන් සිටින දේශීයත්වයට මුල්තැන දෙන වෙළද දැන්වීම් නිර්මාණය වූනා.

මෙම 90 දශකයේ මෙම ඇඩ් එක ඒ අතරින් වඩාත් ජනප්‍රියයි.

මෙම කොහොඹ ඇඩ් එකට පසුව මෙහි සිටින නළුවා හා නිළිය යොදාගෙන මෙහිම දෙවන කොටසක්  නිර්මානය වුනා.විශේෂයෙන්ම දේශියත්වයට මුල්තැන දෙන නාදරටා මුසුව ගීතයක් මේ ඇඩ් දෙකටම යොදාගෙන තිබුනා.මෙම වෙළද දැන්වීම කර තිබුනේ Big International නම් ආයතනයි.රොහාන් පියදාස මහතා විසින් පිටපත ලියා නිර්මාන අධක්ෂනය කර තිබෙනවා.පළමු දැන්වීමේ ගීතය ගායනා කරන්නේ ඒ දවස්වල නවක ගායකයෙක් වූ ජනප්‍රිය රොමේශ් සුගතපාල විසිනි.

10. මොණර පිලක අරුමේ ලින්ක් කේශා

ලින්ක් කේශා සදහා වසර 1998 නිර්මාණය කෙරුනු මෙම රෑපවාහිනි වෙළද දැන්වීම අතිශයින්ම මෙරට ජනප්‍රිය වුනා පමණක් නොව මෙම භාණ්ඩයට අසීමිත ඉල්ලුමක් මෙරට තරුණියන්ගෙන් ලැබුනා.

කාන්තාවන් කේශ කලාපය වර්ධනයට තෙල් වර්ගයක් සදහා මේ තරම් ජනප්‍රිය වු පළමු දැන්වීමත් මෙය බවට කිසිදු සැකයක් නැහැ,.මේ ඇඩ් එකට රෑමත් තරුණියක් යොදාගෙන තිබුනා.ඇය ගැන සොයා බැලුවිට ඇය වසර 1993 Ms. Sri Lanka නමින් ජෙරල්සීන් ද රොසයිරෝ.

ඉන්දානි පෙරේරා මහත්මිය ගායනා කරන වන දෙව්ලිය තුරුළේ යන ගීතයේ තනුවට අනුව මෙම ඇඩ් එකේ ගීත කොටස නිර්මානය කර තිබුනා.ඇය විසින්ම රෑපවාහිනි වෙලද දැන්වීමටත් එය ගායනා කරනු ලැබුවා.මුල් ගීතය තරම්ම මේ මොණර පිලක අරුමේ ගීත කොටසත් ජනතාව අතර ජනප්‍රිය වුනා.

මේ රැපවාහිනි වෙළද දැන්වීම් දකිනකොට ඒවා අද වගේ අපි කාටත් හොදින් මතකයි.ඒ එම දැන්වීම්වල නිර්මාණශිලිත්වයේ ප්‍රභල බව නිසයි.අද එවැනි දැන්වීම් බිහි වන්නේ කලාතුරකින්.

මේ සටහන අවසන් වනවිට දැනෙන්නේ ආයිමත් වතාවක් ළමා කාලයට ගිහින් ආවා වගේ සුන්දර හැගීමක්.ඒත් දැන් මෙහම ඇඩ් හැදෙන්නෙත් නැහැ.අපි ඒවා බලන්න රැපවාහිනි ඉස්සරහ දැන් ඉන්නෙත් නැති තරම්.

The post 90 ගණන්වල ටීවි එකේ හිට් වුනු පරණ ඇඩ් first appeared on Throw Back Ceylon.

The post 90 ගණන්වල ටීවි එකේ හිට් වුනු පරණ ඇඩ් appeared first on Throw Back Ceylon.

මෙම මධුර මනෝහාර ගීත මිනිසුන්ගේ හදවත්වලට සමීව වෙන්න සුවිශේෂි කරුණක ලෙස ඉවහල් වූයේ ඒ දවස්වල තිරගත වූ හින්දි චිත්‍රපටි ගීතවල ඇතුළත් වු සුමධුර ගීත තනු යොදා අපේ ගීත සැකසීමයි. සිංහල සිනමාව ජනප්‍රිය වන්නටත් පෙර මෙහි ජනප්‍රිය වූ හින්දි සිනමාවේ මන්ස්කාන්ත ගී තනු යොදාගෙන සැකසුණු  සිංහල  ගීත අතිශයින්ම ජනප්‍රිය වුනා.

අද අපේ කතාබහට එකතු කරගන්නේ මෙලෙස හින්දි තනු කොපි කර සැකසු මෙරට අතිශය ජනප්‍රියවූ සිංහල චිත්‍රපටි ගීත පිළිබදවයි.

ඇත්තෙන්ම ඔබව පුදුම කරවීමට සමත් විශාල ගීත ප්‍රමාණයක් , එයිනුත් අදටත් අපේ පරම්පරාව අතරත් ජනප්‍රිය චිත්‍රපටි ගීත සැකසී ඇත්තේ හින්දි ගී තනු අනුකරණය කිරීමෙන්.ජනප්‍රිය හින්දී ගීතයක තනුවට ගැළපෙන ලෙස සිංහල පදමාලාව සකසා නව සිංහල ගීයක් නිර්මාණය මෙහිදී සිදුවී ඇත.හින්දි තනු වලට ගැළපෙන්න සිංහල පද රචනය කරන්න මනා සමත්කමක් දැක්වූවෙක් ලෙස කරුණාරත්න අබේසේකරයන් හදුන්වන්න පුළුවන්.

මෙම ජනප්‍රිය හින්දි ගී තනුවලට සැකසුනු සිංහල චිත්‍රපටි ගීත බොහොමයක් ගායනා කර තිබෙන්නේ එච්.ආර්.ජෝතිපාල, ඇන්ජලින් ගුණතිලක, සුජාතා අත්තනායක, මිල්ටන් පෙරේරා වැනි ජනකාන්ත ගායක ගායිකාවන්.

ඔබ පුදුම කරවීමට සමත් දහස් ගණනක් වූ අපේ පැරණි  සිංහල චිත්‍රපටි ගීත හින්දි තනු යොදා සකසා තිබෙන බව සමහර විට ඔබ නොදන්නවාත් විය හැකියි.සිංහල ගීය ඔබට අදටත් රසවිදින එකක් වුවත් සමහර ව්ට ඔබ එහි හින්දි ගි තනුව අසා නොමැති වෙන්න පුළුවන්.

අපි අද එලෙස ඉතා ජනප්‍රිය වූ හින්දි ගී තනු කිහිපයක් සමග සිංහල ගීතය ඔබට මතක් කරන්නට කැමතියි.

එම යුගයේදී ලංකාවේ ආර් මුත්තුසාමි, පී.එල්.ඒ. සෝමපාල, ආර්.ඒ. චන්ද්‍රසේන, එස්. දක්ෂිණමූර්ති, බී.එස්. පෙරේරා, ටී.එෆ්. ලතීෆ්, මොහොමඩ් සාලි, එම්.කේ. රොක්සාමි වැනි සංගීතඥයින් විසින් මුල් හින්දි ගීයේ තනුව ලබාගෙන දේශීය වාදන ශිල්පීන් ලවා නැවත සංගීතය නිර්මාණය කර අපේ සිංහල ගීත වලට එකතුකර තිබෙන බව පැහැදිලි වේ. මෙම ගීතවල බොහොමයක් හින්දි ගී තනු නිර්මාණය කර තිබෙන්නේ ඉන්දියාවේ ප්‍රකට සංගීතඥයින් වන ශන්කර් ජායිකිෂන්, ලක්ෂ්මීකාන්ත් ප්‍යොරේලාල්, ආර්.ඩී. බර්මන්, එස්.ඩී. බර්මන්, ඕ.පී.නයියාර්,නෞෂාඩ් අලි,කල්යාන්ජි ආනන්ජි වැන්නවුන් විසිනි.

එම මුල් හින්දි ගීත සමග සිංහල ගීතය ප්‍රචාරය කරන වැඩසටහන් රැපවාහිනිය හෝ ගුවන් විදුලියේ අද දකින්න අසන්න ලැබෙන්නේ හරිම අවුවෙන් . එක්තරා කාලයක රන්ජිත් එදිරිසිංහ  මහතා විසින් භාරත ගී වින්දන වැනි වැඩසටහන් තුළින් මෙම මතක ආවර්ජනය කළා.නමුත් දැන් ඔබට බොහොමයක් මෙම පැරණි ගීත යූටියුබය හරහා රසවිදිය හැකියි.

සිය ගණනක් වූ ගීත් අතුරින් කිහිපයක් එහි මුල් හින්දි තනුව අන්තර්ගත් වූ චිත්‍රපටිය, ගායක ගායිකාවන්, සිංහල හා හින්දි සංගීත අධ්‍යක්ෂවරුන් දෙදෙනා ආදි විස්තර කෙටි විස්තරයක් හා Youtube link පහළින් ඇත.මෙම Youtube link උපුටා ගැනීමක් හා එහි අයිතිය එම අයිතිකරුවන් සතු බව සලකන්න.

වසර 1975 දමයන්ති  චිත්‍රපටිය සදහා මෙම ගීතය මොහිදින් බෙග් මහතා විසින් ගායනා කර තිබේ. මෙහි මුල් හින්දි ගීතය ඇතුලත් වන්නේ කොර කාගාස් නම් වූ වසර 1974 තිරගත වූ හින්දි චිත්‍රපටියේ වන අතර ගීතය නම් කිෂොර් කුමාර් විසින් ගායනා කරන මෙරේ ජීවන් කොර කාගස් ගීතයයි.මෙහි හින්දි සංගීත අධ්‍යක්ෂණය කල්යාන්ජි ආනන්ජි විසිනි.

හෙළ සිනමාවේ සක්විති රජු ලෙසින් හැදින්වෙන ගාමිණි ෆොන්සේකා මහතා හා නිළි රැජින මාළිනි ෆොන්සේකා මහත්මිය රගපෑමෙන් දායකවූ වසර 1973 නිෂ්පාදනය වූ හොදට හොදයි චිත්‍රපටිය වෙනුවෙන් එච්.ආර්.ජෝතිපාල හා ඇන්ජලින් ගුණතිලක නම්වූ ජනකාන්ත ගායක ගායිකා දෙපළ ගායනා කල මෙම ගීතය එකල ජනප්‍රිය ගීතයක්.

මෙහි මුල් තනුව වසර 1971 තිරගතවූ අන්දාස් චිත්‍රපටියේ ශන්කර් ජායිකිෂන් සංගීත අධක්‍ෂණය කරමින් මොහොමඩ් රාෆි විසින් ගායනා කල ගීතයක්.එය නම් රේ මාමා රේ මාමා රේ ගීතයයි.මෙම චිත්‍රපටියේ ෂම්මි කපූර් රංගනයෙන් දායක වී තිබේ.

හින්දි ගීතය        :   https://youtu.be/NJbdGlSS7eg

මෙම ගීතය වසර 1973 තිරගත වූ ගොපළු හදවත නම්වූ චිත්‍රපටියේ ඇතුලත් වුනා.මෙහි සංගීත අධක්‍ෂණය ආර්.රොක්සාමි මහතා විසින් වන අතර හරුන් ලන්ත්‍රා මහතා මෙය ගායනා කර තිබේ.ටෝනි රණසිංහ මහතා මෙහි රංගනයෙන් දායක වි තිබේ.

අදටත් ජනප්‍රිය මෙම රසවත් ගීතයේ තනුව මුල්වරට අඩංගුව ඇත්තෙ වසර 1965 තිරගත වූ ආකාශ් දීප් චිත්‍රපටියෙ වේ.එම ගීතය නම් මුජේ දාදෙ දිල් කප තානනා ගීතයයි.එහි සංගීත අධක්‍ෂණය චිත්‍රගුප්ත සිදු කර ඇති අතර ගායනය මොහොමඩ් රාෆි විසිනි.මෙහි රංගනයෙන් ජනප්‍රිය නළු ධර්මේන්ද්‍ර හා නන්දා දායක වී තිබේ.

වර්ෂ 1972 තිරගත වූ මේ දෑස කුමටද චිත්‍රපටියේ මෙම ගීතය ඇතුළත් විය.ජනප්‍රිය ගායක එච්.ආර්.ජෝතිපාල මහතා හා ජනප්‍රිය ගායිකා සුජාතා අත්තනායක් විසින් මෙය ගායනා කරනු ලැබුවා.මෙහි සංගීත අධක්‍ෂණය ටී.එෆ්.ලතීෆ් විසිනි.

අදටත් ජනප්‍රිය විරහ ගීයක් වන මෙහි මුල් ගී තනුව ඇතුලත් වී ඇත්තේ ඉතාමත් ජනප්‍රිය හින්දි චිත්‍රපටියක් වූ ආරාධනා චිත්‍රපටියේ වේ.එය වසර 1969 තිරගත වී ඇත.කොර කා ගස්තා නම් වූ මෙම අතිශයින් ජනප්‍රිය ගීතය ගායනා කරන ලද්දේ කිෂෝර් කුමාර් හා ලතා මංගේෂ්කාර් විසිනි.සංගීත අධක්‍ෂණය එස්.ඩී. බර්මන් මහතා විසිනි.මෙහි රගපෑම අතිශය ජනප්‍රිය නළු නිළි යුවළක් වූ රාජේෂ් ඛන්නා හා ෂර්මිලා තාගෝර් විසිනි.

හින්දි ගීතය        :  https://youtu.be/ql1-jjEPErw

වසර 1971දී අභිරහස චිත්‍රපටියට පී.එල්.ඒ. සෝමපාල මහතා විසින් සංගීත අධක්‍ෂණය කරමින් එච්.ආර්.ජෝතිපාල මහතා හා ඇන්ජලින් ගුණතිලක මහත්මිය විසින් මෙම ගීතය ගායනා කරන ලදි.

මෙහි මුල් තනුවත් අතිශයින්ම ජනප්‍රිය වූ වසර 1969 තිරගත වූ ආරධනා චිත්‍රපටියේ එස්.ඩී.බර්මන් මහතාගේ සංගීතවත් කල ගීයක් වුනා.එනම් ගුන්ගුන් රැහේ හේන් බවර්  ගීතයයි.මෙය මොහමඩ් රාෆි හා ලතා මංගේෂ්කාර් ගායනා කල අතර රාජේෂ් ඛන්නා හා ෂර්මිලා තාගෝර්  රංගනයෙන් දායක වුනා.

සිංහල ගීතය  :  https://youtu.be/G-ejT4kV08A

හින්දි ගීතය        :  https://youtu.be/yTktbXFZP6o

වසර 1973 තිරගත වූ සිංහල සිනමාවේ අතිශයින්ම ජනප්‍රිය වූ තුෂාරා චිත්‍රපටියට එච්.ආර්.ජෝතිපාල මහතා හා ඇන්ජලින් ගුණතිලක මහත්මිය විසින් ගායනා කරන ලද මෙම ගීතයට අසහාය නළු විජය කුමාරතුංග මහතා හා හෙළ සිනමාවේ නිළි රැජින මාලිනි ෆොන්සේකා මහත්මිය රංගනයෙන් දායක විය.

මෙහි මුල් තනුව ඇතුළත් වන හින්දි ගීතය වන්නේ මුජේ තේරී මොහාබතකා සහාරා ගීතයයි.1971 තිරගත වූ ආප් අයේ බහාර් අයී චිත්‍රපටියට මොහොමඩ් රාෆි හා ලතා මංගේෂ්කාර් විසින් ගායනා කරනු ලැබුවා.මෙහි සංගීත අධයක්ෂණය ලක්ෂ්මීකාන්ත් ප්‍යොරේලාල්ගෙන් වන අතර රංගනයෙන් සධානා ශිවදාසනී හා රාජේන්ද්‍ර කුමාර් එක්විය.

1974 තිරගත වූ ඔන්න බබෝ බිල්ලෝ එනවා සිංහල චිත්‍රපටිය සදහා එච්.ආර්.ජෝතිපාල මහතා විසින් මෙම ගීතය ගායනා කර තිබෙනවා.හෙළ සිනමාවේ රජු ලෙසින් සැලකෙන ගාමිණි ෆොන්සේකා මහතා මෙහි රංගනයෙන් දායක වී තිබෙනවා.කරුණාරත්න අබේසේකර මහතා විසින් මෙම ගීතයේ පද රචනය කර තිබෙනවා.

මෙයත් එකල ප්‍රකට හින්දි ගීතයක තනුවකට සකසන ලද්දක්.1972 තිරගත වූ ප්‍යොර් කා ගාර් චිත්‍රපටිය සදහා කිෂෝර් කුමාර් විසින් ගායනා කළ යේ ජීවන් හේ එම ගීතයයි.එහි සංගීත අධයක්ෂණය ලක්ෂ්මීකාන්ත් ප්‍යොරේලාල් විසිනි.

1973 තිරගත වූ හොදයි නරකයි චිත්‍රපටිය සදහා පී.එල්.ඒ සෝමපාල මහතා විසින් සංගීත අධයක්ෂණය කරන ලද මෙම ගීතය එච්.ආර්.ජෝතිපාල මහතා විසින් ගායනා කර ඇත.

මෙම ගීතයේ මුල් තනුව අයත් වන්නේ ජනප්‍රිය හින්දි ගීතයකටය.එය නම්, තුම් බින් ජඔ කහාන් ගීතයයි.මෙය 1969 තිරගත වූ ප්‍යාර් කා මෝසම් චිත්‍රපටියට මොහොමඩ් රාෆි විසින් ගායනා කරනු ලැබ ඇත.ආර්.ඩී. බර්මන් මහතා විසින් මෙහි සංගීත අධයක්ෂණය කර තිබේ.

වසර 1987 ඔබටයි ප්‍රියේ ආදරේ චිත්‍රපටිය සදහා එච්.ආර්.ජෝතිපාල මහතා විසින් මෙම ගීතය ගායනා කරනු ලැබුවා.එහි සංගීත අධයක්ෂණය සරත් ද අල්විස් මහතා විසින් සිදු කරන ලදි.

මෙය රිෂී කපූර් හා ඩිම්පල් කපාඩියා රංගනයෙන් දායක වූ වසර 1985 තිරගත වූ ජනප්‍රිය චිත්‍රපටියක් වන සාගර් චිත්‍රපටියේ අන්තර්ගත ගීතයක තනුවකට අනුව සකසන ලද්දක්.එම මුල් හින්දි ගීතය වන්නේ චෙහරා හයි ජා නම් ගීතයයි.එය කිෂෝර් කුමාර් විසින් ගායනා කරනු ලද්දකි.

හින්දි ගීතය        : https://youtu.be/_mzdkxnU4mU

පෙම් පහන නීවී ගීතය ගුවන් විදුලියෙන් එකල වඩාත් ජනප්‍රිය වූ ගීතයක්.මොහොදින් බෙග් මහතා හා එස්.බී.රාණි පෙරේරා මහත්මිය මෙම ගීතය ගායනා කරනු ලැබුවා.1955 තිරගත වූ අසෝකා චිත්‍රපටියේ මෙම ගීතය අන්තර්ගත් වූ අතර එහි පද රචනය කරුණාරත්න අබේසේකර මහතා විසින් සිදුකර තිබේ.

මෙම ගීතයේ මුල් හින්දි තනුව 1953 වර්ෂයේ තිරගත වූ “ආ” චිත්‍රපටියට ෂන්කර් ජයක්‍රිෂන් විසින් සංගීත අධයක්ෂණය කර තිබෙන ගීතයක්.ජානේ නා නසර් එම ගීතයයි.ලතා මන්ගේෂ්කාර් හා මුකේෂ් විසින් මෙම ජනප්‍රිය හින්දි ගීතය ගායනා කර ඇත.

මෙම පැරණි ගීත ලැ‍යිස්තුව දෙස බැලීමේදී අපට හැගී යනුයේ මෙම බොහොමයක් ගීත ගායනා කර තිබෙන්නේ ජනකාන්ත ගායක එච්.ආර්.ජෝතිපාල මහතා වීම හා බොහෝ ගීත රචනා කර තිබෙන්නේ කරුණාරත්න අබේසේකරයන් වීමයි.

මෙලෙස හින්දි ගීත තනු වලට සිංහල ගීත නිර්මාණය කිරීම, බහුලව සිදුවුනත්, පසු කාලීනව එය කෙමෙන් වියැකී ගොස් ස්වතන්ත්‍ර ගීත නිර්මාණය කෙරෙහි, දේශීය සංගීතඥයන් යොමුවුණ අතර, ඉන්පසුව ඇරඹුණු, ස්වතන්ත්‍ර ගීත නිර්මාණය නිසා, හින්දි තනු කොපි කිරීම අතහැරී ගියා. එයට තවත් හේතුවක් වුනේ, එවැනි ගීත දැඩි ලෙස විවේචනයට ලක්වීමයි.

බොහෝ සෙයින් මෙම ගීත විවේචනය ලක් වුවත් ඉන්දියානු ආභාෂය නොමැති කලා ක්ෂෙත්‍රයක් මෙහි නොමැත.වැදගත්ම කාරණය ලෙස අපට මෙහිදී දැක්විය හැක්කේ පැරණි ජනප්‍රිය හින්දි ගීත තනු අනුකරණය කරමින් මෙකී ගීත නිර්මාණය වුවත් එය ඉතා ඕනෑකමින් දක්ෂ ලෙස ඊට ගැළපෙන වචන ලියමින්,එම තනුව වාදනය කරමින්, සුමියුරු ලෙස අපගේ ගායක ගායිකාවන් ගායනා කර තිබීමයි.එය ඉතා අගය කර සැලකිය යුතු කාරණයකි.අදටද පැරණි චිත්‍රපටි ගීතයක් කියූ සැණින් මතකයට නැගෙනුයේ මෙම ගීතයි.එපමණක්ද අදටද බොහෝ රියැලිටි වැඩසටහන්වල තරුණ පරම්පරාව තවමත් මෙම ගීත ගායනා කරයි.නොනැසෙන ජනප්‍රියත්වයක් මෙම ගීත සතුව තිබෙන්නේ එම ගීත තනුව හින්දි තනුවක් වූවාට වඩා එය අපට ගැළපෙන ලෙස අපේ වචන යොදමින් අපට ගැළපෙන ලෙස ගායන කර තිබූ නිසාවෙනි.

කාලයක් මෙම හින්දි තනු අනුකරණය කිරිම සිදු නොවුනු අතර නැවතත් තරුණ පරම්පරාව මේ වනවිට ජනප්‍රිය හින්දි ගීත තනු අනුකරණය කරමින් ගීත නිර්මාණයක් දැක ගත හැකිය.

නමුත් මෙම ගීත රැල්ලක් මෙන් ඉහලට ඇවිත් නැතිව යයි.වචනයක හෝ මතකයක් ප්‍රේක්ෂයන්ට නොමැති තරම්ය.මෙම ගීත පැරණි අනුකරණ ගීත තරම් ජනප්‍රිය නොවන්නේ ඒ හින්දි ගී තනුව කොතරම් ජනප්‍රිය වුවත් වචනවල නොගැලපීම ගායනයේ අඩුපාඩු නිසාවෙනි.

අනුකරණයක් හෝ කළ යුත්තේ තමන්ගේ දෙයක් ලෙස උනන්දුවෙන් නිවැරදිව තමන්ට ගැළපෙන ලෙස සකසා ගෙන බව මෙම පැරණි ජනප්‍රිය සිංහල ගීත අපට කියාදෙයි.

තවත් මෙරට විවිධ කාලවල ජනාදරයට ලක්වූ  වටිනා සංගීත ක්ෂෙත්‍රයන් පිළිබදව මෙලෙසින්ම ඉදිරියේදී ඔබ දැනුවත් කරන්න අප බලාපොරොත්තු වෙනවා.

(මෙම ගීත පිළිබදව කරුණු සොයාගනු ලැබුවේ අන්තර්ජාල භාවිතයෙනි.ඔබේ පහසුව වෙනුවෙන් මෙහි ඇතුලත් කරන ලද YouTube link අයිතිය එම මුල් අයිතිකරුවන් සතුවේ.)

The post ජනප්‍රිය භාරත ගී ඇසුරෙන් නිර්මාණය වූ මෙරට චිත්‍රපට ගීත first appeared on Throw Back Ceylon.

The post ජනප්‍රිය භාරත ගී ඇසුරෙන් නිර්මාණය වූ මෙරට චිත්‍රපට ගීත appeared first on Throw Back Ceylon.

බක්මහ ආරම්භයත් සමග සියල්ලම් පිළිවෙළින් පෙළගැසෙන්නේ සූර්යය මගුල පිළිගැනීම සදහයි.ඈත අතීතයේ පටන්ම වර්තමානය දක්වාම නොනැසී පැවත එන චිරාගත සම්ප්‍රදාය මෙම අලුත් අවුරුදු උදාව හා සබැදි අවුරුදු නැකැත් සීට්ටුවයි.

සෑම වසරකම අප්‍රේල් 13 හා 14 යන දිනයන් යනු අවුරුදු සිරියෙන් පිරී ඉතිරී යන වසරේ සුන්දරම කාලයයි.බක්මහ අසිරිය කොතරම්ද සිත්ගන්නා සුළුද යත්, ගහකොළ සතා සිවුපා පරිසරයම සතුටින් වෙනස්ම සිරියක් ගනියි.

ගොයම් කපා අස්වැනු නෙළා ගෙන අටුකොටු බරව, සරුසාර කාලයක සියල්ලන්ම පාහේ ලහි ලහියේ සුදානම් වනුයේ අලුත් අවුරුද්ද පිළිගැනීමට වේ.මේ කාලය වසරේ තරමක් තද අව් රශ්මියකින් යුක්ත කාලයකි.

සිංහල ක්‍රමයට බක් යනු වසරේ පළමු මාසයයි.එය භග ලෙසද හැදින්වේ.අලුත් අවුරුද්ද “අවුරුදු කෑම ” ලෙසද ව්‍යවහාරයේ හැදින්වේ.අවුරුදු උදාව හා ආහාර අතර ඉතා දැඩි රසවත් සම්බන්ධයක් පවතියි.අවුරුද්දේ බාල මහළු කවුරුත් එක වගේ කැමතිම කාලය මේ අවුරුදු උදාවත් සමග ගෙවෙන දින කිහිපයට එක් හේතුවක් වී ඇත්තේද මේ අවුරුදු ආහාර සංස්කෘතියයි.ලෝකේ කොහේ වාසය කළත් සිංහල මනුස්සයෙක්ට කිසිදින අමතක කළ නොහැකි එක දෙයක් නම් අවුරුදි කාලයට රසවත්ව හැදෙන තෙලෙන් පැණියෙන් කිරියෙන් උතුරන ආහාර අපටම ආවේණික ආහාර මේසයයි.

මෙවර අපගේ කතාබහ අවුරුද්දේ මේ කාලයට බඩපුරා අනුභව කරන සිංහල ආහාර සංස්කෘතියයි.

අලුත් අවුරුද්ද උදාවත් සමග සෑම නිවෙසමකට ප්‍රථම රාජකාරිය වන්නේ අවුරුදු නැකැත් සීට්ටුවට අනුව නැකැතට ලිපගිනි මොළවා ආහාර පිසීමයි.මෙහිදී පළමුව කිරි උතුරවා අනතුරුව තම කුඹුරුවලින් ලබාගත් අලුත් සහල් අස්වැන්නෙන් කිරිබතක් සාදා ගැනිම කරනු ලැබේ.

නැකැතට ලිප ගිනි මෙළවීම සිදු කිරීමෙන් වසර පුරාම ආහාර හිගයක් තම නිවසට සිදු නොවේ යන්න පැරැන්නන්ගේ සිට අද දක්වා පැවත එන විශ්වාසයකි.

ජෝතිශ්‍යට අනුව අලුත් සහලෙන් සකසා ගන්නා අවුරුදු කිරිබත වෙනුවෙන් එක් එක් වර්ෂයට අනූකූල වන ලෙස යොදා ගන්නා තල ,මුං, කොල්ලු වැනි ධාන්‍ය වර්ගද කිතුල් හකුරු,පොල් හකුරු, කිරි,පැණි ආදි ද්‍රව්‍ය තිබේ.

අවුරුදු කිරිබත සමග අවුරුදු කෑම මේසය වෙනුවෙන් සකසා ගන්නා විශේෂ ව්‍යංජනය වන්නේ හත් මාළුවයි.ප්‍රදේශයෙන් ප්‍රදේශයට මෙම හත්මාළුව සදහා යොදා ගන්නා එළවළු වර්ග හත වෙනස් වෙයි. කොළ වර්ගයක්, ධාන්‍ය වර්ගයක්,අල වර්ගයක් , නාඹර කජු ඇතුළුව තවත් එළවළු වර්ග හතරක් යොදාගෙන මෙම හත් මාළුව සකසා ගනියි.

අලුත් අවුරුදු ආහාර සංස්කෘතියේ ප්‍රධාන අංගයක් වන අවුරුදු කෑම මේසය මෙදින සෑම නිවසකම විශේෂිත වේ.කිරිබත පමණක් තනිව ආහාරයට ගැනීමට සිංහලයන් පුරුදුව නොමැත.කොණ්ඩ කැවුම්, කොකිස් ,ආස්මි පොදුවේ ලංකාව පුරාම ආහාරයට එක් කරගන්නා කැවිලි වර්ග වේ.නමුත් ප්‍රදේශයෙන් ප්‍රදේශයට ආවේණික වූ කැවිලි වර්ග අවුරුදු කෑම මේසයට එක් කරගැනිම සිරිතය.එකම කැවිලි වර්ගය විවිධ ප්‍රදේශවල විවිධ නම් වලින් හැදින්වීමද දකින්නට ලැබේ.

මහනුවර ප්‍රදේශයේ උදුවැළ් හෙවත් පැණිවළලු සහ නාරං කැවුම්ද, දකුණේ ගිරුවාපත්තුවේ හා රුහුණු මාගම්පත්තු වැසියන් කළු දොදොල්, මුං ගෙඩි ආදියද, සත් කෝරළයේ අමර කැවුම් හා කීරොටිද, නුවර තාලාවිය ප්‍රදේශයේ තල හෝ කජු අලුවා එවැනි ප්‍රදේශවලට ආවේණික වූ අවුරුදු කැවිලි වර්ග වේ.මීගමුව හලාවත ප්‍රදේශයෙන් රසවත් මීගමු අලුවා අවුරුදු කෑම මේසයට එක් කරගනියි.

මෙලෙස සකස් කරගත් අවුරුදු මේසය අනුභව කිරිම හෙවත් ඉදුල් කිරීම සිදු කරනු ලබන්නේද නැකත් වේලාවකටය.ගෙදර ප්‍රධානියා විසින් තම ස්වාමි දුවට හා දූ දරුවන්ට අදාල දිශාව බලා කිරිබත් කටක් කැවීමෙන් ආහාර අනුභවට නව අවුරුද්දට ආරම්භ කරන අතර අනතුරුව බුලත් කොළයක එතු කාසියක් නිවසේ ප්‍රධානියා විසින් ස්වාමි දුවට ලබාදීමෙන් ගනුදෙනි චාරිත්‍රය සිදු කරයි.

සමහර ප්‍රදේශවල අවුරුදු කෑම මේසය ඉදුල් කීරිමට හා ගනුදෙනු කිරීමට හොද අත්වාසියක් ඇතැයි අතමිට සරු පුද්ගලයෙකුට ආරාධානා කරයි.

උදාවූ නව වසර බත බුලතින් සරුසාර වී, සරු අවුරුද්දක් ලෙසින් නිසි කළමණාකරණයෙන් යුක්ත වෙන්න කරන ප්‍රාර්ථනය මේ සියළු චාරිත්‍ර පිටුපස ඇති අරුතයි.

සම්ප්‍රදායික සිංහල මිනිසුන් කිසිදිනෙක අලුත් අවුරුද්ද තනිව සැමරුවේ නැත.කෘෂිකර්මාන්තය මුල් කරගත් රටක් ලෙස අපේ රටේ මිනිසුන් පෙර සිටම සාමුහිකව තම තමන්ගේ කාර්යන් බෙදාහදාගෙන දියුණු වෙන ලදි.අවුරුදු උදාවට ප්‍රථම අස්වනු නෙලාගෙන අටුකොටු පුරවා අතමිට සරු කරගන්නේ සිංහල ගැමියන් එකිනෙකාට උදව් කරගනිමින්ය.අවුරුදු උදාවේ ප්‍රීතිය එලෙස තමන් හා එක්ව දහඩ්ය හෙලු අස්වාසීන් සමග බෙදාහදා ගත්තේ අවුරුදු කෑමත් සමගිනි.මෙම සංස්කෘතිය අපගේ සිංහල ජන සංස්කෘතියේ දැක්වේ.

අවුරුදු මාලය නම් වූ ජනකවි ඛාණ්ඩයේ සිංහල අලුත් අවුරුද්ද හා ආහාර සංස්කෘතිය පිළිබදව දක්වා ඇත.අවුරුදු මාලයේ සදහන්ව ඇති කරුණු කිහිපයක් සැකෙවින් පහතින් දක්වා තිබේ.

අස්වනු නෙලා ගැනිමෙන් අනතුරුව අතමිට සරුව ඇති ගැමියන් වෙනදා අනුභව කරන  සිංහල හාලේ බත වෙනුවට අවුරුද්දට සම්බා හාල් මිලට ගන්නේ ජයට අවුරුදු ගැනිමට බව මෙලෙස ලියැවී තිබේ.

සුලැයි ගාමි මුත්තද කයිවරි               සම්බා
තිබෙයි හාල් කඩවල මේ කී               සම්බා
දෙතෙයි ලාබෙටත් මැන මිලගෙන     සම්බා
එතෙයි ගෑනු අරගෙන අවුරුදු            සම්බා

බුලත්,පුවක්, දුම්කොල, මිරිස්, මිරිදිය කරදිට මාළු, ගව හා කුකුළු ආදි මස් වර්ගද අවුරුද්ද වෙනුවෙන් ගැමියන් මිලට ගෙන ඇත.එලෙසම අවුරුදු මාලයේ කියැවෙන්නේ අන්නාසි,බතල, අර්තාපල්,ලබු,පුහුල්,මාළු,දීකිරි,කිරිපැණි,සූකිරි, දුන්තෙල්,සියන්සීනි,ගල්කණ්ඩු, බෙලිමල්,කෝපි, පලතුරු වර්ග ආදි ආහාර වර්ග රාශියක් අලුත් අවුරුද්ද වෙනුවෙන් ගැමියන් කල්තියාම එකතු කරගත් බවයි.

ලුණු මිරිස් හුණු දුම්කොළ සහ                    මාළු
නානුවලට දෙහි ලුණු පුවකුත්                      දාළු
මුණු බලන්නට කැඩපත්                          පූවාලූ
ගෑනු පිරිමි අවුරුද්දට ගෙන                        යාළු

දෙල් කොස් පොල්ද සම්බල් කන්නට         කොරළි
පොල් කිරිවලට ලුණුලා තොර                   පරන්විලි
පොල් පැ ණි කිතුල් පැණි හැදුමට නොවී           මැලී
පොල් රා කිතුල් රා ගෙනියති කඩ                  කැවිලි

තවද එකල ගැමියන් විසින් ගමේ විසූ විවිධ තරාතිරම්වල පුභූ උදවිය වෙත අලුත් අවුරුද්දේ දැක බලා ගැනිමට යන ලද්දේ විවිධවූ ආහාර කද මලු බැදගෙන බව අවුරුදු මාලයේ දැක්වේ.ගමේ වෙදරාල, යකැදුරු,කඩපිළේ මුදලාලි අය වෙත මෙලෙස වෙනස් ආහාර වර්ග පොදි බැද අවුරුද්දට දැක බලා ගැනිමට ගොස් ඇත.

ඇත්තෙන්ම එකල අවුරුදු සිරිත්, අවුරුදු ආහාර හා බැදි මෙකී කරුණු අපේ අතීතයේ සුන්දර ගම්මානයක සරලව විදින ලද සතුට මොනවට පැහැදිලි වේ.

අවුරුදු මාලයේ අපේ ආහාර සංස්කෘතිය මනාව දිග හැරෙන අතර එකල ගැමියන්  ගමේ කා සමගත් සහජීවනයෙන් යුක්තව ජීවත්වූ ආකාරයත් පෙන්වා දෙයි.මෙම සහජීවනය නැමැති සංකල්පය මතින් මිනිසුන් වැඩ කරන්නට වූයේද අපගේ ආහාර සංස්කෘතිය පෙරදැරි කරගෙනය.

දේශිය රසකැවිල්ල මේ තරම් විවිධත්වයකින් යුක්ත විමට ඉවහල් වූයේ මෙරට ඇති විවිධ ධාන්‍ය වර්ගයි.උදු මුන් තල වී මෑ කුරහන් මෙනේරී ආදී ධාන්‍ය  වර්ග එකල සිංහල ගෙදරක වැරදුනේ නැත.අග්ගලාවක් දිනපතා  සැදුනේ නැති ගෙයක් නොමැති තරම්ය.කැවිල්ලක් මෙන්ම එය පෝෂණයද ලබා දුන්නේය.මෙම කැවිලි සැදීම වෙනුවෙන් කිතුල් පැණි හා පොල් පැණි භාවිතා කල අතර එමගින් අවුරුදු කාලය රසගුලක් බවට පත්වන ලදි.

බොහෝ රස කැවිලි ගිතෙල්, හකුරු එක්කර සාදනු ලබයි.කිතුල් හකුරු ආයුර්වේද වෛද්‍ය විද්‍යාත්මකව බෙහෙවින් ගුණදායක ය. මළ බද්ධය වැළැක්වීමට, අක්මාවෙන් අහිතකර විස ඉවත් කිරීමට, සෙම්ප්‍රතිශ්‍යාවට, ලේ පිරිසුදු කිරීමට, ප්‍රතිශක්තිය ඉහළ නැංවීමට, මාසික වේදනාව අඩු කිරීමට, රක්තහීනතාව වැළැක්වීමට, ආන්ත්‍රික කුඩා අන්ත්‍රයේ, මහාන්ත්‍රයේ සෞඛ්‍ය රැකීමට, රුධිර පීඩනය පාලනය කිරීමට, ස්වසන ගැටලුවලට, සන්ධි වේදනාවෙන් සහනයක් ලැබීමට, බර අඩුකර ගැනීමට, ශක්තිය ලබා ගැනීමට හකුරු හොඳ ආහාරයකි.

ගිතෙල් ද ජීර්ණය දියුණු කරන, පෝෂක උරා ගැනීමේ හැකියාවට වැඩි කරන, ආහාර මාර්ගය නිරෝගී කරන, සිරුරේ විස නසන, ඔසුවකි. එහෙත් අද වැඩි දෙනෙක් වසර පුරාම එක වාගේ පැණි රස ආහාර භුක්ති විඳිති. ඒ ලෙසම කැවුම් ගෙඩියට, මුං කැරැල්ලට, කිරිබත් කැටයට හිමි වු තැන කේක් පුඩිං අයිස් ක්‍රීම්වලට හිමි වී පවතී. ඒ නිසා වෙනදාටත් වඩා මේ සංස්කෘතික අංගය ගැන ගැඹුරින් සිතා බැලීමට කාලය එළඹී තිබේ.

කැවිලි නව වසරේ සුබ සංකේතය යි. සූර්ය පූජාව යි. කුස පිරෙන ප්‍රධාන කෑමකට කෙරෙන රසවත් ආරාධනය යි. එහෙත් අප මතක තබා ගත යුතු ප්‍රධාන කාරණය වන්නේ කිසිදු කැවිලි වර්ගයක් කුස පිරෙන්න නොගත යුතු බවයි.

අපේ කැවිලි බොහොමයක් ගැඹුරු තෙලේ බැඳ සාදා ගනු ලබයි. එවැනි ආහාර ගැස්ට්‍රයිටිස් වලින් පීඩා විඳින්නන්ගේ රෝගී තත්ත්වය උත්සන්න කරයි. මුං ඇටවලින් පිළියෙල කරන රසකැවිලි බොහොමයක් මුං ඇට බැද හෝ තෙල් සමඟ මිශ්‍රකර ආහාරයට ගන්නා නිසා ඒවායේ සීත ගුණය විනාශ වී ඕනෑම කෙනකුට ආහාරයට ගත හැකි තත්ත්වයට පත්වෙයි.

අවුරුදු කෑම මේසය හැඩකරන අපේ ආහාර සංස්කෘතියේ පුමුඛ අංගයක් වන කැවිලිවල රසවත් බව වගේම එහි තිබෙන පෝෂණ ගුණ සම්බන්ධව කෙටි පැහැදිලි කිරිමක් පහත දක්වා තිබේ.

කිරිබත් කියනනේ අවුරුදු කෑම මේසේ විතරක් නෙමේ ඕනෑම වැදගත් අවස්ථාවක චාරිත්‍රයක් විදිහට පිළියෙල කරන ආහාරයක්. සමාන්‍ය ප්‍රමානයේ කිරිබත් කැටයක ශක්තිය කිලෝ කැලරි 240 ක් පමණ අඩංගුවෙනවා. කිරිබත් පිළියලකරනකොට මුංඇට එකතුකරල මුං කිරිබත් හැදුවොත් කිරිබත් වල රස වගේම ගුණයත් තව වැඩිවෙනවා. මුංඇට කියන්නේ රනිල කුලයේ ඇට වර්ගයක්. රනිල කුලයේ ඇට වල ප්‍රෝටීන් සහ තන්තු බහුලයි.

මුං කැවුම් අවුරුදු කෑම මේසයේ තියන ඉතා රසවත්ම කැවිලි වර්ගයක්. සමාන්‍ය ප්‍රමානයේ මුං කැවුමක ශක්තිය කිලෝ කැලරි 187 ක් පමණ අඩංගුවෙනවා. ඊට අමතරව ප්‍රෝටීන් ග්‍රෑම් 3.6 ක් සහ මේදය ග්‍රෑම් 1.7 ක් පමණත් එක මුං කැවුමක අඩංගුවෙනවා.

කොකිස් අපි කවුරුත් ආසාවෙන් කන කැවිලි වර්ගයක්. විවිධ හැඩතල වලට හදන සමාන්‍ය ප්‍රමානයේ එක කොකිසකින් ශක්තිය කිලෝ කැලරි 56 ක් පමණ අඩංගුවෙනවා. ඊට අමතරව ප්‍රෝටීන් ග්‍රෑම් 1.2 ක් සහ මේදය ග්‍රෑම් 1.8 ක් පමණත් එක කොකිසක අඩංගුවෙනවා. ඒඅනුව ගත්තාම කොකිස් අනිත් රසකැවිලි වලට වඩා අඩු ශක්ති ප්‍රමානයක් සහිත කැවිළි වර්ගයක්.

වැලිතලප නම් හැබැයි ශක්ති ප්‍රමාණය තරමක් වැඩි රස කැවිලි වර්ගයක්.ඊට හේතුව අධික පැණිරස ගතිය. සමාන්‍ය ප්‍රමානයේ වැලිතලපයකින් ශක්තිය කිලෝ කැලරි 257 ක් පමණ අඩංගුවෙනවා. ඊට අමතරව ප්‍රෝටීන් ග්‍රෑම් 2.3 ක් සහ මේදය ග්‍රෑම් 2.5 ක් පමණත් එක වැලිතලපයක අඩංගුවෙනවා. වැලිතලප වගේම ශක්ති ප්‍රමාණය තරමක් වැඩි කැවිලි වර්ගයක් තමයි පැණි වළලු කියන්නේ. සාමාන්‍ය ප්‍රමානයේ පැණි වළල්ලකින් ශක්තිය කිලෝ කැලරි 247 ක් පමණ අඩංගුවෙනවා. ඊට අමතරව ප්‍රෝටීන් ග්‍රෑම් 3.7 ක් සහ මේදය ග්‍රෑම් 12.9 ක් පමණත් එක වළල්ලක අඩංගුවෙනවා. අවුරුදු කෑම මේසයේ තියන කැවිලි වර්ග අතරින් මේදය වැඩිම කැවිලි වර්ගයක් තමයි මේ පැණි වළලු.

අලුවා කියන්නේ සෑම නිවසකම වගේ අලුත් අවුරුද්දට හදන කැවිලි වර්ගයක්. සමාන්‍ය ප්‍රමාණයේ අලුවා කෑල්ලකින් ශක්තිය කිලෝ කැලරි 145 ක් පමණ අඩංගුවෙනවා. ඊට අමතරව ප්‍රෝටීන් ග්‍රෑම් 1.5 ක් සහ මේදය ග්‍රෑම් 3.4 ක් පමණත් එක අලුවා කෑල්ලක අඩංගුවෙනවා. අලුවා හදනකොට  වියළි කජු එකතුකළාම අලුවා වල රස වගේම ගුණයත් වැඩිවෙනවා. කජු වල තියන විශේෂ මේද වර්ගයට පුලුවන් අපේ ශරීරයේ තියන නරක කොලෙස්ටරෝල් අඩු කරලා හොද කොලෙස්ටරෝල් වැඩිකරන්න.

මේ සියළු කාරණාවන්ගෙන් පැහැදිලි වන්නේ අපේ රටේ අද දක්වා පැවත එන විශේෂිත අවුරුදු ආහාර සංස්කෘතිය රසෙන් මෙන්ම ගුණෙන්ද ඉහළ බව නොවේද ? එමෙන්ම ඒ හරහා ගොඩනැගෙන සාමුහික එකමුතු බවේ රසය මිල කල හැකිද? අද කෙමෙන් කෙමෙන් මේ කාරණා අප සමාජයෙන් ගිලිහි යමින් පවතියි.වෙනදා මෙන් කැවිලි තම නිවසේම හැදෙනවා දකින්නට අද දරුවන්ට අපහසුය.ඒවා බොහොමයක් අද වෙළදසැල්වලින් මිලදී ගන්නට අද සමාජය පුරුදු වී ඇත.යාන්තමින් චාරිත්‍ර ටික නැකැත් සීට්ටුව තවමත් ජයටම සමරමින් ඉතිරී වි ඇත.හේතුවක් අරුතක් නොදත් අද දරුවන් ප්‍රීතියෙන් අවුරුද්ද එනතුරු බලා සිටින්නේ ඔවුන්ට ලැබෙන අසීමිත නිදහස හා කටපුරා පැණිරස කැවිලි කෑමට ලැබෙන නිසාවෙනි.

The post අලුත් අවුරුද්දේ තෙලෙන් බැදෙන කිරෙන් ඉතිරෙන අපේ සිංහල කැවිලි first appeared on Throw Back Ceylon.

The post අලුත් අවුරුද්දේ තෙලෙන් බැදෙන කිරෙන් ඉතිරෙන අපේ සිංහල කැවිලි appeared first on Throw Back Ceylon.

මෙරටද විවිධ කාලවලදී තම නම ජාත්‍යන්තරයට ගෙනයමින් තම රටට අභිමානයක් එක්කල කාන්තාවන් අපට හමුවේ.එම දිරිය කාන්තාවන් මතු කාන්තා පරපුරටත් අතිමහත් අභිප්‍රේරණයක් සිදු කරන ලදි.

ලෝක කාන්තා දිනය යෙදී තිබුනු මාර්තු 08වන දිනට සාපේක්ෂව මෙම මස පුරාවටම කාන්තාව සාපෙක්ෂව වැඩි කතාබහකට ලක්වේ.විවිධ ක්ෂෙත්‍රයන් තුලින් ජාත්‍යන්තරය ජයගත් ලක් දියණියන් කිහිප දෙනෙකුගෙන් අද අපේ ලිපිය සම්පූර්ණ වේ.

01.සිරිමාවෝ රත්වත්තේ බණ්ඩාරනායක මැතිණිය

වර්තමානය වන විට ශ්‍රී ලාංකීය දේශපාලනය තුළ කාන්තාව යම්තාක් ලෙස ප්‍රබලව සිටින අතර මෙරට කාන්තා දේශපානයේ රන් නාමයක් මෙන්ම  ජාත්‍යන්තර කාන්තා දේශපාලනය තුලද වාර්තාගත නාමයක් සනිටුවහන් කළ සිරිමාවෝ රත්වත්තේ බණ්ඩාරනායක මැතිණිය පිළිබද කෙටි විස්තරයක් මේ.

මෙතුමිය වසර 1916 අප්‍රේල් මස 16 වැනි දින උඩරට රදළ පවුලකට දාව උපත ලබා ඇති අතර පියා බර්න්ස් රත්වත්තේ නම් වන අතර මව රොසලින් කුමාරිහාමි නම්විය.උපතින්ම දේශපාලන පරිසරයක හැදුනු වැඩුනු මෙතුමියගේ පියා එවකට රාජ්‍ය මන්ත්‍රණ සභාවේ හා සනට් සභාවේ සමාජිකයකු විය.පවුලේ බාල සහෝදරියකට හා සහෝදරයන් හතර දෙනෙකුගේ සෙනෙහසක් ඇයට විය.

තරුණ වියට එළඹෙත්ම වසර 1940දී S.W.R.D. බණ්ඩාරනායක මැතිතුමා සමග විවාහ වූ මැතිණිය එතැන් සිට සමාජ සුභසාධන කටයුතුවල නිරත්වූයේ ඇගේ ස්වාමියාගේ දේශපාලන පරිසරය නිසාවෙනි.වසර 1956දී  S.W.R.D. බණ්ඩාරනායක මැතිතුමා මෙරට අගමැති ධූරයට පත්වුවත් වසර 1959දී ක්‍රමන්ත්‍රණකාරී ලෙස ඝාතනය විය.ඉන්පසුව පක්ෂ ක්‍රියාකාරීන්ගේ දැඩි ඉල්ලීම මත ශ්‍රී ලංකා නිදහස් පක්ෂ නායිකාව ලෙසට වසර 1960 පැවති ජන්දයෙන් ජයගෙන ශ්‍රී ලංකාවේ ප්‍රථම අගමැතිනිය බවට පත්වූ අතර එය ලෝකයේ ප්‍රථම කාන්තා අගමැතිනිය ලෙසට වාර්තාගත විය.

සමාජීය ආර්ථික වශයෙන් රට නගා සිටුවීමට පියවර ගැනීම,ජාත්‍යන්තරය සමග අපක්ෂපාතීව කටයුතු කිරිම,බුද්ධාගම නගා සිටුවීමේ වැඩපිළිවෙල ක්‍රියාත්මක කිරිම,වෙළද ව්‍යාපාර රජයට පවරා ගැනිම,මෙරට රාජ්‍ය භාෂාව බවට සිංහල පත්කිරිම වැනි දේශපාලන වැඩපිළිවෙළ රාශියක් මෙතුමිය විසින් සිදු කරන ලදි.

අනුර කුමාර බණ්ඩාරනායක,චන්දිකා බණ්ඩාරනායක,සුනේත්‍රා බණ්ඩාරනායක ඇයගේ දරුවන් තිදෙනා වේ.අනුර කුමාර බණ්ඩාරනායක හා චන්ද්‍රිකා බණ්ඩාරනායක මෙයින් ක්‍රියාකාරි දේශපාලනයට යොමූ වූ අතර එයින් චන්ද්‍රිකා බණ්ඩාරනායක මෙරට දෙවරක් ජනාධිපතිනිය බවට පත්විය.ඇයගේ ආණ්ඩුවේ වරක් අගමැති ධූරයට පත්වුයේ සිරිමාවෝ බණ්ඩාරනායක මැතිණියයි.

ලාංකීය දේශපාලනයේ මෙන්ම ලෝක දේශපාලනයේ තම නාමය බැබළවූ මෙම ශක්තිමත් කාන්තාව සීරිමාවෝ බණ්ඩාරනායක මැතිණිය වසර 2000 ඔක්තොම්බර් 10 වන දින මෙලොවින් සමු ගන්නා ලදි.

02.සුසන්තිකා ජයසිංහ

ආසියාවේ කළු වෙළඹ ලෙසට විරුදාවලී ලත් සුසී, සුසන්තිකා ජයසිංහ යනු ශ්‍රී ලාංකීය අභිමානය ලෝකයට රැගෙන ගිය තවත් අප රටේ ප්‍රසිද්ධ කාන්තාවක්.

වසර 1948 ලන්ඩන් ඔලිම්පික් තරගාවලියේ ශ්‍රී ලංකාව නියෝජනය කල ඩන්කන් වයිට් මීටර් 400 පිරිමි ධාවන ඉසව්වෙන් රිදී පදක්ක්ම දිනාගත් අතර එය මෙරට අපි ලබාගත් පළමි ඔලිම්පික් පදක්කම් වේ.ඉන් හරියටම වසර 52කට පසුව වසර 2000දී සිඩ්නි ඔලිම්පික් තරගාවලියේදී මීටර් 200 කාන්තා ධාවන ඉවව්වෙන් රීදි පදක්කමක් දිනා ගැනිමට සුසන්තිකා ජයසිංහ සමත්විය.පසුකලෙක එම තරගයේ රන් පදක්කම දිනාගත් මේරියන් ජෝන්ස්ට තහනම් උත්තේජක භාවිතා කල බවට චෝදනා එල්ල වීමත් සමග සුසන්තිකාගේ ලෝකඩ පදක්කම රිදී පදක්කමක් බවට පත්විය.මෙම ඔලිම්පික් පදක්කම ලබාගෙන දැනටත් වසර 20ක් ගතවුනිද ඉන්පසුව කිසිදිනෙක නැවත ඔලිම්පික් පදක්කමක් ලබාගැනිමට අප අපොහොසත් විය.

මෙම දක්ෂ ක්‍රීඩිකාව කොළඹින් කිලෝමීටර් හැට ගණනක් උතුරින් පිහිටි 7අත්තාවල නම් කුඩා ගමේ දිළිදු පවුලක වසර 1975 දෙසැම්බර් 17වන දින උපත ලබා ඇත.විශාල දරිද්‍රතාවයකින් පෙළුන පවුලක අනේකවිධ දුෂ්කරතා මැද මැය අප්‍රතිහත උත්සාහයෙන් විශාල ගමනක් පැමිණියාය.

වසර 1997දී IAAF ජයග්‍රහණය සමග ඇයට කෙටිකාලයකට පුහුණුවීම් සදහා ඇමෙරිකා එක්සත් ජනපදයට යාමට හැකිවිය.ඇගේ ඔලිම්පික් පදක්ක්මට මෙම පුහුණුව මනාව ඉවහක්වූ බව ඇය පසුකලෙක පවසා තිබේ.වසර 1998දී ඇය තහනම් උත්තේජක භාවිතා කරන බවට පවසා තරග තහනමක් පනවන ලදි .ඇය පවසන්නේ එය දේශපාලන පළිගැනීමක් බවයි.එම චෝදනාවෙන්ද නිදහස් වූ ඇය වසර 2000දී මුළු රටටම අභිමානයක් එක් කරමින් ඔලිම්පික් පදක්කමක් දිනාගැනීමට සමත්විය. එම පදක්කමෙන් වසර 21ක් ගත්වී ඇතත් නැවත ඔලිම්පික් පදක්කමක් පෙනෙන මානයක අප අද නැත.

ඉන්පසුව වසර  2007දී ඔසාකා ලෝක මළල ක්‍රීඩා උළෙලේදී, වයස 31ක්වූ සුසන්තිකා ඇයට වඩා වයසින් බාල ඇමෙරිකානු ක්‍රීඩිකාවන් හතර දෙනෙකු සමග කරට කර තරග වදිමින් තත්පර 22.63කින් තරගය නිම කරමින් ලෝකඩ පදක්කමක් දිනා ගත්තාය.

වසර 2006දී ලුසපෝනියා තරගාවලියේදී ශක්තිමත් තරගකාරිය ලෙස මීටර් 200 කාන්තා ධාවන ඉසව්වෙන් පහසුවෙන්ම රන් පදක්කමක් දිනා ගත්තාය.එම වසරේම ආසියානු ක්‍රීඩා උළෙලේ ඇයට එම ඉසව්වෙන් ලෝකඩ පදක්කම දිනාගැනීමට හැකි විය.

රන් , රිදී , ලෝකඩ පදක්කම් රාශියකින් මව්බිම සැරසූ ඇය වසර ගණනාවක් මළල ක්‍රීඩා ක්ෂෙත්‍රයේ සිටිමින් මෙරටට විශාල අභිමානයක් අත් කරදෙන ලදි.

ඇය ක්‍රීඩාවෙන් විශ්‍රාම ගෙන මේ වනවිට වසර 10කටත් වැවිවන අතර ඇගේ ක්‍රීඩා ජිවිතය තුලත් පුද්ගලික ජිවිතය තුලත් නොයෙක් හැල හැප්පීම් රාශියක් විය.

මේ වනවිට මෙරට මළල ක්‍රීඩා සම්මේලනයේ තනතුරක් හොබවන ඇය දරුවන් දෙදෙනෙකුගේ මවකි.

අති දුෂ්කර ගමක සිට තම උත්සාහයෙන් ඔලිම්පික් දක්වා දුර ගමනක් ගිය සුසන්තිකා ජයසිංහ නම් මේ එඩිතර කාන්තා චරිතය සැබවින්ම රටේ තරුණ පරපුරට මහත් ආදර්ශයකි.

03.මාලිනි ෆොන්සේකා

සිංහල සිනමාවේ නිළි රැජිණ ලෙසින් හදුන්වන දශක ගණනාවක් පුරාවට එකලෙස ජනප්‍රිය මාලිනි ෆොන්සේකා නැමැති අග්‍රගණය නිළිය අන්තර්ජාතික සම්මානවලින් ඇගයීමට පත්වූ ලොව දිනු තවත් ලාංකීය අභිමානනීට කාන්තාවකි.

වසර 1947දි අප්‍රේල් 30 වන දින ජිල්බට් ෆොන්සේකා හා සීලවතී ෆොන්සේකා යන දෙමාපියන්ට දාව උපන් වන්නිආරච්චිගේ මාලනි සෙනෙහෙලතා ෆොන්සේකා වන ඇය දරුවන් එකොළොස් දෙනෙක්ගෙන් යුත් පවුලේ තුන්වැනි දරුවා විය.කොළඹ පෑලියගොඩ ප්‍රදේශයේ උපත ලබා මූලික අධ්‍යාපනය නුගේගොඩ ශාන්ත ජෝසප් විද්‍යාලයෙන් ආරම්භ කර පසුව පදිංචිය කැළණියට මාරුවීමත් සමග කැළණිය ගුරුකුල  විද්‍යාලයෙන් පාසැල් අධ්‍යාපනය අවසන් කරන ලදි.

ඇගේ සිනමා ගමන තිස්ස ලියනසූරිය අධක්‍ෂණය කළ  පුංචි බබා චිත්‍රපටියෙන් වසර 1968දි ආරම්භ කරන ලදි.වසර 1969දී  ඇය රගපෑ හිගන කොල්ලා චිත්‍රපටියට හොදම නිළියට හිමි සරසවි සම්මානය ප්‍රථම වරට හිමි කරගන්නා ලදි.වසර 1968 සිට මේ දක්වා දශක හයක කාලයක් චිත්‍රපටි 160කට අධික ගණනක් රංගනයෙන් දායක වී ඇති ඇය මෙරට සිනමාවේ කාන්තා රන් සලකුණ ලෙස නම් කල හැක.

ඉන්පසුව ආරාධනා යසඉසුරු ආදී චිත්‍රපවි සදහා කිහිප අවස්ථාවකදීම ඇය හොදම නිළිය සරසවි සම්මානයට පාත්‍ර විය.ඇයගේ සාර්ථකම චිත්‍රපවි ලෙස ආචාර්ය ලෙස්ටර් ජෙම්ස් පීරිස් අධක්‍ෂණය කල නිධානය, අමරනාත් ජයතිලකගේ සිරිපාල හා රන් මැණිකා, ධර්මසේන පතිරාජගේ එයා දැන් ලොකු ළමයෙක් හා බඹරු ඇවිත් හදුන්වන්න පුළුවන්.වානිජ සිනමාවේ අතිසාර්ථක නිළියක් වූ ඇය විජය කුමාරතුංග හා ගාමිණි ෆොන්සේකා සමග සිනමාවේ අපූරූ සුසන්යෝගයක් මැවීය.වානිජ සිනමාවේ මෙන්ම සම්භාව්‍ය සිනමාවේද ඇය එකලෙස තම අතිදක්ෂ රංගනයෙන් දායක විය.

පසුකාලීනව ඇය ටෙලි නාට්‍ය රංගනයට අවතීර්ණ වූ අතර පිටගම්කාරයෝ, කෙම්මුර ආදි ටෙලි නාට්‍යවල විශිෂ්ඨ රංගනය නිසාවෙන් හොදම නිළියට හිමි සුමති ටෙලි සම්මානයෙන් පිදුම් ලැබීය.

මෙරට ජාත්‍යන්තර සම්මානයකින් පිදුම් ලැබූ ප්‍රථම නිළිය වන්නේ මාලනි ෆොන්සේකා මහත්මියයි.ඒ වසර 1975දී මොස්කව් ජාත්‍යන්තර සම්මාන උළෙලේ ජුරියේ විශේෂ සම්මානයකින් පිදුම් ලැබීමයි.වසර 1977දී  6 වැනි දිල්ලි ජාත්‍යන්තර සිනමා උළෙලේදී කුසලතා සම්මානයකින් පිදුම් ලැබිය.වසර 1989දී,  සාර්ථකම කාන්තාව ලෙසට සොන්ටා ජාත්‍යන්තර සම්මානය දිනාගනු ලැබීය.39වෙනි ඉන්දියා ජාත්‍යන්තර සිනමා උළෙලේදී රීදී මයුර සම්මානයද ඇයට හිමි විය.

වසර 201දී ඇය ආසියාවේ බිහිවූ දැවැන්ත රංගන ශිලිපීන් 25 දෙනාගෙන් අයෙක් බවට ඇමෙරිකාවේ CNN රෑපවාහිනිය නම් කරන ලදි.

දෙස් විදෙස් සම්මාන රාශියකින් පිදුම් ලැබූ ඇය තම රංගන ප්‍රභාවෙන් තම රට අන්තර්ජාතික මට්ටමට ගෙනගිය අභිමානනිය කාන්තාවකි.

04.ආශා ඩී වොස්

තම මව්බිමේ නාමය අභිමානනීය ලෙස ලෝකයට ගෙනගිය තවත් කාන්තා චරිතයක් ලෙස ආශා ඩී.වොස් මහත්මිය හැදින්විය හැක.ඇය වසර 2020දී සාගර වීරවරිය ලෙස ස්කූබා ඩයිවීන් නැමැති සගරාව විසින් නම් කෙරුණි.ඒ වෙනුවෙන් ඇයට හිමිවූ ඩොලර් 5000ක ත්‍යාගය, සාගර ජීව  විද්‍යාව හදාරන  ලාංකීය සිසුන් කිහිප දෙනෙකුට පර්යේෂණ සිදු කීරිමට යෙදවීමට තීරණය කර තිබේ.

ආචාර්‍ය ආශා ඩී වොස් මහත්මිය ඔක්ස්ෆර්ඩ් විශ්වවිද්‍යාලයේ වසර 40ක ඉතිහාසය තුල දීප්තිමත් ශිෂ්‍යාවන් 20අතරට පැමිණිමේ දුර්ලභ වාසනාවන්ත අවස්ථාවද ලබාගත් විශිෂ්ඨ කාන්තාවක්.ඒ අනුව ඇය ඔක්ස්ෆර්ඩ් විශ්වවිද්‍යාලයේ ජයාරෑපයක පෙනිසිටි පළමු ශ්‍රී ලාංකීය කාන්තාවද වේ.

වරක් බීබීසී පුවත් සේවය විසින් නම් කරන ලද ලොව වඩාත්ම බලපෑම් කල හැකි කාන්තාවන් 100 අතරටද ඇයගේ නම නම් කර තිබුනි.සාගර ක්ෂීරපායින් පිලිබද ආචාර්ය උපාධියක් ලබාගත් ප්‍රථම ශ්‍රී ලාංකිකයා වන්නේද ඇයයි.

මෙරට අතිදක්ෂ ගෘහ නිර්මාණ ශිල්පියෙක් වන ඈෂ්ලි ඩී වොස්ගේ දියණිය වන ඇය කොළඹ කාන්තා විද්‍යාලයේ ආදි ශිෂ්‍යාවක් වේ. සංවර්ධනය වෙමින් පවතින රටවල සෑම වෙරළ තීරයක ම නිල් තල්මසුන් පෝෂණය කිරීම මගින් සමුද්‍රීය සංරක්ෂණයට සාධාරණයක් කිරීම ඇගේ අනාගත අරමුණ බවට ඇය සහභාගි ව්ය්ය් සම්මුඛ සාකච්ජාවකදි පැවසුවාය.එලෙසම ජනතාව තුල ඒ පිළිබද උනන්දුවක් ඇති කිරිමටත් ඇය බලාපොරොත්තු වන්නීය.

ආශා ඩි වොස් මහත්මිය ශ්‍රී ලංකාවේ පළමු සමුද්‍ර සංරක්ෂණ පර්යේෂණ හා අධ්‍යාපන ලාභ නොලබන සංවිධානයේ නිර්මාතෘවරියයි.ශ්‍රී ලංකාව වටා මෙන්ම ලොව වටා සිටින නිල් තල්මසුන් ආරක්ෂා කිරිම සදහා ක්‍රියාකාරි දායකත්වයක් ලබාදෙන ඇය මෙරටට අන්තර්ජාතික වශයෙන් විශාල ගෞරවයක් ගෙන ආ කාන්තාවකි.

05.ඔටාරා ගුණවර්ධන

මෙරට ව්‍යාපාර  ක්ෂෙත්‍රයට කාන්තාවටත් සහභාගි ව්ය හැකි බවටත් බොහෝ ව්‍යාපාරික කාන්තාවන්ට ආදර්ශයක් වෙමිනුත් දෙස් විදෙස් ප්‍රචලිත ODEL හා EMBARK යන වෙළදනාම දෙකෙහි නිර්මාතෘවරිය වන ඇය නමින් ඔටාරා ගුණවර්ධනයි.

ඔටාරා ඩෙල් ගුණවර්ධන නම් වන ඇය වසර 1964 අගෝස්තු 30වන දින උපත ලැබුවාය.ඇගේ පියා නොර්මන් ගුණවර්ධන , එයිට්කෙන්ස් ස්පෙන්ස් ආයතනයේ හිටපු සභාපති කෙනෙකු වන අතර ඇගේ මව ඩෙලිෂියා ගුණවර්ධන, විශේෂ  අවශ්‍යතා ඇති දරුවන්ට චිත්‍රා පටුමගේ පාසලක් ආරම්භ කිරිමට මුල්ව ක්‍රියා කර තිබේ.සහෝදරයක් දෙදෙනෙකු සිටි කුඩා ඔටාරා පාසැල් අධ්‍යාපනය කොළඹ කාන්තා විද්‍යාලයේ සිදු කරන ලදි. කුඩා කල සිටම ඇය සතුන්ට ආදරය කරුණාව දක්වා ඇති අතර නිවසේද ඉඩක් සතුන් වෙනුවෙන් වෙන් කර තබා ගෙන තිබේ.

උසස් අධ්‍යාපනය ජීව  විද්‍යා අංශයෙන් ඇමෙරිකානු බෝවුලින් ග්‍රීන් ස්ටේට් විශ්ව විද්‍යාලයේදී සම්පූර්ණ කරන ඇය ඉන් අනතුරුව නැවත මෙරටට පැමිණ නිරූපන ක්ෂෙත්‍රයට පිවිසියාය.එහිදි ඇයට ඇගළුම් ක්ෂෙත්‍රයට පැමිණිමේ ආශාව ඇතිවිය.

ඉන්පසුව ඇය ඇගළුම් ආනයනය කරන ආයතනයකින් ඇගළුම් විකිණිමේ අවස්ථාවක් උදාකර ගන්නා අතර ඇය ප්‍රථමයෙන් තම මෝටර රථයෙන් එම ඇගළුම් හිත මිතුරන්ටත් පසුව වෙළද සාප්පුවලටත් විකිණීම ආරම්භ කරන ලදි.දිනෙන් දින ඉහළ යන ආනයනික ඇගළුම්වලට පවතින ඉල්ලුම නිසා ඇය වසර 1989දී, තම මවගේ හා සහෝදරයකුගේ සහය ඇතිව කොළඹ ඩික්මන් මාවතේ වර්ග අඩි 300ක ඉඩක තමන්ගේම වෙළද ව්‍යාපාරයක් ආරම්භ කරන ලදි.එයට තම නමේ මුල් අකුරෙන් හා දෙවෙනි නම එකතුකර ඔඩෙල් යනුවෙන් නම් තබන ලදි.

ඉතා කුඩා ලෙස ආරම්භ කලත් ඇගේ සිහිනයක් වී තිබුනි විදෙස් රටවල සම්පුර්ණ ආයතනයක් බිහි කිරිමයි.ඇගේ උත්සාහය නිසාම ඇය එම සිහිනය සම්පූර්ණ කරගන්නා අතර අද වනවිට ඔඩෙල් යන නාමය මෙරට පමණක් නොව විදෙස් රටවලද ජනප්‍රිය සන්නම් නාමයක් බවට පත්ව තිබෙනවා.ලෝකයත් සමග ඉදිරියට ගිය ඔටාරා තම ව්‍යාපාර  නිරන්තරයෙන් යාවත්කාලීන කරන ලදි.මුල් කාලයේ තම ව්‍යාපාරයේ සැරසීම්වල චිත්‍ර ඇයම සිදු කල අතර විවිධ කාලවලට ගැළපෙන ලෙස සැරසීම්ද ඇයද කරන ලදි.මෙම ක්‍රමයන් අද බොහෝ ව්‍යාපාර අනුගමනය කරන ලද පුරෝගාමි චරිතය වූයේ ඔටාරා ගුණවර්ධනයි.ඉන්පසුව ඇය මෝස්තර නිර්මාණයට පිවිසි අතර,ලංකාවේ ප්‍රසිද්ධ නිර්මාණවේදීන් වන නයනතාරා ෆොන්සේකා, මංගල ඉනොසන්ස්, ලෝ චින්ග් වොන්, කිර්ති ශ්‍රී කරුණාරත්න හා යොහාන් අලුවිහාරේ යන අය සමග වැඩ කරමින් එම කටයුත්තද ඇය මනා ලෙස ජය ගන්නා ලදි.

කුඩා කල සිටම සතුන්ය දක්වන ආදරය කරුණාව නිසාවෙන් වසට 2007දී ඇගේ එක් සිහිනයක් සැබෑ කරගනිමින් EMBARK යන සන්නම් නාමය හදුන්වා දීම ඇය සිදුකරනු ලැබේ.එහිදී වීදි සුනඛයින් එන්නත් කිරීම, තුවාල සුවපත් කිරීම, සුදුසු නිවසක් ලබා දීම, වන්ධ්‍යකරණය වැනි සමාජ සත්කාරයන්ට සිදුකිරිම මෙහි අරමුණ වී තිබේ.අද වනවිට බොහෝ පිරිසක් ඇයගේ මෙම සමාජ සත්කාරයට සහයෝගය දක්වයි.

වසර 25ක ව්‍යාපාරික කාලයට සමුදෙමින් ඇය තම ODEL ව්‍යාපාරය වසර 2014දී විකිණිමට තීරණය කරන ලදි.ඇය ඒ පිළිබද අදහස් දක්වා ඇත්තේ ඇයට පුර්ණකාලීනව සතුන් හා මිනිසුන් වෙනුවෙන් සමාජ සත්කාරයන්හි නිරත්වීමට අවශ්‍ය වූ බවයි EMBARK ආයතනය සමග අදවන විට ඇය විශාල සමාජ සත්කාරයක් කරමින් පවතියි.

එම වසර 25ක කාලයට ඇයට දෙස් විදෙස් සම්මාන කිහිපයක් ලැබි ඇති අතර හොදම  ව්‍යවසායිකාවක් ලෙසට ඇගයීමට පාත්‍ර වී ඇත.එවරෝන් සගරාව කරනලද පරික්ෂණයකට අනුව 2013 වසරේ මෙරට බලවත්ම කාන්තාව ලෙස නම් කෙරුනේ ඔටාරා ගුණවර්ධනයි.එමෙන්ම එම වසරේ මෙරට ධනවත්ම අයගේ නම් ලැයිස්තුවට ඇගේ නමද ඇතුලත් විය.

ශ්‍රී ලාංකීය කාන්තාව ජාත්‍යන්තර මට්ටමෙන් ඔසවා තැබු මෙම අපූරු ශක්තිමත් කාන්තාව තවත් පරම්පරා ගණනාවකට ආදර්ශයක් වනු නොඅනුමානයි.

06. සුමිත්‍රා පිරිස්

සුමිත්‍රා පිරිස් යනු මෙරට බිහිවූ විශිෂ්ඨ සිනමා අධ්‍යක්ෂිකාවක් වන අතර ප්‍රථම් වරට අන්තර්ජාතික වශයෙන් සම්මානයෙන් පුද ලද කාන්තා සිනමා අධ්‍යක්ෂිකාව වේ.ඇගේ ගග අද්දර චිත්‍රපටිය වඩාත්ම ජන්ප්‍රිය හා ඇගයීමට ලක්වූ සිනමා කෘතියයි.

වසර 1935 මාර්තු 24වන දින සුමිත්‍රා ගුණවර්ධන නමින් උපත ලැබු ඇයගේ පවුල් පසුබිම දේශපොලනයට බොහෝ සෙයින් නැඹුරු විය.කොළඹ විශාඛා විද්‍යාලයෙන් අධ්‍යාපනය ලත් ඇය පසුව තම සහෝදරයකු සමග  ප්‍රංශයේ ජිවත් විය.

ගම්පෙරළිය,දෙලොවක් අතර,බක්මහ දීගේ,අහසින් පොළොවට ආදි විශිෂ්ඨ සිනමා කෘතීන් සංස්කරණයෙන් දායක වූ ඇය, ගැහැණු ළමයි,ගග අද්දර,යහළු යෙහෙළි,මායා, සාගර ජලය මදි හැඩුවා ඔබ හින්දා, ලොකු දුව , දුවට මවක මිස,සක්මන් මළුව , යහළුවෝ ආදී මෙරට අතිවිශිෂ්ඨ චිත්‍රපටි ගණනාවක්  අධක්‍ෂණය කරන ලදි.

ඇගේ මෙම සුවිශේෂි සිනමා  අධක්‍ෂණය නිසාවෙන් වසර 1978 සිට අන්තර්ජාතික් සම්මාන රාශියකින් පිදුම් ලැබීය.

ජනාධිපති සම්මාන , සරසවි සම්මාන ,සිග්නිස් සම්මාන ආදි මෙරටද සම්මාන රාශියකින් ඇගයීමට ලක් වූ ඇය වසර 1946දී ආචාර්ය ලෙස්ටර් ජේමිස් පීරිස් මහතා සමග විවාහ විය. අද වනවිට මෙරට චිත්‍රපටි අධක්‍ෂණයට කාන්තාවන් නැඹුරු වී ඇති අතර ඒ සදහා මුලිකත්වය ආදර්ශය ලැබුනේ සුමිත්‍රා පිරිස් නම්වූ මෙම අග්‍රගණය කලාකාරිනිය විසින්ය.

The post ලොව ජයගත් දිරිය ලක් කතුන් first appeared on Throw Back Ceylon.

The post ලොව ජයගත් දිරිය ලක් කතුන් appeared first on Throw Back Ceylon.

බයිලා වලින් රට හොල්ලපු කලාකරුවන් මෙරට සිටියා මෙන්ම ඔවුන්ගේ බයිලා ගීත අසා එදා නැටවුනු ප්‍රේක්ෂක ජනකායක්ද මෙහි විසූහ.අද කියා එහි වෙනසක් නොමැත.ඕනෑම ප්‍රසංගයක කොතරම් ගීත ගැයුනද බයිලා ගීතයක් නොමැති වූයේ නම්, පරිප්පු නැති හෝටලය මෙන් එහි මහත් අඩුවක් විය.බයිලා ගීත යනු අපේ සංගීත කලාවට බයිලාවක් නොව එය ප්‍රභාවත් කරවූ ආභරණයකි.අවාසනාවට අද අලුතින් බයිලා ගීත නිර්මාණය වන්නේ නැති තරම්ය.අද බයිලා ගීත කියා ගැයෙන්නේ බයිලා යන වචනය අන්තර්ගතය වු ගීතයි.මේ අපූරූ ගීත කලාව පෝෂණය කල එම්.එස් ප්‍රනාන්දු වැනි ශීල්පීන්ගේ ගීත අදද තලු මර මර නැවත නැවත අප රස විදින අතර එම ශිල්පීන් අද අප අතර නොමැති වුවත් සදාකල් එම ගීත නිසා ඔවුන් අප හදවත් තුළ ජීවමාන වෙසෙයි.යොවුන් තරුණයින් මෙරට ඉතිහාසයේ ජනප්‍රිය වූ බයිලා ගීත නිසාවෙන් සුපිරි තරු වන කාලයක මෙරට බයිලා ගීත පිළිබද අතීතය සොයා බලන්නට අපට සිත්විය.මෙවර අපේ කතාව ශ්‍රී ලංකාවේ බයිලා ගීත සම්බන්ධවයි.

සුදු ජාතික  ඉංග්‍රීසින්ගෙන් අප නිදහස් වී වසර හැත්තෑ තුනක් සපිරුනද ,පළමුව වසර 1505දී පෘතුගීසින් මෙරට ආක්‍රමණය සිදූ වීමත් සමග දීර්ඝ යටත්විජිත පාලන සමයක ගතකල අපට මේ විවිධ සංස්කෘතියන්ගේ අභාෂය විවිධ ක්ෂෙත්‍රයන්ට ලැබුණි.අද අපගේ කතා ප්‍රස්තෘය වන මෙරට බයිලා ගීත කලාවද අපට පෘතුගීසි ජනතාවගෙන් ලද අභාෂයකින් ආරම්භ වූවකි.ආගම සහ නීතිය හැරුනුකොට පෘතුගීසින්ගෙන් අපට ලැබුනු ඊලග වැදගත් දෙය බයිලා ගීත කලාව යැයි කීමේ වරදක් නැත. ශ්‍රී  ලංකාවට අමතරව මෙම බයිලා ගීත සම්ප්‍රදාය ඉන්දියාවේ ගෝව,බැංගලෝරය වැනි ප්‍රදේශ වලද යටත් විජිත සමයේ ප්‍රචලිත විය.

බයිලා යන වචනය නිර්මාණය වී ඇත්තේ පෘතුගීසි භාෂාවේ “බයිලර්” යන වචනයෙනි.එහි අර්ථය නර්තනය යන්නයි.බයිලර් ඔවුන්ට නර්තන සම්ප්‍රදායක් වුවද එය අපට බයිලා වී නතර වන්නේ සංගීත කලාවක් ලෙසටය. .මෙම බයිලර් සම්ප්‍රදාය  ස්පාඤ්ඤයෙන් ආරම්භ වී පසුව ලතින් ඇමෙරිකානු රටක් වූ පෘතුගීසියේ සියවස් ගණනාවක් තිස්සේ පෝෂණය වී ඇති බව කියැවේ.

දහසය වන සියවසේ සිට බයිලා ගීත කලාව ලංකාවේ මුහුදුබඩ ප්‍රදේශවල වඩාත් ප්‍රචලිතව ව්‍යාප්තව ඇත.එදා පෘතුගිසී හමුදාවේ වහල් සේවයට පැමිණි කාපිරි ජනතාව විසින් ඔවුන්ගේ විවේක කාලයේදී කපිරිඤ්ඤා ගීත ගයමින් නර්තනයේ යෙදී තිබේ.ඔවුන් නිසාවෙන් මෙම වේග රිද්ම බයිලා සින්දු මෙරට වඩාත් ප්‍රචලිත වන්නට ඇතැයි සිතිය හැක. පුත්තලම ප්‍රදේශයේ ජීවත්වන කාපිරි ජනතාව තම මංගල උත්සවවලදී වයින් සහ කේක් රසවිදිමින් බයිලා ගීත ගායනා කරමින් නර්තනයේ යෙදී තිබේ.

තවද ක්‍රමයෙන් මුහුදුබඩ ප්‍රදේශවල අපේ ජනතාවද තම මගුල් උත්සව ආදී විවිධ ප්‍රීති උත්සව සදහා මෙම ගීත ගායනා කරන්නට පසුව පුරුදු වූහ.පුත්තල,මඩකලපුව ආදී ප්‍රදේශවල මුල් කාලයේ පැතුරුනු බයිලා ගීත පසුව මොරටුව බයිලා පුරවරයක් වන තෙක් ක්‍රම ක්‍රමයෙන් විකාශනය විය. බයිලා ගීත කලාවේ ස්වර්ණමය යුගය මෙරට ඇරඹෙන්නේ 20වන සියවස පසුවය.ක්‍රම ක්‍රමයෙන් ජනප්‍රිය වූ බයිලා ගී නාදයන් සදහා  සිංහල වචන යොදා බයිලා ගීත ගයන්නට වූයේ වසර1947න් පසුවය.එම කපිරිඤ්ඤා ගීත කලාව මෙරට 6/8  රිද්මයට හැඩවන්න ගත්තේද මෙකලය.

මෙකී බයිලා කලාවේ මෙරට ස්වර්ණමය යුගය ආරම්භ කරන ලද්දේ, එයට පුරෝගාමි වූයේ ,අදටද ජනප්‍රිය බයිලා ලොවේ කිරුළු පලන් වොලී බැස්ටියන් කලාකරුවා විසිනි.ශ්‍රී ලංකාවේ බයිලා ඉතිහාස කතාව ලියැවෙන්නේ නම් එහි වොලී බැස්ටියන් යන නාමය සදහා සුවිශේෂි තැනක් ලැබිය යුතු වේ. වෘත්තියෙන් පොලිස් නිළධාරියෙක් වුනු වොලී බැස්ටියන් තමයි 6/8 කපිරිඤ්ඤා තාලයට මුලින්ම සිංහල බයිලා සිංදු කියන්න පටන් ගන්නෙ. ඒ ආභාෂය ගත්තු එම්. එස් ප්‍රනාන්දු 1970 දශකයෙදි කපිරිඤ්ඤා වගේම කැලිප්සෝ තාලවලටත් සිංහල බයිලා සිංදු කියන්න පටන් ගන්නව.

“පරසිඳු කොළොම්පුරේ මෝදර ගං ඉවුරු කොණේ

වියෝලෙ නාදෙ ඇසෙන්නේ..

හරියට වැටුණු වෙලේ පෙන්නා ළඳුන් බයිල සැරේ

බයිලා රජා ගැනයි කියන්නේ..

ලංකාවට බයිලා ගෙනා වොලී බැස්ටියන්

බයිලා වලින් රට හොල්ලපු බයිලා චැම්පියන්..”

ඉහත වචන ටික ඔබ මේ වන විටත් කියවන්නට ඇත්තේ ගීතයේ තාලයට බව නොරහසකි.ඒ තරමට මෙම බයිලා ගීතය හා වොලී බැස්ටියන් අප අතර සදාකල් ජීවත් වන්නේය.ගීතයෙන් පැවසෙන්නාක් මෙන් ලංකාවට බයිලා ගෙනා වොලී බැස්ටියන් යනු බයිලා ලොව කිරුළු පළන් එක් රජෙකි.ඔහුගේ නාමය ජනප්‍රියත්වයෙන් දෙවැනි වන්නේ එම්.එස්ට පමණි.

අද පවතින කෝරස් බයිලා විලාසිතාව හදුන්වාදීමේ පුරෝගාමීයාද ඔහුය.කෝරස් බයිලා යනු ගීතය පුරාවටම එකම ගීත ඛණ්ඩයක් වරින් වර ගැයෙන ලෙසට ගීත සැකසීමේ ක්‍රමයයි.ගීතයේ මුල මැද අග මෙම කොටස ගායනා වේ.තවද එදිනෙදා ජිවීතයේ සිදුවීම් , කාලීන ආන්දොලනාත්මක පුවත් ඇසුරෙන් බයිලා ගීත නිර්මාණය කරන්නටද වොලී බැස්ටියන් පුරෝගාමී විය.මෙම අසහාය කලාකරුවා විසින් සමහර බයිලා ගීත රචනයේදී  ඉංග්‍රීසි වචනද අතරමැද යොදා රසබර කරමින් අපූරුවට නිර්මාණ කර තිබෙන අතර අවිවාදයෙන්ම වොලි බැස්ටියන් යනු මෙරට බයිලා කලාවේ සදාතනික රජුය.

“නෝනා මගෙ නර්ස් නෝනා

සිහිවෙනවා නිතර දෙවේලේ

නෝනා මගෙ නර්ස් නෝනා

ඔබ රජ කුමරිය ඉස්පිරිතාලේ..”

ඉහත ගීතය වොලී විසින් තම හෙද නිළධාරීනියක වූ තම සොහොයුරිය ෆෙලීෂියා ෆ්ලෝරන්ස් ජයසේකර වෙනුවෙන් රචනා කර තිබේ.

“හායි හූයි බබි ආච්චිගේ බයිසිකල් එක

කොල්ලෝ රැළක් වටකරගෙන ගැහුවා බෙල් එක

කොල්ලෝ කෙල්ලෝ වටකරගෙන

බබි ආච්චිව මැදි කරගෙන

කොල්ලෝ කෙල්ලෝ උඩ පැන පැන ගැහුවා බෙල් එක..”

දිනපතා මොරටුව වේල්ස් කුමර විදුහල ඉදිරිපිට සිදුවන සිදුවීමක් ඇසුරෙන් මෙම ගීතය වොලී රචනා කර ඇති බවට සදහන් වේ.

සැඩ සුලං හමන්නේ, රටක් වටිනවා, අයරින් ජොසපින්, ලේ කිරි කරලා, මුහුදේ යමු, වද කහ සුදිය, යමං බණ්ඩො වැනි වොලි බැස්ටියන්ගේ බයිලා ගීතවල රිද්මය සදාකල් අප අතර ජනප්‍රිය පවතී.

ලාංකීය බයිලා කලාව ප්‍රධාන වශයෙන් කොටස් හතරකින් යුක්තය.පෙර සදහන් කල කෝරස් බයිලා, වාද බයිලා,පපරේ බයිලා හා කැලිප්සෝ බයිලා මෙම වර්ග හතරයි.මෙයිනුත් අදටත් යම් පමණකට සුරක්ෂිතව තිබෙන වාද බයිලා ඉතා විනෝදකාමී එකකි. බයිලා ගීත සදහා සැම විටම යොදා ගැනුනේ සරල පද වැල්ය.වාද බයිලා යනු මෙරට මුහුදුබඩ ප්‍රදේශ ආශ්‍රිතව ඇති වූ ජන කලා සම්ප්‍රදායක් ලෙස හැදින්වූවාට වරදක් නොමැත.මොරටුව, ගල්කිස්ස හා කොළඹ මුහුදුකරය ආශ්‍රිතව තවමත් මෙම සම්ප්‍රදාය යම් පමණකින් ඇත.රෑ පහන් වනතුරු ගැයෙන වාද බයිලා ප්‍රසංග තරග ලෙසින් පැවැත්වෙ.එයටම ආවේණික රිතිද ඒවායේ ඇත.පෙර සුදානමක් ඇතුව කට පාඩමින් වාද බයිලා කීමට නොහැක.එම අවස්ථාවේ මතුවන කරුණු අනුව එසැණින් වාද බයිලා කිව යුතු අතර තාලයන් 36ක් පමණ මේ සදහා යොදා ගැනේ.

අතීතයේ වයලීන්, වියෝලා, ගිටාර්, ටැබොරින්, රබන්, හාර්මෝනියම් වැනි සංගීත භාණ්ඩවලින් හැඩ වූ බයිලා  ට්‍රම්පට් සහ හමුදා ඩ්‍රම් වර්ග වලින් පසුව හැඩ විය.

හැත්තෑව දශකයේදී මෙරට අනිකුත් කලාවන් මෙන්ම බයිලා කලාවටද විශේෂ අවධානයක් හා පුනරුදයක් ඇති විය.එහිදී මිනිසුන් අතර බයිලා ජනප්‍රිය කරවූ බයිලා චක්‍රවර්තී එම්.එස්.ප්‍රනාන්දු මහතා මෙහිදී කිසිවිටෙක අමතක කළ නොහැක. එම්. එස්. ප්‍රනාන්දු ආරම්භ කල, ‘බයිලා සංගීතය’, කැලිප්සෝ සංගීතයෙයි, බටහිර, පෙරදිග සංගීතවලයි අපූරු මිශ්‍රණයක්.ලාංකීය අභාෂය හොඳටම තියෙන මේ බයිලා සිංදු අදටත් අපි උපරිමයෙන්ම රස විඳිනව වගේම හිතේ හැටියට ඇඟ පත හොලවල නටන්නත්  පුළුවන්. එම්.එස් මහතා විසින් ගායනා කරන ලද එතුමාගේම පලමු ගීතය වන්නේ ” සිලි සිලියේ නව සුවදක් ” ගීතයයි. බයිලා ගායන තරගවලින් සම්මාන 150කට වඩා මෙතුමා දිනාගෙන තිබෙනවා.

ලංකාවේ බයිලා ගැන කතා කරන්නේ නම් එම්.එස් නැතුව එය කිසිවිටෙකත් සම්පූර්ණ වන්නේ නැත. ඔහු බයිලා කලාව දේශීය රටාවට හැඩ ගස්වමින් ජනගත කරන ලදි.

ඔබ දකික දකින දිනක, කැකිරි පැලෙන ටිකිරි හිනාවයි, පෙම් ලොව නින්දෙදි, සමරු පොතේ පිටු ගැලවී, මේ ඉරිදා ගිය ඉරිදා වාගේ, කොඩිගහ යට ආදි මෙම විශිෂ්ඨ කලාකරුවාගේ අතිශය ජනප්‍රිය බයිලා ගීත සදා නොමියෙන ලෙස අප හදවත් තුල ඇත.මෙම බයිලා ගී නොමැති රියැලිටි තරගයක් හෝ දැන් නොමැත.එලෙසට එම්.එස් විසින් ඔහුගේ උරුමය තවත් පරම්පරා ගණනාවක් හදන්නට යොමු කරවා ඇත.

එම්.එස් පමණක් නොව මෙරට බයිලා කලාව රසගුලාවක් බවට පත්කල ගායකයින් බොහොමයක් අපට හමුවේ.ඇන්ටන් ජෝන්ස්,පෝල් ප්‍රනාන්දු,ඩෙස්මන් ද සිල්වා,නිහාල් නෙල්සන්,සමන් ද සිල්වා,ධනපාල උඩවත්ත යන නම් ඇසූ පමණින් එකිනෙකට නොදෙවැනි ජනප්‍රිය බයිලා ගීත රැසක් මතකයට පැමිණේ.

ඇත්ත සිද්ධියක් ගීතයක් බවට පත්කරනවා කියන්නේ පහසු දෙයක් නෙමෙයි.එම සිදුවීම ගැළපෙන ලෙස පද ලියලා තනුවක් යොදා මිනිසුන්ට දැනෙන ලෙස ගායනා කිරිම සුළුපටු අභියෝගයක් නෙමෙයි.මෙම අභියෝගය සාර්ථකව ජයගත් බයිලා ගායකයෙක් තමයි ඇන්ටන් ජෝන්ස් කියන්නේ.වර්තමාන පරම්පරාවේ සමහරු මෙරට අතීත සිද්ධීන් ගැන දැන ගනු ලබන්නේද ඇන්ටන් මහතාගේ බයිලා ගීත තුලිනි.එසේ බලනවිට,  ‘ආසයි බයයි’,’ප්‍රේමවතී මනම්පේරි’, ‘පොළොන්නරුවෙ පොඩි විජේ’ වැනි ගීත මතකයට පැමිණේ.කන්තෝරුව කන්තෝරුව මන් වැඩ කරන ගීතය එතුමාගේ මුල්ම ගීතයයි.කැසට් පටි 40කට අධික ප්‍රමාණයක් ඇන්ටන් ජෝන්ස් මහතා විසින් නිර්මාණය කර තිබේ.

බයිලා කුමාරටා යැයි විරුදාවලි ලත් පෝල් ප්‍රනාන්දු මහතා නම ඇසෙන විට මතකයට පැමිණෙන්නේ “ගොළු හදවත විවර කරන්න ” ගීතයයි. ” මාලා මන් ඔබ ගැනම සිතාලා ” මේ සිංදුව තමයි පෝල් ප්‍රනාන්දු මහතාගේ මුල්ම නිර්මාණය.එය අදටත් එකලෙස ජනප්‍රියයි.එතුමා බයිලා ගීත 150ක් පමණ සිංහල ගීත ගොන්නට එක් කළ විශිෂ්ඨ කලාකරුවෙක්.

ඩෙස්මන් ද සිල්වා කියන්නේ මෙරට විශිෂ්ඨ බයිලා ගායකයෙක් වගේම අපේ බයිලා ගීත ලෝකයට අරන් ගිය අයෙක් ලෙස හදුන්වන්න පුළුවන්.එතුමා 1976දී එතුමාගේම  ‘ඩෙස්මන් ඇන්ඩ් ද ක්ලෑන්ස්’ නමින් සංගීත කණ්ඩායමක් ආරම්භ කරනවා විතරක් නෙමෙයි 1979 අවුරුද්දෙ ග්‍රීසියෙ ඇතෑන්ස් නුවර පැවැත්වුනු ‘ඔලිම්පියාඩ් ඔෆ් සෝන්ග්ස්’ උත්සවයට මෙරට නියෝජනය කර තිබෙනවා.ඩෙස්මන් මහතාගේ  ‘පොල් කටු හැන්දෙ මිට වගේ’, ‘චූඩා මාණිකේ බලාලා’ වැනි ගීත අදටත් ප්‍රසංග වේදිකාවේ නැතුවම බැරි ගීතයි.

තමන්ගේ පළමු නිර්මාණයෙන්ම අතිශය ජනප්‍රියතාවයක් ගායකයෙකුට ලැබෙන්නේ නම් එය කලාතුරකින් සිදුවන සිදුවීමක් මෙන්ම වාසනාවන්ත සිදුවිමක්.එලෙස ජනප්‍රිය වූ වාසනාවන්ත ගායකයා නිහාල් නෙල්සන් මහතායි.ශ්‍රී ලංකා ගුවන් විදුලි  සංස්ථාවේ 1963 මාර්තු 31 විකාශනය වූ ” ලස්සනට පිපුණු වන මල්” ගීතය එම වාසනාවන්ත ගීතයයි.අදටද නව පරම්පරාව පවා ගායනා කරන මෙම ගීතය සදාතනික ජනප්‍රිය ගීතයකි.මෙය ලියු කරුණාරත්න අබේසේකර මහතාටද විශේෂ වන්නේ මෙය ඔහුගේද ප්‍රථම ගී පද රචනයයි.

‘කිරි දුන්නේ දරුවන්ටයි’, ‘ගුණෙ අයියගෙ කාමරේ’, ‘කාවඩි බයිලා’, ‘ගෑස් ලිපේ යකඩ තැටිය’ වැනි ජනප්‍රිය බයිලා ගීත රාශියක හිමිකරු වන නිහාල් නෙල්සන් මහතා මොරටු පුරවරයෙන් බිහිවූ සුපිරි ගනයේ බයිලා ගායකයෙකි.

ඉතිහාස සිදුවීම් ඉතා රසවත්ව ගායනා කල බයිලා ගායක ධනපාල උඩවත්ත මහතා මෙරට බයිලා කලාව ගැන කතා කිරීමේදී කෙලෙසක නම් අමතක කරන්නද? වර්තමාන ප්‍රසංග වේදිකාවේ බයිලා රජු ලෙසද මෙතුමා හදුන්වන්න පුළුවන්.’ඈ නීල වරල පීරලා’, ‘නෙළුම් විලේ නෙළුම් නෙලන’, ‘සිතුණාද සිතුවාද වීරයා හසලක’, ‘ගින්දර පිටවෙන්නට’ ‘මා ආදරණීය මගේ අම්මා වෙතටයි’ මෙතුමාගේ ජනප්‍රිය බයිලා ගීත වේ.ධනපාල උඩවත්ත මහතාගේ බයිලා ගීත මෙරට අවසාන වශයෙන් නිර්මාණය වු බයිලා ගීත ලෙසද සලකන්නට හැකිය.වර්තමාන ගායකයින් අලුතින් බයිලා ගීත නිර්මාණය නොකර පරණ ගායකයන්ගේ ගීතම් නැවත නැවත ගායනා කිරිම ඊට හේතුවයි.

මුල් යුගයේදී දේශීය සංස්කෘතිය විනාශ කරනවා යැයි බයිලා ගායකයින්ට විශාල අපවාද චෝදනා ඇසීමට සිදුවිය.එම ගීත පහත් කර සලකන්නට විය.නමුත් විවිධ රස ප්‍රිය කල ප්‍රේක්ෂකයන් විසින් ආදරයෙන් මෙම අපූරු වේග රිද්ම ගීත කලාව වැළදගත්හ. සම්භාව්‍ය ගීත පමණක් රස විදින අය පවා අනිවාර්යයෙන් ප්‍රිය සාදයකදී හෝ බයිලා ගීතයක් අසා සිත් පුරා සිතින් හෝ නැටවුනේ නැතිනම් එය බොරුවකි.

අද වන විට බයිලා ගීත කලාව මෙරට උරුමයක් වන තරමට දේශීය ඌරුවට සැකසුණු කලා සම්ප්‍රදායක් ලෙසට හැදින්විය හැක.අපේ ගීත කලාව ජාත්‍යන්තර මට්ටමට රැගෙන යාමේදී මෙරට බයිලා ගීත කලාවෙන් විශාල යමක් කළ හැකිය. රියැලියකට පැමිණ බයිලා කියනවාට ඔබ්බට ගොස්  ලංකාවේ බයිලා ලෝකයට ගෙනියන්න වර්තමාන පරම්පරාවට සිත් පහල වේවායි සිතමු.

The post බයිලා කියවන් නැතුව බයිලා ගැන කියවන්න first appeared on Throw Back Ceylon.

The post බයිලා කියවන් නැතුව බයිලා ගැන කියවන්න appeared first on Throw Back Ceylon.

ජනවාරි /2020

සම්බුදු සසුනේ චිරස්ථිය වෙනුවෙන් විභජ්ජවාදය මහා ධර්ම සම්භාෂණය හා මහා ත්‍රිපිටක පුජාව 2020 ජනවාරි 04 වනදින කොළඹ සුගතදාස ක්‍රීඩාංගණයේ පැවැත්විණ. විවිධ වූ වැරදි අර්ථකථන ලබාදීමෙන් බුදුදහමට සිදුවන හානිය වළක්වා ගැනීම උදෙසා ත්‍රිපිටකය හා අට්ඨ කතා ඩිජිටල් මාධ්‍යයෙන් පන් දහසක් වූ භික්ෂුන් වහන්සේලා වෙත පුජා කිරීමේ මහා පිංකමද මෙදින සිදුවිය.

2019 වසරේ චීනයේ වූහාන් නගරයෙන් හමුවූ, මින් පෙර රෝග ඇති කරන වෛරසයක් ලෙස හදුනා ගෙන නොතිබූ කෝරෝනා වෛරසය 2020 ජනවාරි මස ආරම්භයේත් ලෝකයේ බොහොමයක් රටවලට මාරාන්තික අවධනාමකට ලක් කර තිබෙන නිසා, මෙරට අධ්‍යාපන අමාත්‍යංශය විසින් සෞඛ්‍ය හා දේශීය වෛද්‍ය අමාත්‍යංශය හා එක්ව මෙරට පාසැල් දරුවන් කොරෝනා වෛරසය ආසාධනය වීමෙන් වළක්වා ගැනීම සදහා පිළිපැදිය යුතු යුතුකම් මාලාවක් පිළිබදව සියළු පළාත්, කලාප, කොට්ඨාස බළධාරින්ට හා ජාතික පාසැල් විදුහල්පතිවරුන් දැනුවත් ජනවාරි මස ආරම්භයේදී සිදු විය.

ශ්‍රී ලංකාවෙන් ප්‍රථම වරට කොරෝනා ආසාධිතයෙන් ජනවාරි 25වන දින හමුවන ලදි .චීන ජාතික කාන්තාවක් වන ඇය 42 හැවිරිදි වේ.

පෙබරවාරි /2020

72 වන ජාතික නිදහස් දිනය, 2020 වසර පෙබරවාරි 04 වන දින මහත් අභිමානයෙන් යුතුව ශ්‍රි ලංකාවාසීන් විසින් සමරන ලදි. ප්‍රධාන ජාතික නිදහස් දින සැමරුම කොළඹ නිදහස් චතුරස්‍රයේදී අතිගරු ජනාධිපති ගෝඨාභය රාජපක්ෂ මැතිතුමාගේ ප්‍රධානාත්වයෙන් පැවැත්විණ.සයිබර් ප්‍රහාර එල්ල කිරිම සදහා හැකර්වරු Covid-19 වෛරසය සම්බන්ධ තොරතුරු ප්‍රයෝජනයට ගනිමින් සිටිනා බවට ශ්‍රී ලංකා අන්තර්ජාල පරිශීලකයන්ට අවධානයෙන් පසුවන් ලෙසට ශ්‍රී ලංකා  තොරතුරු තාක්ෂණ සංගමය දැනුවත් කරන ලදි.කෝරෝනා  වෛරසය පිළිබද තොරතුරු දැනගැනීම වෙනුවෙන් අන්තර්ජාලය වැඩි වශයෙන් භාවිතා කිරිම මෙයට හේතුවයි.

මාර්තු /2020

බිත්ති සිතුවම් කලාවට නව අරුතක් දෙමින් ශ්‍රී ලංකාවට ආවේණික ශාඛ හා සතුන් පිළිබදව එළිමහන් කලාගාරයක් 2020 වසරේ මාර්තු මස නුගේගොඩ ශාන්ත ජෝන් විදුහල පිටුපස හා සමුද්‍රදේවි විදුහල ඉදිරිපිට විවෘත කෙරිණ.ජනාධ්පති ගෝඨාභය රාජපක්ෂ මහතාගේ ජයග්‍රහණය සැමරීම සදහා රටපුරා නගර අලංකරණයට බාල ,තරුණ,මහළු පිරිස් බිත්ති සිතුවම් කිරිමේ උද්යෝහය නිසාවෙන් මෙම සංකල්පය බිහිවිය.

නව කොරෝනා වෛරසය ආසාධනය වූ පළමු ශ්‍රී ලාංකිකයා මාර්තු 11 වන දින මෙරටින් හමුවන ලදි.52 හැවිරිදි එම පුද්ගලයා ඉතාලි සංචාරක මග පෙන්වන්නෙක් ලෙස සේවය කල අයෙක්.

කොරෝනා වෛරසයේ අවධානම මෙරටට ඇතිවීමත් සමග පාසැල් සිසුන් සදහා ලබාදෙන අප්‍රේල් නිවාඩුව, මාර්තු මස 13 වන දින සිට ලබාදීමට අධ්‍යාපන අමාත්‍යංශය නිවේදනය කරන ලදි.

රටතුළ කොරෝනා වෛරසය ව්‍යාප්ත වීම වැළක්වීම සදහා ජනතාව ඒකරාශීවීම වැළැක්වීම හා ජනතාවගේ සංචරණය කිරිම් අවම කිරීමට පියවර ගන්නැ‍යි රජය ජනතාවගෙන් මාර්තු මස14 වන දින සිට ඉල්ලා සිටින ලදි.

රජය විසින් මාර්තු 17 සිට මාර්තු 19 දක්වා මුළු දිවයිනටම විශේෂ නිවාඩු දින 03ක් ප්‍රකාශයට පත් කළ අතර මෙම කාලය තුළ ජනතාව තම නිවෙස් තුළම කාලය ගත කරන්නැයි විශේෂ  මාධ්‍ය හමුවක්  සංවිධානය කරමින් කියා සිටින ලදි. මෙම තීරණය රජය විසින් ගනු ලැබුවේ,කොරෝනා වෛරසය පැතිරීමේ අවධානම අවම කිරීම සදහායි.එහිදී සියළු විනෝද ගමන් බිමන් තහනම් කරන ලද අතර එය දිවයින පුරා පිහිටි  499 ක් වූ පොලිස් ස්ථාන මගින් පොලිස් මාර්ග බාධක යොදා නීරීක්ෂණය කරන බව නියෝජ්‍ය පොලිස් අධිකාරී අජිත් රෝහණ මහතා විසින් පවසන ලදි.මෙය කඩ කරන අයට දැඩිව නීතිය ක්‍රියාත්මක කරන බව පවසන ලදි.

2020 මාර්තු 18 වන දින මධ්‍යම රාත්‍රියෙන් පසු ශ්‍රී ලංකාවට පැමිණෙන සියලු ගුවන් මඟීන් නැවැත්වීමට රජය තීරණය කරනු ලැබිණ.

2020 මාර්තු 20 වන දින මුළු දිවයිනටම බලපාන පරිදි රජය විසින් පොලිස් ඇදිරි නීතිය/ නිරෝධායන ඇදිරි නීතිය කොරෝනා වෛරසය ව්‍යාප්තිය මැඩලීමට පළමු වරට ක්‍රියාත්මක කරන ලදි.

රටපුරා ඇදිරිනීතිය පනවා ඇති නිසා රජයේ හා පුද්ගලික අංශයේ රැකියාවල නියුක්තවූවන්ට නිවසේ සිට රැකියාවල නිරත් වීමටත්., පාසැල් සිසුන්ට අන්තර්ජාලය හරහා  අධ්‍යාපන කටයුතු සිදු කරන ලෙසත් රජය විසින් ජනතාවට දැනුම් දෙන ලදි. තවද එම කාලය තුළ ඇතිවූ තත්ත්වය නිසා,පාසැල් දරුවන්ට අතපසුවන අධ්‍යාපන කටයුතු සිදුකරගෙන යාමට ඒ සදහාම වෙන්වූ රෑපවාහිනී නාලිකාවක අවශ්‍යතාවය පිළිබදව අප්‍රේල් මස ආරම්භයේදී රජයේ අවධානය යොමුවිණි.

රටපුරා ඇදිරි නීතිය පනවා තිබෙන නිසා නිවෙස්වල පුද්ගලයින්ට අත්‍යවශ්‍යය  භාණ්ඩ සහා ඖෂධ අන්තර්ජාලය හරහා ඇණවුම් කිරීමට බෙදාහැරීමට රජය විසින් ක්‍රමවේද සකස් කල ඒ අනුව කටයුතු කිරිමට සලස්වන ලදි.

කොරෝනා වසංගතය  ව්‍යාප්ත වීම පාලනය කිරීමට හා ඒ ආශ්‍රිත සමාජ සුභසාධන ක්‍රියාකාරකම් සදහා ජනාධිපති ගෝඨාභය රාජපක්ෂ මහතා විසින් “ඉටුකම” නමින්  Covid-19 සෞඛ්‍ය හා සමාජ ආරක්ෂණ අරමුදලක් මාර්තු 23 වනදා පිහිටුවන ලදි.ඒ සදහා ප්‍රථම වරට ජනාධිපති අරමුදලෙන් රුපියල් මිලියන 100ක්  පරිත්‍යාග කරන ලදි.

COVID-19 ආසාධනය වූ පළමු රෝගියා සම්පූර්ණ සුවය ලබා ප්‍රතිකාර ලැබිමෙන් අනතුරුව මාර්තු 23වන දින කොළඹ IDH රෝහලෙන් පිටව යන ලදි.

නිරෝධායන මධ්‍යස්ථානයක් තුල දින 14ක නිරෝධායන කාල සීමාව සාර්ථකව සම්පූර්ණ කර පළමු කණ්ඩායම සෞඛ්‍ය  උපදෙස් මත මාර්තු 24වනදා මුදා හැරිණි.ශ්‍රී ලංකාවෙන් වාර්තා වන ප්‍රථම කොරෝනා ආසාධිත මරණය 2020 මාර්තු 28 වන දින කොළඹ IDH රෝහලෙන් වාර්තා විය.එලෙස මියගියේ මාරවිල ප්‍රදේශයේ පදිංචි අවුරුදු 60ක පිරිමි පුද්ගලයෙකි.සෞඛ්‍ය  ආරක්ෂණ ක්‍රම වේදවලට අනුකූලව එම මෘත ශරීරය සෞඛ්‍ය අංශ විසින් ආදාහනය කරන ලදි.

අප්‍රේල්/2020

2020 වසරේ සිංහල හා හින්දු අලුත් අවුරුද්ද සෞඛ්‍ය හා ආරක්ෂණ ක්‍රම අනුගමනය කරමින් රට වැසියන් විසින් නිවෙස් වලම සමරන ලදි. ප්‍රථම වරට කිසිදු අලුත් අවුරුදු උළෙලක් මෙම වසරේ  පැවැත්වූයේ නැත.

කොරෝනා වසංගතය හේතුවෙන් විදේශයන්හි හිරවී සිටින ශ්‍රී ලංකියන් මෙරටට ගෙන්වා ගැනිමේ පළමු පියවර වශයෙන් ඉන්දියාවේ හා පකිස්ථානයේ ශිෂයයන් 100ක්  අප්‍රේල් 21වන දින ගෙන්වා  ගන්නා ලදි.

සමස්ත දිවයිනම ආවරණය වන පරිදි මෙරට ඉතිහාසයේ සිදු වූ විශාලතම මහජන සහානාධාර බෙදා හැරිමේ මෙහෙයුම වූයේ, කොරෝනා වසංගතයෙන් පීඩාවට පත්ව ඇති පුද්ගලයන් සදහා ග්‍රාමීය මට්ටමෙන් ග්‍රාමසේවක හරහා රු,5,000/- ක මුදලක් නිවසටම බෙදා හැරීමයි.රජය මෙම කටයුත්ත අප්‍රේල් හා මැයි යන මාස දෙකෙහිම සිදු කරන ලදි.

මැයි/2020

මෙරට මෙන්ම විදෙස් රටවල්වලද 2020 මැයි දිනය වෙනුවෙන් මැයි දින පෙළපාලි කිසිවක් පැවැත්වූයේ නැත.එයට හේතුව කොරෝනා ගෝලීය වසංගතයයි.

කොරෝනා වෛරසයෙන් කුඩා දරුවන් ආරක්ෂා කර ගැනීම සදහා රජය විසින් පෙරපාසැල් හා දිවා සුරුකුම් මධ්‍යස්ථානවලට උපදෙස් මාලාවක් මැයි මස ආරම්භයේදී නිකුත් කෙරිණි.

එසේම මැයි මස ආරම්භයේ කොරෝනා වසංගත අවධානම නිසාවෙන් රටතුළ සියළුම පාසැල් හා විශ්ව විද්‍යාල තවදුරටත් නැවත දැනුම් දෙනතුරු වසා තබන ලදි.අධ්‍යාපන අමාත්‍යංශය විසින් online ක්‍රමයට ඩිජිටල් තාක්ෂණය යටතේ ඉගැන්වීම් ක්‍රියාවලිය කරගෙන යන ලෙසට අධ්‍යාපන බළධාරීන්ට, ගුරුවරුන්ට හා දරුවන්ට දැනුම් දෙන ලදි.

2020 වර්ෂයේ වෙසක් පුර පසළොස්වක දිනය වෙනුවෙන්ද බැතිමතුන්ට නිවෙස්වලම සිල් සමාදන් වී ආගමික කටයුතුවල නියැලෙන්නට සිදුවූයේ කොරෝනා වෛරසය ව්‍යාප්ත වීම වැළැක්විමට වෙහෙර විහාරස්ථාන වසා තිබිම නිසයි.

2020 මැයි 22 දින සිට බලපැවැත්වෙන පරිදි ‘ද ෆිනෑන්ස් කම්පැනි පීඑල්සී’ ආයතනය වෙත මුදල් ව්‍යාපාර කටයුතු පවත්වා ගෙන යාම සඳහා නිකුත් කර තිබූ බලපත්‍රය අවලංගු කිරීමට ශ්‍රී ලංකා මහ බැංකුවේ මුදල් මණ්ඩලය තීරණය කරන ලදී. ලංකා කම්කරු කොංග්‍රසයේ නායක,ප්‍රජා සවිබල ගැන්වීම් හා වතු යටිතල පහසුකම් සංවර්ධන අමාත්‍ය ආරුමුගම් තොණ්ඩමන් මහතා හදිසි අසනීප තත්ත්වයක් හේතුවෙන් මැයි 27වන දින අභාවප්‍රාප්ත වන ලදි.

ජුනි/2020

ජුනී මස 12 වනදා සිට මෙතෙක් වසා දමා තිබූ ජාතික වනෝද්‍යාන ජනතාවට විවෘත කරන ලදි.

කොවිඩ් වසංගතය නිසා තෑපෑලෙන් බෙදා හරින ලද ඖෂධ සේවාව ජුනි මස 15වන දින සිට නවත්වන ලදි.

ජුනි මස 28 වන ඉරිදා සිට බලපැවැත්වෙන පරිදි මුළු දිවයිනේම ඇදිරිනීතිය සම්පූර්ණයෙන් ඉවත් කරන ලදි.කොරෝනා වසංගතය ව්‍යාප්ත වීම පාලනය කිරිම සදහා ප්‍රථම වරට මාර්තු 20වනදා දිවයින පුරා බලපැවැත්වූ නීතිය පසුගිය ජුනි මස 13වනදා ක්‍රියාත්මක වූයේ මධ්‍යම රාත්‍රී 12 සිට අලුයම 4 දක්වා පමණි.මෙලෙස මෙරට ඉතිහාසයේ දීර්ඝතම කාලයක් ක්‍රියාත්මක වු ඇදිරිනීතිය එලෙස අවසන් විය.

මෙරට දරුවන්ගේ ළමා ලෝකය හැඩ කළ ආදරණීය සිබිල් නැන්දා ලෙසින් ප්‍රකට, ප්‍රවීණ ළමා ලේඛිකා හා ප්‍රවීණ චිත්‍ර ශිල්පිණි සිබිල් වෙත්තසිංහ  මහත්මිය වයස අවුරුදු 93ක් ආයු වළදා , ජුනි මස 30 වනදා රාත්‍රියේ හදිසි රෝගාතුරවීමකින් දැයෙන් නික්ම යන ලදි.

මාර්තු මාසයේ සිට ඇදිරිනීතිය තත්ත්වය හේතුවෙන් නිවෙස් වලට විදුලිබිල ලැබීමට සැලැස්විය නොහැකි නිසා මාස තුනක විදුලිබිලක් එකවර සෑම නිවසකටම ජුනී මාසයේ ලැබුණු අතර එයද මෙරට ඉතිහාසය තුළ ප්‍රථම වරට වූ සිද්ධියක් ලෙස අපට පෙන්වා දිය හැකියි.

ජූලි/2020

සියළුම විශ්ව විද්‍යාලවල දෙවන හා තෙවන වසර සිසුන්ගේ අධ්‍යාපන කටයුතු ජුලි මස 06 වන දින සිට සෞඛ්‍ය  උපදෙස් මාලාවක් මත ආරම්භ කෙරුණු අතර පළමු වසර අධ්‍යාපන කටයුතු ආරම්භය සම්බන්ධව තීරණයක් ඒ වනවිටත් නොතිබුණි.ජුලි මස 13 සිට 17 වන දින දක්වා නැවතත් සියළුම පාසැල් හා පිරිවෙන් වසා තැබීමට රජය විසින් තීරණය කරන ලදි,ඒ කොරෝනා වසංගතය පැතිරීමේ අයහපත් අවධානම නිසාවෙනි.නමුත් එළඹෙන මහ මැතිරණය සදහා තැපැල් ජන්ද මධ්‍යස්ථාන ලෙස භාවිතා කරන පාසැල් අදාළ දිනවල විවෘත කර තැපැල් ජන්ද ප්‍රකාශ කීරීමේ කටයුතු සිදුකරන ලදි. එම පාසැල් නිවාඩුව නැවත ජුලි මස 27වන දින දක්වා දීර්ඝ කෙරිණි.

අගෝස්තු/2020

මහනුවර ඇසළ පෙරහැරේ අවසන් රන්දෝලි පෙරහැර අගෝස්තු 03වන දා නිකිණි පොහෝදා වීඨී සංචාරය කරන ලදි.මෙවර මහනුවර ඇසළ පෙරහැරේ විශේෂත්වය වන්නේ රටපුරා ඇතිව ඇති කොවිඩ් අවධානම නිසා ජනතාවට නැරඹීම සදහා සහභාගී විමට නොහැකි බවයි.පෙරහැර විද්යුත් මාධ්‍ය ඔස්සේ ජනතාවට නැරඹීමට කටයුතු සලස්වා තිබුණි.

2020 පාර්ලිමේන්තු මහ මැතිවරණයේ ජන්දය ප්‍රකාශ කිරිම අගෝස්තු 05වනදා උදෑසන 7.00 සිට සවස 5.00 දක්වා දිවයින පුරා ජන්ද  මධ්‍යස්ථාන 12,985කදී සිදු කරන ලදි.

එම මහ මැතිවරණයෙන් ශ්‍රී ලංකා පොදුජන පෙරමුණ විශිෂ්ඨ ජයක් ලබාගන්නා ලදි.හිමිකරගත් සමස්ථ ආසණ ගණන 145කි.

නව අග්‍රාමාත්‍ය මහින්ද රාජපක්ෂ මහතා නව ධූරයේ දිවුරුම් දීම කැළණිය රජ මහා විහාරයේදී ජනාධිපතිතුමන් ඉදිරියේ අගෝස්තු 09වනදා සිදුවිය.

අගෝස්තු 12වන දින නව රජයේ අමාත්‍ය මණ්ඩලය මහනුවර මගුල් මඩුවේදී ජනාධිපතිතුමන් ඉදිරියේ දිවුරුම් දෙන ලදි.

සමස්ත දිවයිනේම විදුලිය විසන්ධි වීමක් අගෝස්තු 17වනදා එකවර සිදුවූ අතර එය කිසිදු බලාගාරයක උපකරණ දෝෂයක් මත නොව පුද්ගලයකුගේ අත් වැරැද්දකින් වු දෙයක් බව ඒ පිළිබද විමර්ශනයට පත් කල කමිටුව පවසන ලදි.9 වැනි පාර්ලිමේන්තුවේ අභිනව කතානායජ ධූරයට පාර්ලිමේන්තු මන්ත්‍රී මහින්ද යාපා අබේවර්ධන මහතා අගෝස්තු 20වනදා පත් වන ලදි.

සැප්තැම්බර් /2020

පැනමා ධජය සහිත New Dimond තෙල් නෞකාවේ සැප්තැම්බර් 04 වන දින මෙරට ගොඩබිමට සැතපුම් 20ක පමණ දුරින් මුහුදේ ගින්නක් හටගත් අතර මෙරට ආරක්ෂක අංශ, වරාය අධිකාරිය හා ඉන්දීය නාව්ක හමුදාව විසින් කළ ඒකාබද්ධ මෙහෙයුමෙන් අනතුරුව ගින්න පාලනය කිරීමට හැකිවිය.

කොළඹ ජාත්‍යන්තර පොත් ප්‍රදර්ශනය 22 වන වරටත් බණ්ඩාරනායක අනුස්මරණ සම්මන්ත්‍රණ ශාලාවේදී සැප්තැම්බර් 17 වනදා සිට 28වනදා දක්වා සෞඛ්‍ය නිතීරිතී හා උපදෙස්වලට අනූකූලව පවත්වන ලදි.

ප්‍රවීණ රංගධරයකු වූ ටෙනිසන් කුරේ මහතා සැප්තැම්බර් 28 වන දින අභාවප්‍රාප්ත වන ලදි.

යෝජිත විසි වන ආණ්ඩුක්‍රම ව්‍යවස්ථා සංශෝධනය අධිකරණ අමාත්‍ය අලි සබ්‍රිරි මහතා විසින්  සැප්තැම්බර් 23වන දින පාර්ලිමේන්තුවට ඉදිරිපත් කල අතර එය ඉදිරිපත් කරන අවස්ථාවේම විපක්ෂය විසින් විරුද්ධ වන ලදි.

ලොතැරැයි ඉතිහාසය  අලුත් කරමින් ජාතික ලොතැරැයි මණ්ඩලය විසින් සැප්තැම්බර් 23 වන දින රු.20ක මිලට වූ, මෙගා පවර් ලොතැරැයිය සදහා කෝටි 23ක ජය මුදලක් මහනුවර ප්‍රදේශයේ ජයග්‍රාකයකු සදහා ලබා දුන්නේය.

කොරෝනා ව්‍යාප්තිය නිසා වසා තැබුනු සියළු පාසැල්වල අධ්‍යාපන කටයුතු දීර්ඝ නිවාඩුවෙන් පසුව  5 ශ්‍රේණිය සිට 13 ශ්‍රේණිය දක්වා අගොස්තු 10 වන දිනෙන් නැවත ආරම්භ කරන ලදි.

ඔක්තොම්බර් /2020

දිවයින පුරා පසුගිය වසර පුරාවට දැඩි කහ හිගයක් ඇතිවූ අතර මේ හේතුවෙන් කහ මිල දැඩිව ඉහළ යන ලදි.ඒ හේතුවෙන් රජයට කහ සදහා පාලන මිලක් නියම කිරීමද සිදුවිය.මේ අතර නීතිවිරෝධි ලෙස මෙරටට ගෙන ආ කහ කිලෝ 902ක් නාවික හමුදා භාරයට ඔක්තොම්බර් 4වනදා ගැණුනි.

මාස දෙකකට ආසන්න කාලයක නිහඩතාවයකට පසුව ඔක්තොම්බර් 04 වන දින ගම්පහ දිවුලපිටිය ප්‍රදේශයේ පදිංචි මිනුවන්ගොඩ ඇගළුම් කර්මාන්ත ශාලාවක සේවයේ නියුතු කාන්තාවකට කොරෝනා වෛරසය ආසාධනය වී ඇති බවට හදුනා ගන්නා ලදි.

වේවැල්, පිත්තල, මැටි, ලී බඩු සහ ග්‍රාමීය කර්මාන්ත ප්‍රවර්ධන රාජ්‍ය අමාත්‍යාංශය සහ MAS සමූහයට අයත් “MAS Intimates (PVT) Ltd” ආයතනය අතර අවබෝධතා ගිවිසුමක් (MOU), දේශීය මැටි නිෂ්පාදන අගය කිරීම සදහා ගුරුලේත්තු 3000කට ඔක්තොම්බර් 05 දින අමාත්‍යංශයේදී අත්සන් කරන ලදී.

දිවුලපිටිය ප්‍රදේශයේ කොරෝනා ආසාධිත කාන්තාවක් නැවත හමුවීමත් සමග කොරෝනා ව්‍යාප්තිය පාලනය කිරිමට රජය ගෙනයන වැඩපිළිවෙලට සහය ලබාගැනීමට රටපුරා සියළුම පොලිස් නිළධාරීන්ගේ නිවාඩු ඔක්තොම්බර් 05වනදා සිට අවලංගු කෙරුණි.

රට තුළ පවතින තත්ත්වය පදනම් කරගෙන දිවයින පුරා පිහිටි පාසැල් සදහා දෙවන වාරයේ නිවාඩුව ඔක්තොම්බර් 05 වන දින සිට ලබාදෙන ලදි.

ගම්පහ බල ප්‍රදේශයට බල පැවැත්වෙන පරිදි ඔක්තොම්බර් 06 සවස 6.00 සිට නැවත දැනුම් දෙනතුරු ඇදිරිනීතිය පනවන ලදි. මීට හේතු වුයේ මිනුවන්ගොඩ බ්‍රැන්ඩෙක්ස් ආයතනයේ කොරෝනා  වෛරසය පැතිරීමත් සමගයි.

මිනුවන්ගොඩ බ්‍රැන්ඩෙක්ස් ආයතනයේ සේවක සේවිකාවන්ට හා ඔවුන්ගේ පවුල්වලට නීරෝධායන නියෝගයක් රජය විසින් ඔක්තොම්බර් 07 ප්‍රකාශයට පත් කෙරේ.

ශ්‍රී ලංකා යුද්ධ හමුදාව සිය 71වන සංවත්සරය ඔක්තොම්බර් 10 වනදා සමරන ලදි.

පහ ශ්‍රේණිය ශිෂ්‍යත්ව විභාගය සියළු සෞඛ්‍ය ආරක්ෂක ක්‍රමවේද යටතේ ඔක්තොම්බර් 11 වන දින පවත්වන ලදි.අධ්‍යයන පොදු සහතික පත්‍ර උසස් පෙළ විභාගය සෞඛ්‍ය ආරක්ෂිත ක්‍රම යටතේ ඔක්තොම්බර් 12 වනදා ආරම්භ වූ අතර එය නොවැම්බර් 06වනදා දක්වා පැවැත්විණි. නීරෝධායන ඇදිරි නිතීය පනවා ඇති ප්‍රදේශවල දරුවන්ට මෙම විභාගයන් සදහා පෙනී සිටීම විශේෂ විභාග මධ්‍යස්ථාන තුල සිදුවිය. එහිදි ඇදිරිනීති බලපත්‍රයක් ලෙස තම විභාග ප්‍රවේශ පත්‍රය භාවිතා කිරිමට අවසර ලබාදී තිබුණි.

විසිවන ආණ්ඩුක්‍රම ව්‍යවස්ථා සංශෝධනය ඔක්තොම්බර් 22 වන දින  සංශෝධන සහිතව තුනෙන් දෙකක බහුතර ජන්දයෙන් පාර්ලිමේන්තුවේදි සම්මත වන ලදි.

නොවැම්බර්/2020

ආගමන විගමන දෙපාර්තුමේන්තුව නැවත දැනුම් දෙනතුරු නොවැම්බර් 02වනදා වසා දමන ලදි.

නිරෝධායන ඇදිරිනීතිය නොවැම්බර් 09 වන දින උදැසන 5.00න් ඉවත් කල අතර, ඒ වනවිටත් අවධානම පහව ගොස් නොමැති ප්‍රදේශ්වලට ඇදිරිනීතිය එලෙසටම ක්‍රියාත්මක කරන ලදි.

දීර්ඝ කාලයක් නවතා තිබුණු දුම් රිය සේවාව සහ තැපැල් සේවාව නොවැම්බර් 10 වන දින යළි ආරම්භ කරන ලදි.

තුන්වන පාසැල් වාරය නොවැම්බර් 23 වන දිනෙන් බස්නාහිර පළාතේ සහ හුදකලා කර තිබෙන ප්‍රදේශවල පාසැල් හැර දිවයින පුරා පිහිටි පාසැල්වල ආරම්භ කරන ලදි.නාරාහේන්පිට මෝටර් රථ දෙපාර්තුමේන්තුවේ රාජකාරි කටයුතු නොවැම්බර් 24 සිට යළි අරඹන ලදි.

දෙසැම්බර්/2020

නිරිතදිග බෙංගාල බොක්කේ ඇතිවූ “බුරව්” සුළි කුණාටුව දෙසැම්බර් 03වනදා දිවයිනේ ත්‍රිකුණාමලය,පේදුරුතුඩුව අතරින් මුලතිව් වලින් ගොඩබිමට පැමිණෙන ලදි.

2021 වසරට අදාලව අය වැය ජන්ද විමසීම දෙසැම්බර් 10 වන දින වැඩි ජන්ද හිමි කරගැනීමෙන් පාර්ලිමේන්තුවේදී සම්මත විය.

“ Made in Sri Lanka “නමින් මෙරට දේශීය නව නිෂ්පාදන සදහා නව වෙළදපොළක් ලබාදීමේ ක්‍රියාවලිය රජය විසින් දෙසැම්බර් 15 දින ආරම්භ කරන ලදි.

දෙසැම්බර් 21 වන දින බටහිර අහසේ බ්‍රහස්පති හා සෙනසුරු ග්‍රහලෝක දිගටි රවුම් බෝලයක් ලෙස දිස්වෙනු දැක ගැනීමට හැකි විය.

සෞඛ්‍ය උපදෙස් පිළිපදිමින් ඉතා චාම් ලෙස අධ්‍යාත්මිකව සිතමින් උදාවූ අසිරිමත් නත්තල සමරන්නැයි කොළඹ අගරදගුරු අති උතුම් මැල්කම් රන්ජිත් කාදිනල් හිමිපාණන් තම නත්තල් දින පණිවිඩයෙන් කතෝලික ජනතාවෙන් ඉල්ලා සිටින ලදි.2020 දෙසැම්බර් 31 වන විට මෙරට කොවිඩ් මරණවල මුළු සංබ්‍යාව 199 ක් දක්වා ඉහළ යන ලදි.

The post 2020 වසරේ ශ්‍රී ලාංකික මතක first appeared on Throw Back Ceylon.

The post 2020 වසරේ ශ්‍රී ලාංකික මතක appeared first on Throw Back Ceylon.

ඉහත සදහන් වන ආරම්භයෙන් අප උත්සාහ ගනු ලබන්නේ මෙවර ශ්‍රී ලංකීය සංගීතයේ එක් සුවිශේෂී කඩිනමක් සම්බන්ධව සවිස්තරාත්මක විමර්ශනයක් ඉදිරිපත් කිරීමටයි. ඒ කැසට් පටි ගීත කලාව පිළිබදවයි.එය මෙරට තුළට පිවිසුනේ කෙසේද යන්නත්, එහි විකාශනයත්, අප කතා කිරිමට බලාපොරොත්තු වෙමු.

ඉහත සදහන් කළ ආකාරයට හින්දි ගීත ආභාෂයෙන් නිර්මාණය වූ, චිත්‍රපටි ගීත ප්‍රකටව පැවැති යුගයේ,අපටම අනන්‍ය වූ දේශීය සංගීයක් නිර්මාණය කීරිම වෙනුවෙන් එකල සංගීත විශාරදරයන් කිහිප දෙනෙකු පුරෝගාමි විය.ඒ අතරින්, ආනන්ද සමරකෝන්, ඩබ්ලිව්.ඩී.අමරදේව,සුනිල් ශාන්ත වැනි ප්‍රතිභාපූර්ණ සංගීතඥයන් ජන  නාද රටා ආශ්‍රයෙන් දේශීය සංගීතයක් නිමැවීමට මහත් වෙහෙසක් දැරීය.ඔවුන්ගේ උත්සාහයන්ට ගැලපෙනම නිසිලෙස බස හසුරුවපු  අරිසෙන් අහුබුදු,ආනන්ද සමරකෝන්,ඩෝල්ටන් අල්විස් වැනි ගේය පද රචකයන්ද එකල විය.

මෙකල වඩාත්ම ජනප්‍රියම සංගීත භාණ්ඩය වූ ග්‍රැමෆෝනය,ප්‍රදර්ශන භාණ්ඩයක් මෙන් සැම තැනකම සංගීත රසාස්වාදය සදහා අතෙහි රැගෙන යන ලදි.ඉන් කලක් ගතවන්නට මෙරට ආර්ථිකය වඩාත් ලෝකයට විවෘත වන්නට පටන් ගැනීමත් සමග අපේ රටින් මැදපෙරදිග රටවල් සදහා බොහෝ පිරිස් රැකියා සදහා යන ලදි. මෙයින් මැදපෙරදිග රටවල් සදහා රැකියාවට ගිය ශ්‍රමිකයන් බොහොමයක් නව විදුලි උපකරණ/ ඉලෙක්ට්‍රොනික් උපකරණ මෙරටට රැගෙන එන ලදි. ඒ අතර වූ, ” ටූ ඉන් වන් ” රේඩියෝවේ,ගීත වාදනය කර ශ්‍රවණය කිරීමේ හැකියාව හා පටිගත කිරිමේ හැකියාව තිබුනි.නමුත් එහි වාදනය කිරිමට සිදුවූයේ විදෙස් රටවලින් ගෙන ආ හින්දි, දෙමළ, ඉංග්‍රීසි භාෂාවලින් යුත් ගීතයි.

මෙම කාලයේ ලේක් හවුස් ආයතනයේ වෙළද දැන්වීම් නියෝජිතයකු ලෙස සේවය කල විජය රාමනායක මහතා ගීත තැටි නිෂ්පාදනය කර බෙදාහැරීමේ සමාගමක් ” තරංගා රෙකොඩ්බාර්” නමින් රීගල් සිනමාහල අසල පවත්වා ගෙන ගියේය.එක්තරා දිනක ඔහුට ඉහත සදහන් කල “ටූ ඉන් වන්” රේඩියෝවක් දැකගන්නට ලැබුනු අතර කෙසේ හෝ  සිංහල කැසට්පටි නිර්මාණය කලහොත් එය මෙරට ගීත කලාවට මහත් ප්‍රයෝජනයක් මෙන්ම විශාල ව්‍යාපාර අවස්ථාවක් බවද තේරුම් ගත්හ. මේ පිළිබද අධ්‍යනයක් කිරිමෙන් පසුව ඔහු විසින් ජනප්‍රිය ගායක මිල්ටන් මල්ලව ආරච්චි සමගින් එක්ව ගීත 12කින් යුක්ත ” සදෙන් එහා” නමින් තරංගා ලේබලය යටතේ කැසට්පටියක් නිෂ්පාදනය කරන ලදි.ඒ අනුව ලංකා ඉතිහාසයේ ප්‍රථම කැසට්පටිය වන්නේ මිල්ටන් මල්ලව ආරච්චිගේ “සදෙන් එහා” කැසට් පටියයි.එහි “Anytime Anywhere” ලෙසද සදහන්ව තිබුණි.

එම කැසට්පටිය නිපදවා එය අලෙවි කිරිමට සංගීත තැටි අලෙව්හල්වලට ගියද, ඔවුන් එම අලුත් භාණ්ඩය විකිණිමට මැලිවූයේන්, රාමනායක මහතා, ඉන්ධන් පිරවුම්හල්,පොත් සාප්පුවල තබා අලෙවි කිරිම ආරම්භ කළහ.නොබෝ දිනකින් ඉතා සීඝ්‍රයෙන් එම කැසට්පටිය අලෙවි වීම සිදු විය.ඒ අනුව මෙරටට කැසට්පටි අලෙවිසැල් නොහොත් රෙකොඩ් බාර් සංස්කෘතිය පැමිණීම සනිටුහන් විය.

අනතුරුව ඔහු විසින් එකල ජනප්‍රිය ගායකයන් වූ කැලැරන්ස් විජේවර්ධන,නිහාල් නෙල්සන්,ප්‍රියා සූරියසේන.ඩෙස්මන්ඩ් සිල්වා ආදීන්ට කැසට්පටි නිෂ්පාදනය කළ අතර ඒවා අලෙවි වාර්තා තබමින් අලෙවි විය.තරංගාහි ගීත පටිගත කිරිමට කොළඹ තිබු පටිගත කිරීමේ ශබ්දාගාර පහම යොදා ගැණුනි.ඒ තරමට කැසට්පටි ජනප්‍රිය වූ අතර ඉහළ ආදායම් ලබන මාර්ගයක්ද විය.පසුකාලීනව මෙය ලාභදායි කර්මාන්තයක් වූ බැවින් අලුත් රෙකොඩ් බාර් බොහෝ ප්‍රමාණයක් බිහිවිය.සිල්වර්ලයින් රෙකෝඩ්බාර්, සාරංගා, සින්කොබා, රන්සිළු, ප්‍රියංකා, රත්නසිරි රෙකෝඩ්බාර්, ඊගල් ඕඩියෝ, එන්.ආර්. එන්ටප්‍රයිසස්, ෆැල්බන් ඕඩියෝ, බෙග් මියුසික් සෙන්ටර්, නිසා එන්ටර්ටේන්මන්ට්, සෙත්සිරි මියුසික් සෙන්ටර්, එම්. එන්ටර්ටේන්ට්මන්ට්, සොනික් එන්ටර්ටේන්මන්ට්, ඉන්දික මියුසික් සෙන්ටර්, ජයනන්ද ස්ටෝර්ස්, විජිත ට්‍රේඩ් සෙන්ටර්, නිල්වලා කැසට්, සජින්ද්‍ර ඕඩියෝ, සවන රෙකෝඩ්බාර්, සී.එස්. ඕඩියෝ ක්‍රියේෂන්, සාගර ෆැන්සි පැලස්, සිතාරා මියුසික් සෙන්ටර් ආදී කැසට් ව්‍යාපාරිකයෝ බිහි වූහ.

මේ සමගම සංගීත ක්ෂෙත්‍රයේ විශාල වෙනසක් සිදුවන්නට විය.ගායක ගායිකාවන්, ගීපද රචකයින්, සංගීතඥයන් සදහා ඉමහත් ඉල්ලුමක් ඇතිවිය.එපමණක් නොව, වාදක ශිල්පීන් සදහාද හොද ඉල්ලුමක් ඇතිවිය.සෑම දිනකම නොනවත්වා ගීත පටිගත කිරීම් ශබ්දාගාරවල සිදුවිය.කැසට්පටි නිෂ්පාදනය,අලෙවිය ක්‍රම ක්‍රමයෙන් වැඩි වන්න මෙය ඉතා ලාභදායි ව්‍යාපාරයක් විය.එමනිසා කලින් සදහන් කල පරිදි නව කැසට්පටි නිෂ්පාදකයන් , නව ශබ්දාගාර පමණක් නොව නව කැසට්පටි අලෙවිහල්ද රටපුරා ඇතිවූහ.පිටකොටුව මල්වත්ත පාරේ එකල වූයේ කැසට්පටි අලෙවිහල් පමණි.එමනිසා එම පාර “මියුසික් රෝඩ්” ලෙසද හදුන්වන්නට විය.මේ කාලයේදී රටපුරා සංගීත සංදර්ශන පැවැත්වීමත් ආරම්භ්වූ අතර සංගීත කණ්ඩායම්ද බිහිවිය.මෙම සංගීත සංදර්ශනද පටිගත කර, කැසට්පටිවල අලෙවි කිරිම ආරම්භ විය.

කණ්ඩායම් සංගීතය සමගින් නවක ගායක ගායිකාවන් විශාල වශයෙන් රසිකයන් අතර ජනප්‍රිය වූවා පමණක් නොව ඔවුන්ගේ කැසට්පටි අලෙවියද විශාල වශයෙන් සිදුවිය.අදටද එකලෙස ජනප්‍රිය ෂර්ලි වෛජයන්ත, චන්ද්‍රසේන හෙට්ටිආරච්චි, චන්ද්‍රලේකා පෙරේරා, මරියසෙල් ගුණතිලක, ඉන්ද්‍රාණි පෙරේරා, ප්‍රින්ස් උදය ප්‍රියන්ත,ග්‍රේෂන් ජයමහ, අතුල ශ්‍රී ගමගේ, ආත්මා ලියනගේ, චන්දන ලියනාරච්චි, අසංක ප්‍රියමන්ත පීරිස්,සංජීවනී වීරසිංහ, චම්පා කල්හාරි, සමිතා එරන්දතී මුදුන්කොටුව වැනි බොහෝ ගායක ගායිකාවන් එකල කැසට්පටි සදහා ඉමහත් ඉල්ලුමක් තිබු ගායක ගායිකාවන් වේ.

80 දශකයේ ආරම්භයේ සිට අවසානය තෙක් මෙරට සංගීත ක්ෂෙත්‍රයේ මුදුනින්ම සිටි එච්.ආර්.ජෝතිපාලයන්ගේ කැසට්පටි මෙරට වැඩිපුරම අලෙවිවූ කැසට්පටි බවට විවාදයක් නැත.අදටද ඔහුගේ ගීත එකලෙස ප්‍රේක්ෂකයන් අතර ජනප්‍රියය.ඔහුගේ හදිසි අභාවයෙන් පසුව,  90 දශකය මැද භාගය වන්නට එම ජනප්‍රියත්වයට කිට්ටුවට පැමිණි ගායකයා වූයේ නාමල් උඩුගමයි.ඔහුගේ නිල්වලා නිෂ්පාදනයක් වූ ” සමුගන්නේ නෑ” කැසට්පටිය ආදායම් වාර්තා තබමින් එකල අලෙවිවූ අතර යොවුන් තරුණියන්ගේ සිහින කුමරා බවට එකල නාමල් උඩුගම පත්විය.

කණ්ඩායම් සංගීත කණ්ඩායම් හා එළිමහන් සංගීත  සංදර්ශන ඒ දිනවල වඩාත් ප්‍රකට මිනිසුන්ට නැතුවම බැරි දෙයක් විය.80 දශකයේ අග භාගයේ ඉහළින්ම සිටියේ ජිප්සීස් සංගීත කණ්ඩායමයි.ඉන්පසුව 90 දශකයේදි නීල් වර්ණකුලසූරිය පුමුඛ සන්ෆලවර් සංගීත කණ්ඩායම පෙරට ආ අතර ඔවුන්ගේ ” සලාදේ 1,2,3,4,5 ” කැසට්පටි විශාල වශයෙන් අලෙවි විය.ඉන්පසුව එම ස්ථානයට නලින් පෙරේරා පුමුඛ මේරියන්ස් කණ්ඩායම පැමිණි අතර මෙම කණ්ඩායම් තුන අදටද සංගීත කණ්ඩායම් අතර පළමු පෙළේ කණ්ඩායම් වේ.

ශ්‍රි ලංකාවේ කැසට්පටි කතාව ඉතිහාසයට එක් වෙමින් කෙමෙන් නිමා වන්නට ආරම්භ වූයේ ,90 දශකය අග භාගය වන විටය.ඒ ඉතා සීඝ්‍රයෙන් දියුණු වන නූතන තාක්ෂණයට අනුව ගීත පටිගතකිරිම හා ගබඩා කිරීමට නවීන ක්‍රම පැමිණීමත් සමගයි.ගීත ගබඩා කර තැන්පත් කිරිම සදහා CD, DVD, FLASH DRIVE ආදිය ඇති වීමත් සමග කැසට්පටි සදහා තිබුණ ඉල්ලුම අහෝසි වන ලදි.එමෙන්ම හඩ සකස් කර ගායනා කිරීමට හැකි වීමත් සමග මුදල් තිබෙන ඕනෑම අයෙකුට ගීත ගායනා කිරිමේ අවස්ථාව ලැබුනි.ඉන් කලක් ගතවන්නට CD, DVD, FLASH DRIVE යල් පැණගොස් Pen drive ආදියේ ගීත ගබඩා කර තබා ගන්නට විය.මේ වනවිට ඩිජිටල් තාක්ෂණය නිසා ගායක ගායිකාවන් තම නව නිර්මාණ YouTube හෝ සමාජ  මාධ්‍ය හරහා ප්‍රේක්ෂකයන් වෙත මුදාහරින අතර Smart Phone, Laptop, Tab හරහා පුද්ගලයින්ට ඕනෑම අවස්ථාවක ඕනෑම ස්ථානයක සිට ගීත රසවිදිය හැකියි.

එලෙස මෙරට කැසට්පටි කතාව ඉතිහාසගතවූ අතර, මෙරට සංගීත ක්ෂේත්‍රයේ තවත් සුන්දර යුගයක් ඒ ආකරයෙන් නිමාවට පත්විය.

The post මතකද බලන්න මේ කැසට් කතාව first appeared on Throw Back Ceylon.

The post මතකද බලන්න මේ කැසට් කතාව appeared first on Throw Back Ceylon.